Street Fighter II

Aus Wikipedia
Wexln zua: Navigation, Suach

As Street Fighter II woa as easte "Beat 'em up"-Spui, des wo aussakemma is. Und nachdem de Sach af de Spuihoinautomat'n so guad glaffa is, homsas dann a auf da Super-Nintendo-Konsoin außabrocht. As Ziel vo dem Spui is recht eifoch zum eakläan: Du drischst mit deine Standat- und Special Moves solang mit deim ausgwähltn Charakter auf dein Oppenenten ei, bisa de Segel streicht und sei Lehmsleistn an Nullpunkt erreicht. So kämpfst de mid deim Kampfsportler Runde um Runde vor, um am Schluß a no de Endbosse oane zu reißn. Wennst des schoffst, weasd zum Kenig vo de Street Fighter anennt.

De, wo wos teilnehma[VE | Weakln]

De Aufzählung beziagt se jetza bloß aufas easte Street Fighter II. Späda san dann mit neie Spiele scho no mehrane zammakemma.

De Kämpfa[VE | Weakln]

Da Hoshi Ryu[VE | Weakln]

Da Ryu hod sie da japnischen Kampfkunst Karate vaschriam, und a drenieat jen Dog, doss a sei Levl und seine Fähigkeitn ständig steigan ko. Gl'eant hod da Hoshi Ryu bei seim Moasta, am Shen Long.

Da Masters Ken[VE | Weakln]

Da Ken is da besde Spezl vom Ryu und hod a mid eam zammat beim Shen Long sei Karate-Hondweak gleant. Aba da Ken geht de ganze Gschicht a weng gmiatlicha o. Wei da Ken is a reicha Millionärssohn und hällts eher mid schene Madln und schnelle Autos, ois dassa wia da Ryu an liaben longan Dog am Drenian war. Nixdestotrotz isa a eanstzumnehmenda Kämpfa. Ea is sogar a weng schneller ois wia da Ryu, wenngleich dea wiedarum eam in punkto Groft a weng üba is.

Da Guile William[VE | Weakln]

Da Guile is Collonel beim amarikanisch'n Militäa. Auf'an Bison is a goa ned guad zum Sprecha, wei dea Hundling sein besten Spezl, an Nash Charlie deaoanst umbrocht hod. Deshoibat dritt ar a übahappt beim Street-Fighter-Duania o, domid a dem Meada endlich an Goaaus mocha ko. Da Guile baud im Kampf auf sein effizientn Army-Fightstyle, den wo er bei de Militäas beibrocht bekomma hod.

D' Li Chun[VE | Weakln]

D Chun is a ganz a liabs Madl mit streihhoitzdicke Armal, was moant, se kannt beim Duania vo dene Street Fighter a wos reißn. Und wea woaß, am End hods no recht? Wei mit eananam Kung Fu, des wo ia da Vodan beibrocht hod, hods scho a boa fiese Dricks auf Loga. Und a de Chun kon an Bison ned riacha, weil dea ian oidn Hean um'd Eckn bringa hod lossn. Und wenns um de Familienehre geh duad, dann riacht de Faust vo dea Gloa nach Friedhof.

Da Zangief[VE | Weakln]

A Raketenwissenschaftler wead in dem Lehm nimma, da Zangief. Aba Groft hoda gnua. Auf lange Distanzn konn da Russe und übazeugte Kommunist zwoa ned fui reißn. Aba wehe, wennst eam zu nahe kimmst. Da langta zua, da Wrestler, und schleidert de umbeinand, dass'd east wieda auf da Intensivstazion zua dia kimmst.

Da Blanka[VE | Weakln]

Da Blanka is ois a gloas Kind mi'm Flugzeig iba'm brasilianisch'n Uawoid obgstiazt. Ois da einzige Übalebende hod a se im Dschungel duachschlong miaßn und is unta wilde Viecha aufgwochsn. Des hod seim Teint zwoa ned wiaglich guad doa, hod aba a eiskoide Killamaschin aus eam gmocht, de wo wos ois zammabeißt, wos sie eam in'an Weg stöit. Außadem kann sie da Blanka elektrisiean, um sein Gegna, wenn a ned grod recht aufbosst, ruckzuck auf medium zu röstn.

