Sam Rivers
Da Sam Rivers (*2. Septemba 1977 in Jacksonville, Florida) is da Bassist, Midbegründa und's jingste Bändmitglied vo da Nu-Metal-Bänd Limp Bizkit. Da Rivers is da Cousin vom John Otto, dea wås da Drummer vo da Bänd is.
In seina Schuizeid auf da Arlington Middle School hod a Tuba in da Schuiband gspüd. Späda håd a se dãn mea fia d'Gitarr intaressiad und se dazua entschiedn auf dés Instrument umzsteign. Sein Musiklehra håd eam owa grådn, dass a an Bass lernà soid. Da Rivers håd dés gmåchd und håd dãn mid seim Cousin John Otto in ana Jazzband gspüd. Zu dera Zeid hod da Rivers im Fastfoodgschäft "Chick-fil-A" gårweit, wo a an Fred Durst kena gleant håd. Musikalisch is da Sam vo Bands wia Black Sabbath und Megadeth beeiflussd woan. Im Jåhr 2000 is a bei de "Orville H. Gibson Guitar Awards" ois "Best Rock Bass Player" auszeichnet woan. Wei Limp Bizkit a lãnge Zeit ohne an Gitarristn auskuma ham miassn, håd da Rivers bei a boa Songs vom Åibum "Results May Vary" zua Gitarr griffn.
Da Rivers wår a ois Produzent tätig. Währnd de Vorbereitungen zum "Greatest Hitz"-Åibum hod a mid zwoa lokale Bands aus Jacksonville "Burn Season" und "The Embraced" zãmgårweit.
Seid 2001 is da Rivers mid seina Lãngzeitfreindin Kinter Atkins vaheirat.
| Personendaten | |
|---|---|
| NAME | Rivers, Sam |
| KURZBESCHREIBUNG | Bassist und jüngstes Bandmitglied der Nu-Metal-Band Limp Bizkit |
| GEBURTSDATUM | 2. September 1977 |
| GEBURTSORT | Jacksonville, Florida |
