Schdum
Aus Wikipedia
 |
Der Artikl is im Dialekt Hausrukfiatlarisch gschriem worn. | |
D'Schdum is dés wichdigste Zimma fu am Bauanhof, wås glaichzaitig d'Kuchi und s'Wohnzimma is. Dés Woat kimd fum åidhochdaidschn stuba, wås so fü wia Bådhaus oda hoazboare Kãmma hoast und wås dãn schbéda im Mitlhochdaidschn zu stube woan is und im Boarischn zu Stubn/Stubm/Schdum, jé nåch Schraibwais, und wiakli woa de Schdum in am Bauanhof fria oft s'õanzige Zimma dés ghoazt woan is. S'Hoiz woa knåp und Koin woa daia und déswéng håd ma gschboad und blos õa Kãmma ghoazt und so håd si im Winta a ois in dém õam Zimma ågschbüd. Doat han ole bainãnd ghukt und hãm kocht, gschnizt, Hãndoawad gmåcht, géssn und drunga oda a musiziad und gsunga.
