Portugal

Der Artikl is im Dialekt Obaboarisch gschrim worn.

Portugal
(Flaggn) (Wåppm)
Amtssproch	Portugiesisch
Haptstod	Lissabon
Stootsform	Parlamentarische Republik
Stootsoberhaupt	Präsident Aníbal Cavaco Silva
Ministerpresident	Pedro Passos Coelho
Flechn	92.345 km² (50. Plåtz)
Oawohnerzoi	10.543.290 (2006) (30. Plåtz)
Bevejkarungsdichtn	115 Eiwohner pro km²
BIP	$20,673 pro Kopf
Hymne	A Portuguesa
Wearung	Euro
Zeitzona	UTC
Kfz-Kennzeichen	P
Internet-TLD	.pt
Vorwoi	+351

Portugal (amtl. República Portuguesa) is a eiropejischa Stoot im Westn vo da iberischn Hoibinsl. Im Westn und Sidn weads vom Atlantischen Ozean, im Ostn und Nordn vo Spanien begrenzt. Zan portugiesischen Stootsgebiet ghean aa de Insln vo de Azoren und Madeira (mit Porto Santo). Westli vo da Haptstod Lissabon liegt[Cabo da Roca, da westlichste Punkt vom europejischen Festland.

Da Nama Portugal kimmt vo da Siedlung Cale im Nordn, wo friara a wichtiga Hofn wor. Drum ham de Rema, wo Portugal a Teil vom römischen Reich gwen is, Portus Cale dazua gsogt. Da draus is spada Portugal worn, und aus der Siedlung de Stod Porto.

Eadkunde

As portugiesische Festland hod vaschiedne Landschoftsforma: im Norden is eha bergig und grea, do woxn aa de moastn landwiatschoftlichn Gita vom Land. im Winter kos in de Berg recht koit wern. Nåch Siaden hin werds åiwei flåcher, hoaßer und trockner. Då håts dann eher Beim wia Eukalyptus oder Palmen, und s'kimmt im Sommer regelmassi zu Wåidbränd. Gånz im Siaden liagt d'Algarve, a beliebts Urlaubsgebiet.

Zum Staat ghern a no mehrere Inseln im Atlantik: d'Azoren und Madeira. Auf de Azoren hats a an greßten Berg vo gånz Portugal, an Monte Pico (2.351 m).

Beväikerung

D'Eiwohner vo Portugal han insgsåmt recht oaheitlich, bsunders wann ma's mit sein Nåchbarn Spanien vergleicht. D'ållergreßte Mehrheit is katholisch und spricht im Åidåg portugiesisch, bloß im Norden håt's a påår Derfer wo's an asturischen dialekt ren. Ausländer håt's a net so vui im Lånd (Portugal wår bis in'd Åchziger nei recht a arms Lånd), und de wo då han kumman zum Großteil eh aus ehemålige Kolonien (Brasilien, Kap Verde, Mosambik oder Angola), han a katholisch und ren portugiesisch åis Muattasprach.

Heitzdåg lem d'meisten Portugiesen in da Stådt, vor åim an da Kistn. as Hinterlånd is dageng det so dicht besiedelt. De greßten Städt (2006) han:

• Lissabon (508.209 Oawohner)
• Porto (246.264)
• Amadora (179.486)
• Braga (123.367)
• Setúbal (118.056)
• Coimbra (107.506)
• Queluz (107.328)

Politik

Seit da Revoulution vo 1974 is Portugal a parlamentarische Republik. Da offiziej Chef is da President, wo oi fimf Joar vom Voik direkt gwejt wead. Da President hod a weng mea zan sogn wia in Deitschland oder in Esterreich, zum Beispui isa da oberste Kommandant vo da Armee. Da Schef vo da Regierung is åber da Ministerpräsident, der wiedeum vom Präsident ernånnt werd. Dea muaß åber mit de Mehrheitsveräitnisse im Parlament zammapassen, des wo da President owa jedazeit auflesen ko.