Da Honda Edmondo[VE | Weakln]

Da Edmondo is a japanischa Sumoringa. Jen Dog schuafeit as Essn grod nura so eini, dass grocht. Aba dreniern duad a a, und deshoib soit ma se ned deischn loss'n vo seina Wampn. Weil weram Honda a weng zu sehr aufan Pelz rückt, der griagt schnöi a boa gschallert, dass eam Hean und Seng fagehd. Und wenn des no ned langt, dem schmeißt a se mid seim Suzuki-Move grod midden ins Gsicht.

Da Dhalsim[VE | Weakln]

Bei dem stimmt wos ned recht midda Anatomie. Wei der Bua dehnt seine Haxn und Arm deamaßn, dass scho vom Zuaschaung wehduad. Eam mochd des aba nixn und deshoibat hod a a im Kampf enorme Reichweitn am Stoat. Und de bracht ar a: Wei da schnellste is a ja ned, da Dhalsim.

De Endbosse[VE | Weakln]

Da Balrog[VE | Weakln]

Des is a Schworza, und box'n duadar a, wie so viele vo dene. Bloß is da Balrog a so a unfeira Hund (a Oa solla goa scho moi obbissn hom), dass'n iagndwann aus da Boxing Federation außagschmissn hom. Deshoibat mochda jetzad a af da Stross bei dem Street-Fighter-Duania mid.

Da Vega[VE | Weakln]

Da Vega is zwo a Spania, schaugt aba ned a so aus. Koa dunkle Haud, und blonde Hoar hoda a no. Famutlich isa da drom bloß Zuagroasta. Auf jehn Foi is a unglaublich eitel, hod fiaa an Mo absuad longe Hoa und um sei Goschn hoda so vui Angst beim Kämpfa, dass a sei Gsicht im Ring ollawei hinta oana Maskn vastecka duad. Mit da Fäaniss hod as genausoweng wie sei Spezi, da Balrog. Wei da Vega tritt ois oanziga mid eine Waffn o, oana langa Metoi-Klauen. Und wei a a no wahnsinnig schnöi is, muaß ma fei scho aubassn, dass ma des Ding ned ins Greiz kriagt.

Da Sagat[VE | Weakln]

Aus Thailand kummda, da Sagat. Und do hoda a sei Muay-Thai-Kickboxn gleant. Da Sagat woa da driem lange Zeit da unangfochtne Moasta in dem Spoat, bis da Hoshi Ryu vo Japan umiikimma is und eam mid seim Uppercut so oane dabrennt hod, das da Sagat heid no a Narbm gwea üba'd Wompn hod. Und desweng isa natürlich a ned grod guad afan Ryu zum sprecha und hod sie beim Street-Fighter-Duania ogmöid, domidas eam heimzoin ko.

Da Bison M.[VE | Weakln]

Des is da Chef vo am großa asiatischn Drogendandlasinidigat, des wo as Street-Fighter-Dunaia ausricht'n duad. Und da hod a se fei was aufghoist, weil unta dene Kämpfa vo dem Duania etliche san, de wo eam ans Leda mechatn. Aba da Bison sieht des recht locker, weia sowieso glabbt, dossa da Beste vo da ganz'n Wöid is. Und ganz Unrecht hoda ja ned: Schnell isa, a Groft hoda a und sogoa fleiang und Energie schmeißn konna. Des wead koa leichte Sach füa de Street Fighter, dem zum besieng.

Intanationals Street-Fighter-Nommawirrwarr[VE | Weakln]

Wosas Street Fighter II in Japan eastmolig außabrocht hom, woa da schwoaze Boxer no ois Karikatur oda Hommage vom Tyson Mike (dea wo a echta amarikanischa Boxa is) 'dacht. Wias den Sach dann aba a in Amerika aufan Moakt bringa woit'n, homs a weng Schiß griagt. Wei seibst da Nomma vo dem Boxer-Charakta "Mike Bison" glingt scho fast wia dea vom Tyson und wenn der jetzad auf de Idee kemma war, de Herstella vom Street Fighter II (Capcom) zum vaglong, dann kann sowas in de USA vadammt deia wean. Und weis an iam Göid hänga, homs einfach Nommarulett mit de Endbosse gspuit.

