Sezessionsgriag

Aus Wikipedia
(Weidagloadt vo Sezessionskriag)
Wexln zua: Navigation, Suach
Sezessionsgriag
De Voeinigtn Stoodn 1864blau: Unionsstoodn ohne Sklafareihellblau: Unionsstoodn mid Sklafareirot: Konfedariade Stoodn
De Voeinigtn Stoodn 1864
blau: Unionsstoodn ohne Sklafarei
hellblau: Unionsstoodn mid Sklafarei
rot: Konfedariade Stoodn
Datum 12. April 1861 bis 23. Juni 1865
Ort haubsechle in de Siadstoodn
Casus Belli Beschiassung vo Fort Sumter
Ausgang Sieg da Noadstoodn
Foign Widaheastäung da Union,Oschaffung da Sklafarei
Konfliktparteien
US flag 35 stars.svg
Vaeinigte Staatn
Confederate National Flag since Mar 4 1865.svg
Konfödariade Staatn
Befejshoba
Abraham Lincoln
Jefferson Davis
Truppmsteakn
2.803.300[1]
1.064.200[1]
Valuste
>634.703[1]
tot: >359.528
verwundet: >275.175
>335.524[1]
tot: >198.524
verwundet: >137.000
D Einsboh hod im Biagagriag a entscheidande Roi gschbuid.

Da Sezessionskriag (aa Amerikanischa Biagakriag)[2] woa da vo 1861 bis 1865 wearande milidärische Konflikd zwischa dene aus de Voeinigte Stootn ausdrena Siadstootn (da Konfedaration) und dene in da Union vablimna Noadstootn.

De Uasach woa a diafe wiatschaftliche, sozioe und bolitische Spoitung zwischa de Noad - und Siadstootn, voa oim in da Sklavnfrog. Seit 1830 hom se de Konflikde oiwei voschäaft und hom schliaßle zan Kriag gfiat, ois de moastn Siadstootn aus da Union ausdredn san, wia da Abraham Lincoln zan US- Bräsedent gwäid woan is. Midm Bschuss vo Fort Sumters duach de Konfedariatn am 12.Aprui 1861 hod da Kriag ogfangt und afkeat hoda im Wesandlichn mid da Kapidulation da Nord-Virginia-Armee in Appomattox Court House am 9. Aprui 1865. De olaleztn konfedariatn Druppn hom am 23. Juni 1865 in Texas kabiduliat.

Ibablig[VE | Weakln]

Da Sezessionskriag hod de Vaeinigtn Stootn nochhoide gfesdigt und za ian Afstieg zua Groußmacht beidrong. Ea woa da easchde modeane Kriag, mid zoireichn technischn Neiarungan afn Schlochtfäid. Es woa owa a da valustreichsde Kriag und hod mea Doude gfoadat ois jeda andare Kriag wou Amerika im Laf da Gschicht bedeiligt woa. Da Biagagriag is heid no im gmoasama Gedächnis da Amerikana, bsundas in de Siadstootn, wei duat fast olle Kempf austrong woan san.

Jefferson Davis, Bresident da Konfedariadn
Abraham Lincoln, Bresident da Voeinigtn Stoodn

Am Ofang voum Kriag hod koana gwißd, wos fia Middl und Strategian ma owendn soi. Easchd no da Schlochd bei Manassas ( 1.Schlochd am Bull Run), de da Siadn gwunna hod, hom de im Noadn bschlossn a schlogkräftigs Heer afzstäin. De Fira im Noadn hom gmeakt, das da Kriag ned so schnäi goa sei wead.

Im Siadn hod ma no da Schlochd gschaud, de Genzstootn Kentucky und Missouri bolitisch und milidärisch z inwoivwian, owa am End vo 1862 hod mas afgehm.

Im Ostn hod de Union eascht amoi vasuacht midm Hoibinsl-Fäidzug (engl.: Peninsula-Campaign) vo Meaz bis August 1862, de Haubtstod da Konfedariatn, Richmond, Virginia, eiznemma. Des hod da konfedariade Genaroi Robert E. Lee vahindat, dea no sein Eafoig bei da Siem-Dog-Schlochd bei Manassas ( 2.Schlochd am Bull Run) mid da Nord-Virginia-Armee in Maryland eidrunga is. De easchde Inwasion vo da Union hod mid da Schlochd am Antietam (a Schlochd bei Sharpsburg) gend. Nom Sieg am Antietam, hod da Lincoln de Emanzibatzionseaklerung, de olle Sklafna in de Stoodn de rebäian, vo 1. Jenna 1863 o fia frei eaklead, de Sklafna in da Union owa ned, valesn. Des hod an Noadn an moaralischn Voadoi voschaffd und hods Großbritannien und Frankreich unmegle gmochd fian Siadn eizdretn. S Kriagszui voum Lincoln woa owa owei no de Widaheastäung da Union.

