Parzinger Sepp

Aus Wikipedia
(Weidagloadt vo Sepp Parzinger)
Der Artikl is im Dialekt Obaboarisch gschriem worn.

Da Parzinger Sepp (* 3. Mai 1911 z Oidnmoarkt/Ostahofn; † 28. Juni 1979 z Oidnmoarkt an da Oiz) wor a bayrischa Politika vo da Bayernpartei und Mitglied vom Deitschn Bundesdog.

Da Sepp wor vo Beruaf Maura. Im Joar 1938 hoda s Handlsgschaftl fia Baustoff und Dingemiddl vo seine Ejtan iwanumma. Vo 1939 bis 1945 wora im zwoatn Wejdkriag Soidot in da Wehrmocht. 1948 isa in an Kroasdog gwejd worn und wor ob Mai 1949 stejvatretenda Landrod vo Traunstoa.

Vo 1949 bis 1953 is a Mitgliad im easchtn Deitschn Bundesdog gwen. Ea is fia de Bayernpartei (BP) ois Direktkandidat vom Woikroas Traunstoa gwejd worn. Obm 14. Dezemba 1951 hoda da Fraktion vo da Föderalistischen Union ogheat. Dees wor a Fusion vo da Fraktion vo da Bayernpartei und da Deitschn Zentrumspartei, damit da Fraktionsstatus dahoidn bliem is.

Im Bundesdog is da Sepp imma wieda gegnan EVG-Vatrog (des hoaßt „Eiropäische Vadeitigungs-Gmoaschoft“ und hättad de Wiedabewoffnung vo Deitschlond eameglicht) eitretn und hod nacha dagegn gstimmt.[1] Da Parzinger wor davo iwazeigt, dass da Deitschlandvatrog a "Marschkompaß zu einem dritten Weltkrieg"[2] warad. De historische Entwicklung hod eam bis etz ned Recht gem. Wanns eam wichtig easchiena is, hoda si owa nia ned on an Fraktionszwang ghoidn. Dees hod zu seim Osegn in da Bevejkarung beitrogn.

Beleg[Werkeln | Am Gwëntext werkeln]

  1. SPIEGEL, 1953: Des Kanzlers Pietät
  2. SPIEGEL, 1952: Kompaß

Im Netz[Werkeln | Am Gwëntext werkeln]