Da oanzige, wo sein Nomma hod bhoit'n deafa, is danach da Sagat gwen. Aus am Boxer Mike Bison is in westliche Gefilde somid da Balrog woan, den, dea was in Japan Balrog hoaßt, kenna ma mia jetz ois Vega, und a da finale Obamotz hod sein japanischn Nomma Vega füa den vom M. Bison eitauscha miaß'n. Domid hottns don de allzugroße nommatliche Ähnlichkeit zum Tyson Mike ausgmerzt und guad woas aus rechtlicha Sicht.

Street Fighter II - wiaso eigendlich "Zwei"?[VE | Weakln]

As easte Street Fighter kennt kaum a Mensch, weis a ned so a Eafoig woa seinazeid. Da easte Deil woar a Spuihoin-Automat, dea wo a "Duttln-Automat" ghoaßn woan is, wei a zwoa hoibkugelföamige Gummi-Schlagpoista ghobt hod, wos'd mit deina eigane Köapagroft drauf hosd eischlong miaß'n, bis da viatuelle Gegna umgfoin is. A boa vo de bekannts Charakta, wia zum Beispüi da Ryu san a damois scho dabei gwen, oba ned olle.

As Misderium um an Long Shen[VE | Weakln]

Da Shen is da Moasta (Lehra) vo am Ken und am Ryu gwen und kummt im Spui eigendlich goa ned voa. A amarikanische Videospuizitschrift hod aba dann iagndwann Buida (Screenshots) vo eam abdruckt und gsogt, ma kannt eam üba an spezielln Code freischoitn. Des hod se aba nochad ois a "Presse-Entn" rausgstöit, wei so an Code im Ua-Street-Fighter-II goa nia gehm hod. Wos n Shen Long aba definidiv geh'm hod, is in da Automaten-Veasion Street Fighter II - Champion Edition.

Füa so an geheimen Code aber extrig an komplettn Charakta zum programmian, da homs aba dann doch anscheinend koa rechte Lust ghobt. Wennst den Code je'nfois richtig eigem host, hod da Tittlbuischiam kuaz afg'leicht. Dann hosd ganz noamaoi unta de Charaktere ausgwöid. Im Spiel is aba dann ois dei Nomma Shen Long gstand'n und du hosd mid am Schlagknopf frei und währand des Kampfs zwischen olle Charaktere frei wöin kenna. Zudem hom se de Moves vo dene in dem Modus drastisch vaendad. Da Zangief zum Beispui hod während seim Rundumadumdrah-Move bletzlich a boa Sonic Booms (de wo was eigentlich da Guile mochd, außagschmissn und so). Außadem hod se, wennst gwunna hosd, as Sprüchal unta dem Siegabuidl vo deim Charakta zua "You are nothing against the powers of Shen Long" g'ändat.

De Fuime[VE | Weakln]

Street Fighter - De entscheidn'nde Schlochd (1994; Realfuim)[VE | Weakln]

Wia so viele bobuläre Videospiele, so hods a de Street Fighter iagndwann dawischt und Hollywood hod an Fuim dazua draht. Und a groß' Aufgebot vo bekanntwe Schauspiela hams aufgfahr'n füa de Soch: An van Damme Jean Claude (Guile), an Julia Raul (M. Bison), d' Minogue Kylie (Cammy) und de Ming-Na (de wos a Magazin amoi zum schenstn Diandl vo da Wöid aklead hod; Chun Li).

Aba da Fuim füa si gnumma is dann doch ned recht was woan. An da Gschicht, song Kenna vom Spüi, siegt ma feamlich, doss de Mocha koa Ahnung vo dem Spui ghobt hom. Und a de Kämpfe, as Wichtigste bei so am Streifn, soin holprig und helzad sei. Des liegt daran, das außa am van Damme koana vo dene Schauspiela a Ahnung vo Kampfsport ghobt hod. Da hod a a Schnellkuas bei am Großmosta, am Urquidez Benny (Spitznama "the Jet") nimma vui gnutzt.

Street Fighter II - Victory (1995; Animeserie)[VE | Weakln]

Des lehnt sie an de Alphaspiele an. Deshoib kenn ma da de bekanntn Charaktere vo dera Reihe a hia in eanane Jungdjohre und iam Weadegang zuaschaung.

Street Fighter (1991; Ami-Zeichndrickserie)[VE | Weakln]

A de Amis hom se füa ia Kindafeanseh'n a Street-Fighter-Serien gmocht. Mid de Japana kennan sa si da olladings ned vagleichn.