S Parlament werd oi via Joar im Vahejtniswoirecht vom Volk gwejt. D'wichtigsen Partein han d'Sozialisten (PS) und d'Sozialdemokraten (PSD) (wobei nåch unsere Verhejtnis de Sozialisten eher Sozaldemokraten und d'Sozialdemokraten eher konservativ/birgerlich han). Greane und Kommunisten håts a im Parlament.

Gliedarung

Portugal is in fimf Regionen am Festland und zwoa autonome Regionen (Azoren, Madeira) im Atlantik eiteilt. D'Regionen han selbst wieder in 28 Subregionen zerlegt. Danem gibts åber a a Eiteilung in 18 Distrikte, wo mit de Regionen net gscheit zammapassen. Und neilich hams no a neie Gliaderung mit siem Metropolregiona, zwejf Stodkroas und via Landkroas eigfiat.

Kuitua

Portugiesische Kuhe

Drangln

Glas mit Portwein

Da portugiesische Portwein is wejtweit bekonnt. S is a Likeawein, wo vor oim zua Nochspeis drunga wead. Duachn Zuasotz von Branntwein wiad da Gearungsprozess untabrocha und wearend da Logarung entsteht nacha da charaktaristische Gschmock. De Rebm dafia woxn nua in am kloan Gebiet vom Dourotoi.

Aa ondane Weinsortn ham an guadn Ruaf. De siasse Version vom Vinho da Madeira aus Madeira is a weng wia da spanische Sherry, da Madeirawein is owa in oin Variantn vo trockn bis siass zan kriagn. Im Land sejm wead unta ondam da Vinho Verde („greana Wein“) gean drunga, wo in da Region Minho im Nordn vo Portugal obaut wead.

S Nationaldrangl vo Madeira is da Poncha (Punsch), a Cocktail aus Aguardente und Orangensoft (mangmoi aa duach ondane Fruchtsaftln, wia Maracujasoft, easetzt). Dazua gibts aa oft Eadniss und/oda eiglegte Bohnln.

Literadua

• Dietrich Briesemeister, Axel Schönberger (Hrsg.): Portugal heute. Politik, Wirtschaft, Kultur. Vervuert, Frankfurt am Main 1997, ISBN 3-89354-564-6
• Gilberto Freyre: Herrenhaus und Sklavenhütte. Klett-Cotta, Minga 1990, ISBN 3-423-04554-X
• Eckhart Nickel: Gebrauchsanweisung für Portugal. Piper, Minga 2001, ISBN 3-492-27520-6
• António Henrique R. de Oliveira Marques: Geschichte Portugals und des portugiesischen Weltreichs. Kröner, Stuttgart 2001, ISBN 3-520-38501-5
• Henry Thorau (Hrsg.): Portugiesische Literatur. Suhrkamp Verlag, Frankfurt am Main 1997, ISBN 3-518-39270-0

Im Netz

 Wikimedia-Atlas: Portugal – geografische und historische Koartn

 Commons: Portugal – Oibum mit Buidl, Videos und Audiodateien

• cibera - Virtueje Fochbibliothek vo Ibero-Amerika / Spanien / Portugal
• Portuguese Culture, Digitale Bibliothek, Biblioteca Nacional de Portugal

Stootn in Eiropa

Albanien | Andorra | Belgien | Bosnien-Herzegowina | Bulgarien | Dänemark² | Deitschland | Estland | Finnland | Frankreich² | Griachaland | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxmburg | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schwedn | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vatikanstod | Vaeinigts Kinireich² | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.

 

Mitgliedsstootn vo da Eiropäischn Union

Belgien | Bulgarien | Dänemark | Deitschland | Estland | Finnland | Frankreich | Griachaland | Holland | Irland | Italien | Lettland | Litaun | Luxmburg | Malta | Östareich | Poin | Portugal | Rumänien | Schwedn | Slowakei | Slowenien | Spanien | Tschechei | Ungarn | Vaeinigts Kinireich | Zypern

 

Mitgliedstootn vo da OECD

Australien | Belgien | Chile | Dänemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxmburg | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Südkorea | Slowakei | Slowenien | Spanien | Tschechei | Tiakei | Ungarn | Vaeinigte Staatn | Vaeinigts Kinireich