Seth Bullock

Aus Wikipedia
Wexln zua: Navigation, Suach
Seth Bullock

Seth Bullock (* 23. Juli 1849 z Amherstburg, Ontario, Kanada; † Septemba 1919 z Deadwood, Sid-Dakota) woa a US-amerikanischa Sheriff, Eisnwoanhondla, Hotejbesitza und US-Marshal. Ea woa oana vo de easchtn Bewohna vo da Goidgrobasiedlung Deadwood in de Black Hills im Wuidn Westn.

Lem[VE | Weakln]

Ois Jugendlicha is da Bullock zamma mit seina Schwesta vo dahoam obghaut und is auf Helena in Montana zong. 1871-72 is a do im Senat gsessn un hod on da Grindung vom Yellowstone-Nationalpark mitgwiakt. 1874 hod a sei Jugendliab de Martha Eccles gheirat.

Anno 1876 is da Bullock nacha mit seim Freind Sol Star zwengan Goidrausch auf Deadwood zong. Sei Frau is ned mitkema, wei Deadwood im Sioux-Territorium gleng is und des domois vui z gfeale woa. Z Deadwood hod a no an Wild Bill Hickok kenna gleant, dea wo a weng spada daschossn woan is. Im säim Joa is a nacha Sheriff vo Deadwood woan. Zamma mitn Sol Star hod a a Eisnwoanhondlung grindt, de wo 1894 obrennt is. Drauf hod a on dera Stej a Luxushotej hibaut. Des Bullock-Hotej gibts no imma z Deadwood, heit is aa no a Casino drinna.

Anno 1905 is da Bullock vom Präsidentn Theodore Roosevelt, dea wo sei Freind woa, zum US-Marshal vo Sid-Dakota befeadat woan.

Da Seth Bullock is in seim Hotej anno 1919 gstoam und am Friedhof z Deadwood begrom, do wo aa da Wild Bill Hickok und de Calamity Jane liegn.

Feanseng-Serie[VE | Weakln]

Da Seth Bullock in da Feanseng-Serie Deadwood baut auf da historischn Figur auf.

Im Netz[VE | Weakln]