Rauschoama Signoiumsetza
Aus Wikipedia
Ois Rauschoama Signoiumsetza (deitsch. Rauscharmer Signalumsetzer, engl. Low Noise Block Converter [ləʊ nɔɪz blɒk kənˈvɜːtə], kuaz LNB) wead de im Brennpunt vo a Paraboiantenn befindliche elektronische Baugruppn vo a Satellitnemfpangsolag gnannt. Ea setzt de empfangane Frequenz vo beispuisweis 10,7 - 11,75 oda 11,8 - 12,75 GHz (Ku-Bandl) auf an Frequenzbereich vo 950 - 2150 MHz um. Des is nodwenig damid as Signal übas Koaxialkabe zum Empfänga, meistns a Satellitnreceiver, übatrogn wean ko.
[dro werkln] Aufbau und Funktiona
A LNB is a Kombination aus am LNA mid am Block-Umsetza. Is nu a Feedheandl obaud, weads a ois LNBF bezeichnet.
Nachdem in am Paraboispiagl de hofrequenten Mikrowäin vo am geostationären Satellitn bündld woan san, erfuid da LNB de foigndn weidan Aufam beim Empfang:
- As Feedheandl (deitsch a: "Hörnchen", "feed") bstäd aus am metoischn Zylinda oda Konus mid genau bassndn Obmessunga. Es dient da Impedanzobassung und erfuid ois Hoileitastruktur a a Fuitafunktion gega Fremdeistroiung. Des zum Spiagl zoignde End is bis auf a Schutzkappn aus Kunststoff offa fia de elektromagnetischen Wäin. Am andan End san de Errega da Antennakonstruktion des hoaßt da Übagang vo Hoileita auf Streifnleita.
- Fui LNB san in da Log, de Polarisationsmodi da eifoindn Wäin (horizontale, vertikale oda zirkulare Polarisation) zum trenna. In da Ofangszeit vom Satellitnempfang is de Trennung meistns duach mechanische Dravoarichtunga oda Blendn erreicht woan. Seid de 1990er Joa gibts dafia häfig trennte Signoipfod mid entsprechend ogoadnete Dipioantenna.
- Es vastäakt de aufgfangan Signoi und setzt de Frequenz nachm Prinzip des Übalagarungsempfängas aufd Zwischenfrequenz (ZF) oba. Des is nodwenid, damid Signoi meglichst valustoam üba noamale Koaxialkabe zum Receiver übatrogn wean ko. Hochfrequenztechnisch wead de Umsetzung erreicht, indems Emfpangssignoi mid a lokaln Oszillatorfrequenz (LOF) multiplikativ gmischd wead. Typisch is im Lowbandl de Frequenz 9,75 GHz und im Highbandl 10,6 GHz. Duach de feangsteiade Umschoidung dea Freuqenz kinnan beim soganntn Universal-LNB vaschiedne Satellitn-Frequenzbandl aufm gleichn ZF-Bereich obuid wean. Damid ko praktisch zwischm Lowbandl (meist nua analoge Programme) und am Highbandl (meist digitale Programme) gwechsld wean.