De Noadstootn hom 1863 hoibad Tennessee bsezt und den Vakeasknodnbunkt in Vicksburg, Mississippi aobat. Etz woa de Konfedaration teit, wei de Union an gsamtn Laaf voum Mississippi kondrolliad hod. Im Ostn hod da Genaroi Lee im Fruahjoa a bo schbekdagulere Eafoige kobt. Ea woit de Union zwinga Druppm vum belagatn Vicksburg zan obziang, a milidärischs Pad heastäin und an Vahandlungsfriadn midm Noadn, drum hoda Maryland und Pennsylvania ogriffa. Owa a de zwoate Invasion af Unionsgebiad, is bei da Schlochd vo Gettysburg gscheidat.

De Niadalong da Konfedaridn bei Vicksburg und Gettysburg im Juli 1863 woa a Wendebunkt im Kriag. Am Joaend woa de Frontlinie im Ostn am Flissal Rappahannock in Virginia, im Westn woa Tennessee teit und da Mississippi in da Händ vo de Noadstootn. Ois a de Hefn im Siadn vo da Noadstootnflodill blokiat woan san, hod des grawiarande Auswiakunga af de Industria und de ganze Vasoagung kobt.

1864 hod da Bresident Lincoln an Genaroi Ulysses S. Grant, da Siega vo Vicksburg, zan Owabfäishowa vo da Union gmochd. Grant hod glei im estlichn und westlichn Kriagsgbiad gleichzeide ogriffa. Da estliche Fäidzuag voa Petersburg, Virginia, den da Genaroi säiba bfeligd hod, woa fiad Katz und hod aussa grouße Valuste koa eideidigs Eagebnis brochd. Ois da Genaroi William T. Sherman Atlanta im Westn eignumma hod, hoda an Lincoln de Widawoi gsichad. Sherman is oschliaßand zan Mea maschiad, duach Georgia und Carolina und hod so de Konfedaration nomoi gschboidn. Etz is Virginia mid da Haubtstod Richmond a vo Siadn hea eigschlossn gwen.

1865 hom de Konfedariatn nomoi vasuachd de Niadalog obzwendn, owa wiadschafdle woans am End, era Amee kunt nimma vasoagt wean, net zlezt wega da Griagsfirung voum Genaroi Sherman, der ois Voakempfa zan Totoin Kriag guit. Am 9.Aprui 1865 hod de Noad -Virginia Amee unta da Firung vo Genaroi Lee, bei Appomattox Court House ere Waffn nidaglegd, olle ibrign Ameen san bis zan Summa gfoigd.

No Kriagsend is bis 1877 de Reconstruction gfoigd, da Widaafbau und de Widaeigliadarung da Siadstootn in d Union. Am 18. Dezemba 1865, is da 13. Vafassungszuasatz in Krafd dren, in dem a de Sklafarei ogschoffd woan is.

Uasacha[VE | Weakln]

Bolidische Grind[VE | Weakln]

De Gengsadz genga scho afd Grindung vo de Vaeinigtn Stootn zruck. De Sklafarei is duach d Vofassung do gschizt, woses scho oawei gem hod. Weng da Reglung, das de Ozoi da Ogoadnadn vo an Bundesstood vo da Befäigarungszoi ohenge is – Sklafn wean a zu drei Finfdln ogrechnad – woa da Eifluss da stimmbrechdigtn Befäikarung im Siadn gräßa ois im Noadn.Und imma wen a neia Stood da Union beidren is, hod se des af des eh scho schwiarige Gleichgwicht ausgwiagt.

Aus da Sichd voum Siadn is owa bam Konflikd ned primäa um d Sklafnfrog ganga, a um de Rechde da Oanzlstootn. Sezessionistn woan da Ibazeigung, de Oanzlstootn hom midm Beidrid za Union ned ia Suwaränitäd afgehm und kinna jedazeid wida ausdren, aussadem ko de Union koan Oanzlstoot a bstimmds Gsäischofdssüstäm voaschreim. A Bundesstoot hods Rechd a Bundesgsedz wos eam ned bassd af seim Gebiad z anullian. Wen da Bund de Nullifikationsdoktrin voweigad, no blaibd dem Stoot de Sezession. Und häd des ois ned scho bei da Grindung da Union goidn, wos in da Vofassung vo 1787 s Eigandum vo Sklafn garandiad, no wan de Siadstootn niamois eidren.

