Soizburga Noggal

Aus Wikipedia
Wexln zua: Navigation, Suach
Der Artikl is im Dialekt Weanarisch gschrim worn.
Soizburga Noggal

Soizburga Noggal (deitsch: Salzburger Nockerln) san a typische Soizburga Möhspeis, de wos zu de bekauntastn in gaunz Österreich gheat. Se wean woam ois Nochspeis serviat.

De Soizburga Noggal mocht mar a so, dass ma zeascht des Eigöb min Zucka so laung schlogt, bis a högöbe Krem entstaundn is. In de Massn wiad daun a steif gschlogans Eiweiß und a bissl a Möh odar a Speisesteakn sowia a boa Weinberl einegriaht. Aus dem luftign Daag wean daun große Noggal in a feiafeste Foam gsetzt und in Ofn aussebochn. Vuam Servian wean de Noggal no mid an Staubzucka aungstraad.

Es wiad gsogt, dass de Soizburga Noggal im 17. Joahundat vo da Salome Alt, da Konkubine vom Soizburga Erzbischof Wolf Dietrich von Raintenau eafundn wuan san. Se soin de Beag um de Stod Soizburg symbolisian: in Gaisberg, in Moenchsberg und in Nonnberg. Da Staubzucka soi dabei aunan Schnee eainnan.[1]

Da Raymond Fredl (1900–1954) hod 1938 de Operettn Saison in Salzburg - Salzburger Nockerl komponiat. In dem Weak wean de Soizburga Noggal ois „Siass wia de Liab und zoat wiara Kuss“ besungan.

Schau aa[VE | Weakln]

Beleg[VE | Weakln]

  1. germanfood.about.com Salzburger Nockerln

Im Netz[VE | Weakln]