Pro Nessia

Aus Wikipedia

S´Pro Nessia (Lådainisch: Fia de Wiama) is a åidboarischs Gebed, zan kuarian fu Réssa, wãn's fu Wiama befåin han. Dea kuaze Dext is in am Manuskript aus'n Glosda Teganse iwalifat und is woaschainli im 9dn Joahundat aufgschrim woan.

In da Fåchlitaratua wiad a mãnchmåi ois daidscha Zaubaschbruch bezaichnet, wås åwa ned umbedingt aso schdimt. Easchdns amåi is de Schbråch fu dém Schbrichal Åid-Boarisch und néd Daidsch, wai a daidsche Schbråch håd's zu deara Zaid nu goa ned gém. Zwoatns is dés a grisdlicha Gebedsschbrichal, wås mid am Fawais auf s'Fåta Unsa aufhead. Es is oiso kõa haidnischa Zaubaschbruch aus friageamanischa Zaid, sondan entschbricht eha so wås wia im Wentaschbrichal, gråd aso wia's fu de Båda und Bõarichda nu bis ins 20de Joahundat aufgsågt woan han, wãn ma dafia bet håd, das a Grãnkhaid wéka ged.

S'Manuskript wo dés Rosschbrichal drin schded, is haid in da Mingara Schdådsbibliodek unta da Signatua clm 18524 S.203^v zan findn.

Inhoitsvazeichnis 1 Da Oaginaldext 2 Trivia 3 Gwön 4 Fuasnotn

[dro werkln] Da Oaginaldext

Pro Nessia, Teganse, 9ts Joahundat	haidigs Boarisch
Gang uz, Nesso,* mit niun nessinchilinon, uz fonna marge in deo adra, vonna den adrun in daz fleisk, fonna demu fleiske in daz fel, fonna demo velle in diz tulli.** Ter pater noster.	Ge aussi, Wuam mid nain Wiamal aussi fum Mark in de Ådan, fu de Ådan in dés Flaisch, fu dem Flaisch in des Fel, fu dem Fel in de Tüln Drai Pater Noster.

* nesso hoast ungefea so wås wia Wuam, oda iagend a klõans Insektngfikad. Dés haidige Dialektwoat "Nissn" fia Kobflais is woaschainli damid fawãnt.

** tulli hoast in dém Zusãmenhãng woaschainli dé hoanige Untasait fum Huf fu de Réssa. Oiso fum Fö soin de Wiama glai unta d'Huaf fum Ros schbringa, das's dadret wean. Genau woas ma dés åwa ned.^[1]

[dro werkln] Trivia

De Nissn, géng dé dés Schbrichal gricht is, wean woaschainli de Harling gwén sâi, a 1,5 Milimeta klõans Insekt wås ois Parasit auf ole méglichn Ficha lébt, bsondas a im Fö fu Réssa. Da biologische Fåchbegrif fia dé Parasitn is Trichodectidae.

[dro werkln] Gwön

• Uni Frankfuat: Minor Old High German Monuments - mid kompletn Oaginaldext
• Ruhr Uni Bochum: Pro Nessia - mid kompletn Oaginaldext
• Uni Basel Deutsche Zaubersprüche - mid Iwasézung
• Kratz, Bernd: Die altdeutschen Sprüche "Pro Nessia" und ein französischer Hippiatrie-Traktat des 15. Jahrhunderts. In: ABäG 34 (1991), S. 23-31.

[dro werkln] Fuasnotn

1. ↑ Köbler Gerhard Althochdeutsches Wörterbuch - Buchstabe T, 4. Auflage 1993