Schloss Freisoi

Aus Wikipedia

's Schloss Freisoi (Hochdaitsch: Schloss Freisaal) liegt eibett im Grealåndgürtl im Südn vo da Låndeshauptstod Soizburg, im Stodteil Nonntoi (Teil Freisoi). In unmittlbora Nähe befindt se d' Naturwissnschoftliche Fakultät vo da Universität Soizburg. 's Schloss befindt se inmittn vo am klaanen Weiha.

's aissalich a bissl unscheinbore Schloss, vo dem se da Nåm vo „Freudensaal“ obleitt, is 1392 as erste Moi urkundlich dawähnt worn. 's klaane Wossaschloss hod bereits ois Lusthaisl vom Fürsterzbischof Pilgrim II. vo Puachhoam dient und is 1549 unta 'm designiartn Erzbischof, Administrator Ernst vo Bayern (1500 - 1560) in maniaristischm Stil nai darichtt worn und is seidher ois Wossaschloss vo am Weiha umgeem. 1907 is as Schloss renoviart und im Villnsil vaändat worn, dodabei is aa da Fochwerkbau im Innenhof darichtt worn. De Vaändarungen san teilweise spada rüggängig gmocht worn.

Im Owagschoss befindn se Wåndmolarein de auf de grosse Vagångenheit vo dem Bauwerk hiweisn, wobei a monumentals Fresko vo Håns Bockersberger (da Öidane) (1558), des an feialichn Eizug vom Fürsterzbischof Michael von Kuenburg im Joar 1558 zaagt. Da Bsitz is haid in privata Hånd und ned öffmtlich zuagänglich.

In de Joar 1967 bis 1989 hod da renomiarte östareichische Mola Prof. Lucas Suppin im Schloss Freisoi gleebt. Noch na unglügglichn Renoviarung noch 1950 hod a unta da Leitung vom Bundesdenkmoisåmt d' Freskn vur 1970 wieda in eanan ursprünglichn Zuastånd z' vasetzn. Ois akademischa Mola hod eam vüi mid 'm Schloss, seine ehemoling Freskn und seina aanzigorting Gschicht vabundn.

Eingtüma ob 2006 is a Stiftung, vo dera da friarare Vurstånd Erich Schumann, da Schef vo da Valogsgrubbm Westdeutsche Allgemeine Zeitung (WAZ) Åfång 2007 vastorm is.