Petrus (Apostl)

Aus Wikipedia
Wexln zua: Navigation, Suach
Apostl Petrus (14. JH)

Da Simon Petrus (* in Galiläa; † möglichaweis um 67 in Rom) is nochm Neien Testament mit seim Bruada Andreas zamm oana von de erstn Judn gwen, de Jesus vo Nazaret in sei Nochfoige beruafn hod. Er wird ois Sprecha von de Jüngan bzw. de Apostln, ois ersta Bekenna, oba aa Verleugna Jesu Christi, ois Augnzeuge vom Auferstandnen und ois a Leita von da Jerusalema Urgmoa dargstöit.

Dazua kumma Notizn von Kirchnvätan, wonoch er da erste Bischof von Antiochia sowia Gründa und Haupt von da Gmoa von Rom gwen und dort ois Märtyra higricht worn sei soll.