Pseudotropheus lombardoi

Der Artikl is im Dialekt Pongaurisch gschrim worn.

Pseudotropheus lombardoi
Ein Exemplar des Pseudotropheus lombardoi
Systemaatik
Ordnung: Barschartige (Perciformes) Unterordnung: Lippfischartige (Labroidei) Famij: Buntbarsche (Cichlidae) Unterfamij: Pseudocrenilabrinae Gottung: Pseudotropheus Oart: Pseudotropheus lombardoi
Wissenschoftlicher Naum
Pseudotropheus lombardoi
Burgess, 1977

Pseudotropheus lombardoi (an Hondl aa unter da Bezaichnung Pseudotropheus liliancinius z' dahoidn) is a Buntbarsch aus Afrika, der 1982 vo Burgess entdeckt wourn is. Sain Nom hod da Fiisch za Ern vom amerikanischn Importeur John Lombardo dahoidn.

Virkemma & Leemsraum

Da Pseudotropheus lombardoi is a Endemit. Er bewonts Uferglände vom Malawisee und da Stailkystn vo de Mbenji-Inseln. De Wossertemparatur betroug 24–28 °C. Zuadem is as Wosser laicht basisch (pH 7,5–8,0).

Merkmoie

D' Läng vom Fiisch betroug za. 12 cm. 's Mannai is gäib und troug oan oder mererne „Oarfleckai“ an da Afterflossn. 's Waiwai is häiblau und schworschz gstraifft (quer). Zuadem trougs Waiwai koane „Oarfleckai“ an da Afterflossn.

Sexualvahoitn & Bruat

As Waiwai leeg saine Oar, de's noch da Befruchtung sofurscht inn Mund nimmb und durtn za. vir Wochn briatt (Majbriater). Nouch derer Inkubazionszaid valossnd d' Jungvicher as Maj.

Hoitung ois Zir- und Zuchtfiisch

Pseudotropheus lombardoi werscht ba ins ois Zirfiisch ghoidn. Es soid drauf gochtt wern, dass gnuag Bloutz vurhondn is (za. 500 l). Ausserdem is da Fiisch aggressiav geengywer ondre Oartn, deshoib soidat a nid in Gsäischoftsbeckn ghoidn wern (Ausnom: ondre afrikanische Seebuntbarsch).

Quäin

Litaratur

• Die große Enzyklopädie der Aquarienfische; Karl Müller Verlag, 1993, ISBN 3-86070-288-2