Rezension

Dea Artike „Rezension“ is leida nu a wengal kuaz! Wannst meara zum Thema woasst, schraibs oafoch dazua und moch an längan Artike draus.

Der Artikl is im Dialekt Obaboarisch gschrim worn.

A Rezension (vo Lateinisch recensio: Muastarung) oda aa Bsprechung is de schriftli niadaglegte Form von am Diskussionsbeitrog iaba an bstimmtn Gengstond von am obgrenztn Themanfeijd.

A soijchana Gengstond wead in da Regl oijwei vo mehrare Rezensionan bdocht, de net seijtn oananda widasprechande oda sogoa velli gengsätzlige Affossunga vadretn kinnan. Oij knopp eaöatande Ihoijtsbschreibung nemn kritischa Bweatung vo kultureijn oda wissnschoftlichan Schepfunga wia Biacha, Fuijm, Kunstweak, Konzeat, Buijd- unn Tondräga sowia mittlaweij aa vo Computaspuij oda Software buijt se im iabli gwoadnan Sprochgbrauch a gattungsmassige Untaform vo da oijs Sekundärliteratua weit driaba hinausgehandn Kritik, de se in ausfialichn Aufsätz unn Obhandlungan (Diskursn) breits seit am 17. Joahundat entweda in Zeidschriftnform, louse Blottsommlung (Fochperiodika) oda goa in Buachform af an Gengstond eana Btrochtung eilosst.

Errunganschoftn oda formale unn ihoijtliche Fehla wean do noch akademische Gpflongheitn detailliat bnonnt, sodoss soijch kritische Bsprechunga in da Wissnschoftsgmoaschoft a wichtigs Feedback dosteijn. Fia se gibts nochan aa spezieije Bibliographien, de soijchane Gottung daschliaßn, beispuijsweis de seit 1971 eascheinande Internationale Bibliographie der Rezensionen wissenschaftlicher Literatur (oft ledigli oijs IBR zitiat), de in vuij Bibliothekn voahondn is.

A weidane Bdeitung hot da Bgriff Rezension in da Literar- oda Textkritik, doat bzeichnat ea an Vagleich mehrana iabaliafata Textversiona. Duach Vagleich meglichst olla iabaliafata Ausgomn vo am Weak wead vasuacht, a meglichst originalgtreie Fossung heazsteijn.

Olla ondan Rezensionan oba san in da Regl Deil vo am Feuilleton unn wean fia de Oijgmoaheit in Printmedien wia Dogeszeidunga, Zeidschriftn unn Magazin, in Rundfunk unn Feanseing sowia im Internet vaöffentlicht, findn oba fia de bsundas dodro Interessiatn natiali aa massiatn Eigong in de jeweijs dofia spezieij ausgrichtatn Foch- unn Themanzeidschriftn.

Aufgrund vo da si oiweij mea o Weabewiatschoft unn Lesa orientiarandn Nochfrog hot se oijs a Sundaform de sougnennte Sommeijrezension eagemn. In ia wean net zletzt aus redaktioneije Gemnheitn, wia dem von am Valag oijwei weniga dofia eigramtn Plotz, mehrare Weak mit ähnlicha Thematik im Zsammahong bsprocha unn wann scho net vagleichnd bweatet, so zmindest anonda gengiabagsteijt.

A Zsammafossung von am Ihoijt ohne Weatung bzeichnat ma dogeng oijs Abstract oda Referat.

Wissnschoftliche Guatachtn (Peer Review) untasuachn, ob a Weak iabahapts oijs a Buach oda in a Fochzeidschrift vaöffentlicht wean soij. Se bweatn net zletzt de Qualität dodrin troffana Aussong fiar a akademischs Fochgbiat noch ihra innan Schlüssigkeit etwaiga Neiarunga. Rezensionan oijs Deil vom Feuilleton higeng deana dozua, ogsichts vo da uniabasehboan Massn vo Publikationan a Orientierung unn Eioadnung z'gemn sowia sinnvoije Kafentscheidunga zua eameglichn. Zuijgruppn soijchana Rezensionan san beispuijsweis aa Bibliothekn.

Sieg aa

• Kritik
• Kunstkritik
• Literaduakritik
• Musikkritik
• Musikjournalismus
• Kulturjournalismus
• Theatakritik
• Fuijmkritik
• Spielekritik

Literadua

• Bardelle, Frank: Formen der kritischen Auseinandersetzung oder: Wie man Urteile über wissenschaftliche Neuerscheinungen verhängt. Zeidschrift fia Soziologie, Jg. 18, Heft 1, Feba 1989, S.54-64

• Edmund Schalkowski: Rezension und Kritik. UVK-Verlagsgesellschaft, Konstanz 2005. ISBN 3-89669-341-7

• Gunther Nickel: Kaufen!statt Lesen!. WALLSTEIN VERLAG. ISBN 3-8353-0101-2

Im Netz

Boarisches Weatabuach: Rezension – Bedeitungserklärunga, Woatheakunft, Synonyme und Ibasetzunga

Theatawissnschoft

• Theaterforschung.de

Gschichtswissnschoft

• hu-berlin.de H-Soz-Kult: Kommunikation unn Fochinformationan fia Gschichtswissnschoftn mim umfongreichn Rezensionsdeij
• sehepunkte.de Rezensionsjournal fia de Gschichtswissnschoftn
• zeitenblicke.de Peter Helmberger: Historische Rezensionen im Internet. Entwicklung - Probleme - Chancen, in: zeitenblicke 2 (2003), Nr. 2 [22.10.2003]
• lesepunkte.de Schüla rezensian historische Jungdliteratua, Sachbücher, Hörbücher usw.

Kunstwissnschoft

• Kunstform Rezensionsjournal fia Kunstgschicht

Literaduawissnschoft

• Literaturkritik im Internet Online-Dissertation vo Dr. Sebastian Fasthuber

Sozioijwissnschoftn

• socialnet.de - Rezensionan sortiat noch Schlogwoat oda Autornnoman.

Wiatschoft

• ephorie.de - Rezensionan zua Sachliteratua ausm Wiatschofts- unn Managementbreich

IT

• it-rezensionen.de Rezensionen zua Sochliteratua ausm IT-Breich

Musikwissnschoft

• Musikrezensionen.de

Sammlunga vo Meta-Rezensionspoatale

• dmoz.org Links zum Thema Rezensionan unn Literaduakritik im Open Directory Project
• dmoz.org Links zum Thema Fuijmkritikn im Open Directory Project