Sioux

Sioux Kriaga

Sioux (sog: Suu) is de Bezeichung fia a Gruppm vo noadamerikanischn Indiana-Vejkan und vo dena eanare Sprochn.

Es gibt drei Hauptgruppm vo de Sioux Vejka und Sprochn: De Lakota, de Nakota (aa westliche Dakota) und de Dakota (aa estliche Dakota). De US-Bundesstootn Noad-Dakota und Sid-Dakota san danoch gnennt.

Heit san de Sioux in vui vaschiedane Reservate und Stammesvawoitunga afgspoit. Anno 2000 hom si bei oana Voikszejlung 153.360 Indiana in de Vaeinigtn Stootn zu de Sioux bekonnt. De kanadischn Sioux, wo zu de Easchte Nationa ghean, san do ned eafosst woan. Um 1800 hom de Sioux fost gonz Sid-Dakota, en Noadwestn vo Noad-Dakota, Noad-Nebraska, Ost-Wyoming, Sid-Montana, Noad-Iowa, West-Minnesota und de sidlichn kanadischn Prärieprovinzn dominiat.

Nom

Da Nom Sioux kimmt aus da franzesischn Kolonialzeit, es is de Kuazfoam vo „Nadouessioux“ (kloane Schlanga) und des is de franzesische Schreibweis vom Algonkinwoat „Natowessiw“. Woascheinlich is de Bezeichung ois Obweatung vo feindlichn Vejkan vawendt woa. De Indiana hom efta eanare Feind ois Schlanga bezeichnet.

Biacha

• Raymond J. DeMallie (Hrsg.): Handbook of North American Indians. Bd. 13: Plains. Smithsonian Institution Press, Washington D.C. 2001. ISBN 0-16-050400-7

Im Netz

Commons: Sioux – Buidl, Videos und/oda Audiodatein

• Dakota Blues: The history of the Great Sioux Nation
• indianerwww.de: Sioux
• Dakota Language and Culture Encyclopedia