Soiföin am Stoanan Mea

Aus Wikipedia

Soiföin am Stoanan Mea Soifejn am Stoanan Mea
Basisdatn
Bundeslånd:	Soizburg
Politischa Bezirk:	Zöi am See (ZE)
Flächn:	118,36 km²
Koordinatn:	Koordinaten: 47° 26' N, 12° 51' O 47° 26' N, 12° 51' O
Hechn:	748 m ü. A.
Eiwohna:	15.661 (31. Dez. 2005)
Bevökarungsdichtn:	132 Eiwohna pro km²
Sunstige Datn
Postleitzoi:	5760
Vurwoi:	06582
Gmoakennziffa:	50 619
NUTS-Region:	AT322
Gmoavawoitung:	Rathausplatz 5760 Saalfelden
Webseitn:	www.saalfelden.at
Politik
Burgamasta:	Günter Schied (SPÖ)
Gmoarot: (2004)	15 SPÖ, 6 ÖVP, 2 FPÖ, 2 Grüne
's Soiföina Beggn

Soiföin am Stoanan Mea oda auf Pinzgaurisch: Soifejn am Stoanan Mea, (Hochdaitsch: Saalfelden am Steinernen Meer) is de drittgresste Stod im Lånd Soizburg in Östareich. Aussadem is 's da Zentralort vom Pinzgaua Saalochtoi. In Soiföin wohnan ungefähr 17.000 Leid (Stånd vo 2004), oiso is 's a de gresste Stod im Pinzgau. Des is zwor scho imma scho so gwesn, owa trotzdem is 's ned d' Hauptstod vom Bezirk. Des is nämlich Zöi am See.

Inhoitsvazeichnis 1 Geografie 1.1 Katastralgmoandn 2 Vakehr 2.1 Eisnbåh 2.2 Strossn 3 Gwässa 4 Sehngswürdigkeitn 4.1 Schlessa 4.2 Sunstigs 5 Wobbm 6 Webseitn

[dro werkln] Geografie

Des weidlaifige Soiföina Beggn liegt eibett zwischn:

• 'm Stoananem Mea im Nordn
• de Leoganga Stoaberng sowia 'm Biberg im Westn
• und 'm Hochkenig Massiv und de Deantna Berng (Deantn) im Ostn.
• Geng Südn is 's Beggn weidlaifig offm und ermeglicht 'n Bligg auf de Hohn Tauan, bsundas 'm Kitzstaahorn und 'm Wiasbochhorn.

[dro werkln] Katastralgmoandn

57104	Berghåm (Bergham)	57106	Formoch (Farmach)	57107	Gerling (Gerling)
57110	Hoad (Haid)	57113	Hoiweeng (Hohlwegen)	57114	Lenzing (Lenzing)
57116	Liachtnberg (Liechtenberg)	57122	Soiföin (Saalfelden)	57129	Uattnhofn (Uttenhofen)

[dro werkln] Vakehr

[dro werkln] Eisnbåh

Soiföin liegt ån da sognånntn Soizburg-Tirola-Båh und hod seid 1875 an eiganen Båhnhof, der aufgrund vo de grossn Grundreservn, owa aa weng da Valodemöglichkeitn firn Magnesitbergbau in da Nochbagmoa Hochfüizn, imma gressa und bedaitnda worn is. De Soizburg-Tirola-Båh is de aanzige innaöstareichische Ost-West-Vabindung vom östareichischn Schienennetz. Ois sognånnte "Schnöizugsstazion" is da Båhnhof Soiföin bedaitnd firn Personenvakehr. Er is desweng aa Endstazion fir Bsuacha und vo da Bevökarung vo de Nochbagmoandn Maria Oim und Leogång (Loigom).

[dro werkln] Strossn

Aa wånn Soiföin ån kaana innaöstareichischn Schnöistrossnvabindung liegt, kraizn im Soiföina Beggn wichtige Ost-West bzw. Nord-Süd Vabindungen. De Stod dareicht ma:

• aus 'm Nordn üwa d' B 311, aus 'm südboarischn Raum und Bod Reichnhoi kemmand
• aus 'm Westn üwa d' B 164, aus 'm Tiaroiarischn (Kitzbiche, St. Johann in Tiaroi, Fiawabrunn und Hochfüizn)
• aus 'm Südn üwa d' B 311, aus 'm Soizochtoi und Zöi am See kemmand
• aus 'm Ostn üwa d' B 164, ausm Pongau (Bischofshofn und Deantn) kemmand

Soiföin is somid mautfrei z' dareichn.

Vo Soiföin aus hod ma aa an leichtn Zuagång zu olle umliengdn Wintasportregionen wia:

• Leogång-Soiboch-Hintaglemm
• Zöi am See - Schmittnhechn
• Kaprun Kitzstaahorn
• Maria Oim-Oberg-Hintatoi-Deantn-Müihboch

[dro werkln] Gwässa

Da Hauptfluss vom Soiföina Beggn is d' Saaloch. De entspringt im hintan Glemmtoi und druchfliasst 's Beggn in Nord-Süd-Richtung. In Ost-West-Richtung durchfliasst d' Urslau 's Stodgebiet vo Soiföin. Vo Westn ergiasst se d' Leogåga Ochn in d' Saaloch. Obwoi Soiföin vo vüi hohe Berg umgeem is, is de Zoih vo d' Seitnboch eha gring.

Da aanzige See is da Riatznsee. Er is a künstlich, in da Nochkriagszeid vo d' Amerikana åglegta See, der haid im Summa ois Bodeåstoit und im Winta ois grossa Eislaufblotz gnützt wird.

Es gibt insgsåmt vüi, eemfois künstlich åglegte Teiche, im Soiföina Beggn. Se dienen in ersta Linie da Fischarei bzw. da Tourismuswirtschoft. Dawähnenswert is da Ånglteich in Hoad oda de Fischzucht in Köihboch, in dera hoamische Bochforöin, Saibling und Äschn zong wern.

[dro werkln] Sehngswürdigkeitn

[dro werkln] Schlessa

• Schloss Dorfheim
• Schloss Formoch
• Schloss Liachtnberg
• Schloss Riatzn

[dro werkln] Sunstigs

• Kunsthaus Nexus

[dro werkln] Wobbm

schau aa unta: Wobbmobbüidungen bei www.ngw.nl und www.fahnen-gaertner.com

's Wobbm vo da Gmoa is: „In am goidanen Schüid an greanen Dreiberg, drei greane papeähnliche Laubbaama (Soiwoadn), vo dem da mittlare hecha is ois wia de zwaa aissan“.

[dro werkln] Webseitn

• http://www.saalfelden.at - De Seitn vo da Stodgmoand Soiföin
• http://www.jazzsaalfelden.at
• http://www.bg-saalfelden.salzburg.at
• http://www.htlsaalfelden.at