Simmaring

Der Artikl is im Dialekt Weanarisch gschrim worn.

XI. Weana Gemeindebeziak (Hieb) Simmaring
Woppn	Koartn
Naum:	Simmaring
Flächn:	23,23 km²
Eiwohna:	82.906 (1. Jän. 2007)
Bevökarungsdichtn:	3553,8 Einwohner je km²
Postleitzoih:	1110
Adresse vom Bezirksaumt:	Enkplatz 2 1110 Wien
Offiziölle Websitn:	www.wien.gv.at/bezirke/simmering
Politik
Bezirksvursteha:	Renate Angerer (SPÖ)
Bezirksvertretung (52 Bezirksräte)	SPÖ 33, FPÖ 10, ÖVP 5, Greane 4

Simmaring (aumtlich: Simmering) is da XI. Gemeindebeziak (Hieb) vu Wean, da Hauptstod vu Esterreich. Ea is 1892 aus de söbständign Gemeindn Simmaring und Kaisaebersdorf büd wuan, 1955 is dann no de Gmeinde Oiban dazua kumma. Simmaring grenzt an de Beziak Leopoidstod (Wean II), Laundstroßn (Wean III) und Favoritn (Wean X).

Eadkunde

Bezirksteule vo Simmaring

Simmaring liegt im Südosten vo Wean und is mit ana Flächn vo 23,22 km² da ochtgreßte Weana Gmeindebeziak. Des san Flächn 5,6 % vo da Flächn vo Wean.

Bezirksteule

Simmaring is 1892 aus de drei ehemois söständigen Gemeindn Simmaring, Kaisaebersdorf und Oiban büdt woan, de wos no heit ois Weana Katastralgmeindn weidabestehn.

Da Beziaksteu Simmering umfosst große Teule vo de Wohn- und Betriebsbauflächn vom Beziak, unta andam s Weana Gaswerk und s Weana Elektrizitätswerk. Südwestlich vom Beziaksteu Simmaring liegt Kaisaebasdorf, zu dem aa s Schloss Neugebäude und da Zentreufriedhof gheat. Oiban grenzt im Südosten an an Donaukaneu. Zu dem Bezirksteu ghead da oide Ortskean, Nei-Oiban und da Oibana Hofn.

Sehnswiadigkeitn

A Kiachn in Simmaring

Gasometa in Simmaring

Jo, do warat amoi da Zentralfriedhof, wo zum Beispü de esterreichischn Bundespräsidentn eigrom woan san. Und daun hätt ma nu de Gasometa, a so a Oat Shopping-City in oite Gasbehöta, de recht leiwand ausschau dan. Und daun gabats do a nu an aundan Friedhof, nämli in Friedhof vu de Naumenlosn.

Biacha

• Christine Klusacek, Kurt Stimmer: Simmering. Von der Had zum Monte Laa. Mohl, Wean 1997, ISBN 3-900272-55-7.
• Petra Leban: Simmering: Wiens 11. Bezirk. Sutton, Erfurt 2001. ISBN 3-89702-395-4.

Im Netz

Commons: Simmaring – Buidl, Videos und/oda Audiodatein

• Aitrog iwer Simmaring im Esterreich-Lexikon vo aeiou
• Simmering auf wien.at
• Simmering im Weblexikon vo da Weana Sozialdemokratie
• Simmering Online

48.17333333333316.4416666666677

Gemeindebeziake (Hieb) in Wean

I. Innare Stod | II. Leopoidstod | III. Laundstrossn | IV. Wieden | V. Margareten | VI. Mariahüf | VII. Neibau | VIII. Josefstod | IX. Oisagrund | X. Favoritn | XI. Simmaring | XII. Meidling | XIII. Hietzing | XIV. Penzing | XV. Rudoifsham-Fümfhaus | XVI. Ottakring | XVII. Hernois | XVIII. Wearing | XIX. Döbling | XX. Brigittenau | XXI. Floridsdoaf | XXII. Donaustod | XXIII. Liesing