Tadsechle hods a in de Noadstootn koa Meaheid fiad Oschaffung da Sklafarei gem, de Abolitionistn woan oawei in da Mindaheid. A da Abraham Lincoln, da Bresidendschoftskanedad vo da Republikanischn Batai fias Woijoa 1860, is ned fiad Oschoffung da Sklafarei eidren, sundan nua fia a Bschrenkung in dene Stoodn, wos scho exisdiad hod. Owa da Lincoln is in zea Siadstootn ned amoi af de Woizedln gstandn, wos zoagd wia weid de Gengsezlekeid scho fuatgschrittn woa.

Wiatschofdliche und sozioe Grind[VE | Weakln]

Otei da Sklafarei in de Vaeinigtn Stoodn im Joa 1860

Afgrund da Industrioisierung in de Noadstootn is de Produkdiavitäd da Lohnoawada stei ogstieng, de Wiatschofd bsundas im diafn Siadn dageng is af Broduktion billiga Rohstoff ogwiesn, wos de billegare Sklafnhoitung beginstigd hod. Eiwandara san weng da bessan Oawatsbedingunga liaba in Nordn ganga und im Siadn hods an Oawatskräftemangl gem.Drum a de Ohengekeid voum Siadn vo da Sklafarei.[3]

A andara Streitbunkt zwischa Noad und Siad woa de Schutzzoibolidik, de zua gräßtn Vofassungsgriasn, da Nullifikationsgriasn vo 1832/33 gfiat hod.[4]

Im Nordn und Siadn hom se untaschiadliche Gsäischoftn aussa buid, de Meaheid da Befäikarung im Noadn woan Gloabauan im Westn und Lohnoawada im Ostn.Danehm no a gloane Middlschicht, a bo Oideigsessane und Neireiche in da Owaschicht. In da Industria hod ma kwalifiziade Leid brauchd, drum hods a guade effandliche Schuin gehm. Zu de Houschuina hom oiadings a nua Brifiligiade Zuagang kobt.

Im Siadn woans oame weiße Doglöna und Bauan, a gloane Middlschicht vo Handweaka und gloane Blandaschnbsitza mid a bo Sklafn. A gloane Owaschicht vo de oideigsessna groußn Blandaschnbsitza hods a gehm.De effandlichan Schuina woan vakimmat, grod de vo da Owaschicht san in de Briwatschuin guad ausbuid woan.Innahoi da weißn Gsäischoft im Siadn, is drodz da untaschiadlichn Lemsweis kam za Spannunga kumma. Se san olle gschlossn hinta da Institution Sklafarei gstandn.[5]

Reconstruction[VE | Weakln]

Reconstruction wiad de Fase da Widaeigliadarung da Siadstootn in de Union da Voeinigtn Stootn vo Amerika gnennt. No im Kriag umara 1863 hod ma ogfangt und dauad hods bis 1877.

De Reconstruction umfasst unta andam de bolidische und wiatschaftliche Eigliadarung da Stootn, de strofrechtliche und gsäischoftliche Behandlung ira Firaund den verfassungsmassign und gsetzlichn Status da Ex - Sklafn. Des ois hod za gwoittätign Ausanandsezunga gfiad und in de friara 1870 Joa hod ma gmeakt, das ma des vo de Bresidentn Lincoln und Johnson ogschdrebde Zui ned eareicha ko. De Reconstruction hod mid dem Kombromiss 1877 gend, das de Siadstootn da zweifehaftn Bresidentschoft vo Rutherford B. Hayesin zuagstimmt hom, wen dafia olle US-Druppm de emoign Siadstootn valossn.

De längste ohoitande Wiakung hom de drei Biagagriags-Vofassungszuasetz dazuit. Da 13. hod de Sklafarei afkom, da 14.hod den Schutz da Biaga af olle Rassn eaweidat und da 15. hod Rassnbschrenkunga bei de Woin ogschoffd.

Auswiakunga[VE | Weakln]

Im Amerikanischn Biagakriag san umara 620.000 Leid[6] ums Lem kumma. De Kriagskostn woan mea wia 8 Milliarden Dolla. S Heea da Union woa am End voum Kriag iba 1 Million Mana grouß und d Flottn hod 671 Schiffe kobt.

