Rocky Mountains

De Rockies z Dillon, Colorado.

De Rockies am Morain Lake in Alberta, Kanada

De Rockies vom Bonneville-Beckn aus gseng.

De Rocky Mountains (boarisch Fejsnbeag), aa kuaz Rockies gnennt, is a Gebiagskettn im Westn vo Noadamerika. De Beag gengan fost iwan gonzn Kontinent, vo Alaska bis Mexiko. Wo de Rockies ofonga und wos aufhean is owa a Definitionsfrog, deshoib gibts do aa vaschiedane Osichtn. Im engan, US-amerikanischn Sinn reichn de Rockies vo British Columbia bis zum Rio Grande.

Da hexte Beag vo de Rockies im weidan Sinn is da Mount McKinley in Alaska mit 6.194 m, fia de Rockies im engan Sinn is da Mount Elbert in Colorado mit 4.401 m. De Rocky Mountains san a Tei vo de Kordilleren, wo vo Alaska bis Feialand genga.

De Rocky Mountains sa voa ebba 40 - 100 Milliona Joa ois Foitngebiag duachs Zammastessn vo zwoa tektonischn Plottn entstondn.

Attraktion

De Rockies san a beliabts Ausflugs- und Urlaubszui. Im Summa voa oim zweng de vuin Nationalparks und im Winta zweng de bekonntn Wintaspoatgebiete.

Wiatschoft

De Rockies hom a hohe wiatschoftliche Bedeitung. De liegt an vuin Bodnschätzn wia Goid, Suiba, Kupfa, Molybdän, Blei, Wolfram und Zink. Auf de Hochebenen zwischn de Beag gibts Eadej, Eadgas und Koin.

Da Beagbau hod in de Rockies zu Umwejtschädn am Wossa und am Bodn gfiat.

Schau aa

• Yellowstone-Nationalpark

Literadua

• Urs W.D. Tell et. al: Rocky Mountains, Avanti Verlag, Neuenburg 1975
• Jill Baron: Rocky Mountain futures: an ecological perspective. Island Press 2002, ISBN 1559639539
• Rick Newby: The Rocky Mountain region. Greenwood Press 2004, ISBN 031332817X

Im Netz

•  Commons: Rocky Mountains – Oibum mit Buidl, Videos und Audiodateien
• U.S. Geological Survey website on the Rocky Mountains
• Headwaters News Reporting on the Rockies