Basst scho

Aus Wikipedia
(Weidagloadt vo Passt scho)
Wexln zua: Navigation, Suach
„Basst scho!“

Basst scho oda kuaz basst, aa guad so (dengl. "okay" oda "OK") hoasst sovui wia "(ois) in Oadnung" (i. O.).

Mit "basst scho" kenan vaschiedne Nuancen ausdruckt wean. Es ko hoassn, dass ois perfekt is, es ko oba aa bedeitn, dass ma grod no so zfriedn is. Beispui: "Afregend wor s Spui vo de 60a ned, oba gwunna homs, basst scho." Wens "a" bsundas langzogn wead, ko sogor s Gegntei damit gmoant sein. Ma sogt: "Baaaaasst scho!" Und denkt: 'Ois Scheisse! Oba lossmas guad sein!'.

Es Wort "bassen" kimpt vom franzesischn "passer" und hoasst do "vorbeigeh", "wo hingeh".[1] Do draus is im Boarischn nacha de Bedeitung "a Zui eareicha" entstandn.

De Heakumpft vom Wort "okay" is ned gsichat. Laut Merriam-Webster Online is des a Obkiazung vo "oll korrect", wo a Verballhornung vo "all correct" sein soi.[2]

Im Netz[VE | Weakln]

Beleg[VE | Weakln]

  1. Kluge. Etymologisches Wörterbuch der deutschen Sprache. Bearbeitet von Elmar Seebold. 24., eaweidate Aflog. de Gruyter, Berlin/ New York 2002. ISBN 3-11-017472-3
  2. "okay" ba Merriam Webster