Stargate: Continuum
| Fuimdatn | |
|---|---|
| Deitscher Titel: | Stargate: Continuum |
| Originaltitel: | Stargate: Continuum |
| Produktionsland: | USA |
| Erscheinungsjohr: | 29. Juli 2008 auf DVD / im TV (USA)
12.September 2008 auf DVD in Europa |
| Läng: | ca. 90 Minutn |
| Originalsproch: | Englisch |
| Fuimstob | |
| Regie: | Martin Wood |
| Drehbuach: | Brad Wright |
| Besetzung | |
|
|
Stargate: Continuum (2008) is a US-amerikanischer Science-Fiction-Film vom Martin Wood. Er is die Fortsetzung vo da Serie Stargate SG-1.
Stargate Continuum is da zwoate DVD-Film-Ableger vom Stargate-Universum. Bei entsprechendem kommerziellen Erfoig soin mehrere Folgen draht wern. Stargate: The Ark of Truth war der erste.
[drå werkln] Um des geht's
Nur oana vo de Systemlords der Goa’uld lebt no: Da Ba’al. Jiatz is a aba endlich gschnappt worn und sei Symbiont werd aus dem Wirt entfernt. SG-1 is a dabei. Aba auf oamoi sand da Teal’c und die Vala nimma do.
A bissl späda bassiert mit'm Jack O'Neill und de andern Tok'ra dsselbe. Desweng woin de Sam Carter, da Daniel Jackson und da Cam Mitchell ganz schnell zur Erdn' zruck. Aba ois de do okemman, sand's anstod vom Stargate Center auf am 70 Jahr oidn Transportschiff, de Achilles, die im Ewigen Eis vo da Arktis festg'frohrn is. Dabei meakans, dass die Zeitlinie vaändat worn sei muass, warscheinlich vom Ba'al (oder seim Klon). Zwar schaffan's es aus dem sinkndem Schiff aussa zu kemma, kennan aba des Stargate ned rettn. Am Daniel sei Fuaß is eigfrohrn, desweng san da Mitchell und de Carter alloa aufbrocha, um ebban zu finden. Da Mitchell versuacht immer wieder umsunst über Funk Hilfe ozufordern. Kurz bevor's aufgem woiten, san in da Ferne zwoa Leid aufdaucht, dabei war da Jack O'Neill. Dann san's mit am U-Boot in de Vereinigten Staaten brocht woan, wo's dann seppariert am Verhör unterzogn woan san. Man wui's aba de Zeitlinie ned korrigieren lossen, weil de jetzige Zukunft auf dem Spui steht und schickt jeden vo SG-1 in a andre Ecken vo da USA. Sie deafn außadem ned ohne Genehmigung vo da Regierung telefonieren, oda sich treffn.
Nach ungefea am Joa ham si de Carter, da Mitchell und da Daniel hoibwegs einglebt, wia auf oa Moi mehrane Al'kesh über die Stadt drüwa fliegn, in der de Carter sich eingenist hod. Auf des aufi losst da Präsident die Drei in's amerikanische Militär-Hauptquartier bringa. Do werd a vo de Drei aufklärt, dass des bloß de Vorhut is, weil im Orbit no fui fui mehra, stärkare Schiffe san, de Goa'uld Hat'aks. Dann werd zoagt, dass de saugrousse Flottn vom Ba'al und seiner Königin Qetesh (Vala), ogführt werd. Und da easte Primus vo dene zwoa is da Teal'c.
[drå werkln] Trivia
- Während der Filmarbeiten in der Arktis san 2 Leid gstorbn, da Paul McCann und da Anthony Huntrod, bei am Unfall auf'm U-Boot, auf dem's des draht hom. Des sagns a im Abspann, ois Widmung füa die Verstorbenen.
[drå werkln] Weblinks
| Commons: Stargate – Buidl, Videos und/oda Audiodatein |
- Stargate: Continuum in da deitschn und englischn Version vo da Internet Movie Database