Wesen und Bolidik hom se nom Siag voum Noadn in da USA vaändad. De Macht voum Bund is weida ausbaud woan,[7] de easchde nationale Eikommanssteia, de easchde oigmeine Weapflichd und a eaweidade Zuaständekeid da Bundesgrichde san eigfiad woan. Da Siag vo da Union hod a de bolidische Voaheaschoft voum Noadn und da Rebublikana gfestigt. Da nexde demogratische Bresident woa da Grover Cleveland, dea 1884, easchd 20 Joa nochm Biagagriag gwäid woan is.

Mid de Vofassunszuasetz hom de Sklafn zwoa ia Freiheid, Biaga und Woirechd griagd, owa se woan oawei no Diskremenierunga und Rassndrennung ausgsezt. Mid da Konfedaration is a des oide siadstootle aristogratische Gsäischoftssüstäm untaganga, in de nexdn Joazehnde is da landwiadschofdle oriendiade Siadn industralisiad woan. Bolidisch is da Siadn ois Solid South bis in d 1960er Joa de Houbuag da Demokratn.

Fuima[VE | Weakln]

Foigande Fuima handln voum Sezessionskriag (Auswoi):

  • Die Geburt einer Nation (1915)
  • Der General mit Buster Keaton (1926)
  • Vom Winde verweht (1939)
  • Die rote Tapferkeitsmedaille (1951)
  • Fackeln im Sturm (North & South) (1985, 1986, 1994)
  • Die Blauen und die Grauen (The Blue and the Gray) (1982, 1985; Kurzserie)
  • Glory (1989)
  • PBS-Dokumentation The Civil War von Ken Burns (1990)
  • Gettysburg (1993)
  • Land in Flammen (Class of '61) TV-Film (1993)
  • Wer mit dem Teufel reitet (Ride with the Devil) (1999)
  • Hunley – Tauchfahrt in den Tod (C. S. S. Hunley) (1999)
  • Gods and Generals (2003)
  • Unterwegs nach Cold Mountain (Cold Mountain) (2003)
  • Der amerikanische Bürgerkrieg – Die Dokumentation (American Civil War – A Union Divided), Großbritannien, von Graham Holloway, (2003)
  • Die Lincoln Verschwörung (The Conspirator) (2010)
  • Lincoln (2012)

Lidaradua[VE | Weakln]

