Rechta Wünki

Der Artikl is im Dialekt Owaöstareichisch gschrim worn.

A rechta Wünki

Åis rechtn Wünki bezeichnt ma a Viatl vu am Voiwünki. Da rechte Wünki entspricht åiso am Viatlkroas. A ãndane Definizion, de wås a da Euklid vawendt håd, eakläat in rechtn Wünki åis den, dem sei Nemwünki (da Wünki, mid dem si a Wünki zu 180° eagänzn låsst) gleich groß is wia ea söiba.

Bei Linien, de zuaranãnd im rechtn Wünki stengan, sågt ma, dass's oathogonal oda aa noamal zuranãnd san. Zwoa Wünkin, de si zu am rechtn eagänzn, san zuranãnd komplementäa. Da Sinus vu am rechtn Wünki is oans, da Kosinus und da Kotangens nui und da Tangens $\infty$.

A rechta Wünki entspricht åiso im Gradsystem am Wünki mit neinzg Grad. Ãndane Ãgåm fia'n söim Wünki san $\textstyle \frac \pi 2$ rad und 100 gon. Auf ana Uah schaut a rechta Wünki aus wia vu Zwöifi bis Drei, auf am Kompass mit am 32-Punkte-System warat da rechte Wünki 8 Punkte groß.

Schau aa unta

• Såtz vum Pythagoras