Santa Leopoldina
| Der Artikl is im Dialekt Obaboarisch gschrim worn. |
Koordinaten: 20° 6′ S, 40° 32′ W
| Santa Leopoldina | ||
|---|---|---|
Santa Leopoldina auf der Karte von Brasilien |
||
| Basisdatn | ||
| Staat | Brasilien | |
| Bundesstaat | Espírito Santo | |
| Stodgrindung | 17. Aprui 1887 | |
| Eiwohna | 12.743 (2009) | |
| Detaildatn | ||
| Heh | 16 m | |
| Zeit | UTC-3 | |
| Buagamoasta | Ronaldo Martins Prudêncio | |
| Hoamseitn | ||
Santa Leopoldina is a brasilianische Gmoa und Kloastod mit ca. 12.743 Eiwohnan (2009)[1] im Bundesstoot Espírito Santo, eppa 44 Kilometa vo da Landeshaptstod Vitória entfeant im Landesinnan, mit iwawiegend deitschstämmiga evangelischa Bevejkarung.
[drå werkln] Gschicht
Santa Leopoldina is 1856 vo rund 60 Schweiza Immigrantn grindd worn, de wo iwan Fluss Santa Maria kema san. Scho a wengal spoda san im Joar 1857 ca. 200 Immigrantn vo Deitschland und Luxemburg gfoigt. An uaspringlichn Nama, "Cachoeiro de Santa Leopoldina", hod de Gmoa 1860 vom Kaisa vo Brasilien Pedro II. griagt, seina Muadda Maria Leopoldine, Erzherzogin von Österreich gwidmet.
Im 19. Joarhundat wor de Stod, fia a Zeit lang, des wichtigste Wirtschoftszentrum im Bundesstoot. Da Einfluss hod olladings wieda obgnumma, wia Strossn an Schiffsvakea Konkurrenz gmocht ham. Da Fluss Santa Maria wor da gresste Vortei vo da Stod, wei a bis zan Atlantik hi schiffbor wor.
De easchte Autoboh (Rodovia) im Bundesstoot is zwischn Santa Leopoldina und Santa Teresa baut worn und wor 1918 fertig. 1924 is bis Vitória ausbaut worn. Cashoiero de Santa Leopoldina is 1887 zua Gmoa eahobm worn. 1943 is nacha da Nama vo da Gmoa gendat worn: Da Namasbstondtei "Cachoeiro de" (portugiesisch fia Wossafoi vn) is obglegt worn.
1890 is za oana Obspoitung vo Santa Teresa vo Santa Leopoldina kema und im Joar 1988 hod si aa da Ort Santa Maria de Jetibá vo Santa Leopoldina trennt.
[drå werkln] Sengaswiadigkeitn
Santa Leopoldina is a Oasn im Regnwoid, mit reichhoitiga Flora und Fauna. Sengasweat san vor oim de zoireichn Wossafej. De wichtigstn davo san (danebm de Entfeanung vo Santa Leopoldina):
- Cachoeira Véu de Noiva - 9 km
- Cachoeira Rio do meio - 20 km
- Cachoeira Gruta da Onça - 4 km
- Cachoeira das Andorinhas - 8 km
- Cachoeira Parque Hidro Rural Canto das Águas - 3,5 km
- Cachoeira Ribeirão dos Pardos - 4 km
- Cachoeira Fumaça - 3,5 km
- Cachoeira Tio André - 12 km
- Cachoeira do Moxafongo - 1 km
- Cachoeira do Recanto - 10 km
- Cachoeira do Retiro - 5 km
[drå werkln] Belege
Koordinaten: 20° 6′ S, 40° 32′ W