Primärquellen
  • United States. War Dept.: The War of the Rebellion: a Compilation of the Official Records of the Union and Confederate Armies, Govt. Print. Off., Washington 1880–1901, 128 Bde. (hier online)
  • Southern Historical Society Papers CD-Rom, H-Bar Enterprises 1st Edition, 1997, ISBN 0-7639-0084-2
  • Clarence Buel, Robert Underwood Johnson (Hrsg.): Battles and Leaders of the Civil War, Century Co, New York, 4 Bände, 1884–1888 (Berichte von unmittelbar Beteiligten, Online auf eHistory).
Huifsmiddl
  • Marc Boatner III: Civil War Dictionary, zuerst 1959, Vintage Books 1991, ISBN 0-679-73392-2
  • Frederick Dyer: Compendium of the Civil War, Morningside Bookshop, 1978, ISBN 0-89029-046-6
  • David J. Eicher: The Civil War in Books: An Analytical Bibliography, 1997, ISBN 0-252-02273-4. (Kommentierte Bibliographie)
  • William F. Fox: Regimental Losses in the American Civil War: A Treatise on the Extent and Nature of the Mortuary Losses in the Union Regiments, u.a. Ebooksondisk.com, 2002, ISBN 1-932157-07-7
  • Bernd G. Längin: Der Amerikanische Bürgerkrieg. Eine Chronik in Bildern – Tag für Tag. Bechtermünz Verlag, ISBN 3-86047-900-8, auch Weltbild Verlag, Augsburg 1998. (Reich bebildert, aber ohne Register.)
  • James M. McPherson (Herausgeber): The Atlas of the Civil War, Running Press Book Publishers, Philadelphia 2005, ISBN 0-7624-2356-0. Viele Karten, Beschreibungen des Kriegsverlaufs, ausgewählter Schlachten und Fotos
  • William C. Davis: Der amerikanische Bürgerkrieg – Soldaten, Generäle, Schlachten. Bechtermünz Verlag, 256 Seiten, ISBN 3-8289-0384-3
  • David S. und Jeanne T. Heidler (Herausgeber): Encyclopedia of the American Civil War: a political, social, and military history. 5 Bände. ABC-CLIO, Santa Barbara, Calif. 2000, ISBN 0-393-04758-X
Zusammenfassende Darstellungen
  • Giampiero Carocci: Kurze Geschichte des amerikanischen Bürgerkriegs. Der Einbruch der Industrie in das Kriegshandwerk, Klaus Wagenbach Verlag, Taschenbuch 281, Deutsche Erstausgabe, Berlin 1997, ISBN 3-8031-2281-3.
  • Bruce Catton The Centennial History of the Civil War, Garden City, Bd.1 The coming fury 1961, Bd.2 Terrible swift sword 1963, Bd.3 Never Call Retreat 1965, alle drei Bände bei Pocket Book 1967
  • Shelby Foote: The Civil War. A Narrative, 3 Bde., New York 1958–1974, ISBN 0-7126-9812-4. (Sehr gut geschriebene Darstellung des Krieges, wenn auch ohne fachwissenschaftlichen Apparat.)
  • Michael Hochgeschwender: Der Amerikanische Bürgerkrieg. C.H. Beck oHG, München 2010, ISBN 978-3-406-56251-8.
  • Leah Ireland-Kunze: Der Bürgerkrieg in den USA. Militärverlag der Deutschen-Demokratischen Republik, Berlin 1989
  • Marcus Junkelmann: Der Amerikanische Bürgerkrieg 1861–1865, Weltbild Verlag, 1992, ISBN 3-89350-355-2, ISBN 978-3-89350-355-1
  • John Keegan Der amerikanische Bürgerkrieg, Rowohlt Verlag 2010, ISBN 978-3-87134-668-2 (The American Civil War: A military history)
  • James M. McPherson: Für die Freiheit sterben. Die Geschichte des amerikanischen Bürgerkrieges, List Verlag Berlin, ISBN 3-471-78178-1, auch Weltbild Verlag, Augsburg 2000, englisches Original Battle Cry of Freedom. The Civil War Era, New York: Oxford University Press, 1988, ISBN 0-19-503863-0. (Der Autor erhielt hierfür den Pulitzerpreis. Die beste einbändige Darstellung des Krieges, die auch detailliert auf die Ursachen eingeht.)
  • Brian Holden Reid: Der Amerikanische Bürgerkrieg und die europäischen Einigungskriege. Brandenburgisches Verlagshaus, Berlin 2000, ISBN 3-89488-130-5
  • Udo Sautter: Der Amerikanische Bürgerkrieg 1861-1865, Wissenschaftliche Buchgesellschaft Darmstadt, Darmstadt 2009, ISBN 978-3-534-21970-4

Im Netz[VE | Weakln]

 Commons: Sezessionskrieg – Sammlung vo Buidl, Videos und Audiodateien

Beleg[VE | Weakln]

  1. 1,0 1,1 1,2 1,3 civilwarhome.com Stärken und Verluste der Union und der Konföderation
  2. siehe auch Sezession, weitere in den USA gebräuchliche Bezeichnungen sind War Between the States (Krieg zwischen den Staaten) oda War of the Rebellion (Rebellionskrieg).
  3. Heinz-Jürgen Nürrenbach: Abraham Lincoln - ein amerikanischer Mythos. Universität des 3. Lebensalters an der Goethe-Universität Frankfurt a. M. 2010, S. 18f.
  4. Department of Humanities Computing, University of Groningen: An Outline of American History (1994): Nullification Crisis. Zugriff: 5. November 2006
  5. Marcus Junkelmann: Der amerikanische Bürgerkrieg 1861 - 1865, S. 35ff Zum Selbstverständnis der weißen Bevölkerung in den Südstaaten
  6. McPherson, Battle Cry of Freedom, S. 854. Nach einer Schätzung, de aus Zensusdaten de Abweichung der Todesrate von Männern im wehrfähigen Alter gegenüber der Norm berechnet, kamen mindestens 627.000 und höchstens 888.000, mit größter Wahrscheinlichkeit aber etwa 761.000 Menschen ums Leben. Vgl. J. David Hacker (Dezember 2011). "A Census-Based Count of the Civil War Dead". Civil War History 57 (4): 307-348. doi:10.1353/cwh.2011.0061. http://muse.jhu.edu/journals/civil_war_history/toc/cwh.57.4.html. Retrieved on 2012-04-04. 
  7. McPherson Für de Freiheit sterben, S. 845f.
Normdatn: GND: 4136055-2