Ringlspü

Aus Wikipedia
Wexln zua: Navigation, Suach
A Ringlspü
A traditionös Ringlspü

A Ringlspü is a draanda Plottfuam, de wos aum aissan Raund Sitz hod. Vaum Ringlspü gibts vüle vaschiedane Variantn. Ois Foagschäft weans auf Voiksfestn, in Freizeitparks und auf Kindaspüplatzln aufbaut und betriem.

De traditionölle Variantn vaum Ringlspü is a Drehscheim mit Hoizressl, wo ma si wiar a Reida draufsetzn kaun. Bein Foan mochn de Ressal a Auf- und Obewegung.

A Ringlspü wo de Sitz mit Kettn auf ana Drehscheim festgmocht san, nennt ma im Weanarischn Karussö. Bein Drahn schwingan de Sitz ausse und ma hod a Fluggfüh. Des wiad no vasteakt, waun de Drehscheim bein Drahn kippt wiad und ma so an Wönflug dalebt.

Galerie[VE | Weakln]

In da Kunst[VE | Weakln]

Weanaliad[VE | Weakln]

Da Hermann Leopoldi hod in an bekauntn Weanaliad "Schön ist so ein Ringlspiel" (Text vaum Peter Herz) iwas Ringlspü gsunga. Da Refrain vaum Liad geht so:

Schön is so a Ringlspü!
Des is a Hetz und kost net vü.
Damit auch der kleine Maun
sich eine Freude leistn kaun.
Imma wieda foat ma weg
und draht si do am söm Fleck.
Ma kaun song, wos ma wü,
schön is so a Ringelspü.

Weanarisches Gedicht[VE | Weakln]

Im Gedichtbaund "med ana schwoazzn dintn" hod da H. C. Artmann auf Weanarisch a makabas Gedichtl iwa an Ringlspübsitza gschriem.

So faungts aun:

i bin a ringlgschbüübsizza
und hob scho sim weiwa daschlong
und eanare gebeina
untan schlofzimabon fagrom.

So heats auf:

i bin a ringlgschbüübsizza
(und schlof en da nocht nua bein liacht
wäu i mi waun s so finzta is
fua de dodn weiwa fiacht..)

Im Netz[VE | Weakln]

 Commons: Ringlschpü – Sammlung vo Buidl, Videos und Audiodateien