Street Fighter II - The Animated Movie (1995; Animefuim)[VE | Weakln]

Des is der Fuim, song Fans, dea was vo de diveasn Street-Fighter-Fuime absolut am nextn an des Spui und sei Admosphär hikummt.

Street Fighter Zero/Alpha - The Movie (1999; Animefuim)[VE | Weakln]

Der Fuim lehnt sie an de neiane Reihe vo Street Fighter an, de was voa dem Ua-Spui stattfind'. Da sons alle no a weng jünger und a boa neie Kämpfa san a dazuakemma.

Street Fighter Zero/Alpha - Generations (2005; Animefuim)[VE | Weakln]

Nachdem da Street-Fighter-Boom scho lang wieda voabei woa, da homs no amoi (vamutlich zum letztn Moi) a weng Göid aus dera Gschicht mocha woin. Und as Eagebnis vo dem is da Generations-Fuim.

Des Weita'n...[VE | Weakln]

Ansunsten hom de Street Fighter a no a boa inffizielle Fuimauftritte ghobt. Zum Beispui homs in iagndom asiatisch'n Lond (mutmaßlich ohne Lizenz vo Capcom) a Billigserien obdraht (Link zu oana Kostpro'm finds unten). Dann hods da Chan Jackie in oam vo seine Fuime ("City Hunter") a no a bissl auf de Schippe gnumma.

De Spiele:[VE | Weakln]

Street Fighter[VE | Weakln]

  • Street Fighter (1987)
    Konsoinumsetzungea:

Street-Fighter-II-Reihe[VE | Weakln]

  • Street Fighter II - The World Warrior (1991)
    Konsoinumsetzungea:
  • Street Fighter II' - Champion Edition (1992)
    Konsoinumsetzunga:
  • Street Fighter II' Turbo / Street Fighter II' - Hyper Fighting (1992)
    Konsoinumsetzunga:
    • Street Fighter II' Turbo / Street Fighter II' - Hyper Fighting (Super Nintendo)
    • Street Fighter II' - Special Champion Edition / Street Fighter II' Plus (Sega Mega Drive)
    • Street Fighter II' Turbo / Street Fighter II' - Hyper Fighting (Sony Playstation - im Romma da Street Fighter Collection Vol. 2)
  • Super Street Fighter II / Super Street Fighter II - The New Challengers (1993)
    Konsoinumsetzunga:
    • Super Street Fighter II - The New Challengers (Super Nintendo)
    • Super Street Fighter II - The New Challengers (Sega Mega Drive)
    • Super Street Fighter II - The New Challengers (Sony Playstation - im Romma da Street Fighter Collection)
    • Super Street Fighter II - The New Challengers (Sega Saturn - im Romma da Street Fighter Collection)
    • Super Street Fighter II - The New Challengers (Amiga 500 und Amiga 1200)
    • Super Street Fighter II - The New Challengers (DOS - nur in den USA)
A spezielle Veasion vo dem Spui, bekannt ois Super Street Fighter II - Tournament Battle, eameglicht es ocht Spuian, an am KO-Duania teiznehma.
  • Super Street Fighter II Turbo / Super Street Fighter II X - Grand Master Challenge (1994)
    Konsoinumsetzunga:
    • Super Street Fighter II Turbo / Super Street Fighter II X - Grand Master Challenge (3DO)
    • Super Street Fighter II Turbo (DOS)
    • Super Street Fighter II Turbo (Amiga 1200)
    • Super Street Fighter II Turbo (CD32)
    • Super Street Fighter II Turbo / Super Street Fighter II X - Grand Master Challenge (Sony Playstation - im Romma da Street Fighter Collection)
    • Super Street Fighter II Turbo / Super Street Fighter II X - Grand Master Challenge (Sega Saturn - im Romma da Street Fighter Collection)
    • Super Street Fighter II X (Sega Dreamcast - nua in Japan)
    • Super Street Fighter II Turbo Revival / Super Street Fighter II X Revival (Game Boy Advance)

Obwois se dobei ned direkts um Videospiele handeln duad, enthielt de SF2-Reihen außadem:

  • An Flipper namens Street Fighter II
  • A Koatnspui namens Street Fighter II - World Warriors Card Game
  • A LCD-Spui namens Street Fighter II
  • A Brettspui namens Street Fighter II
  • A Rollenspiel namens Street Fighter - The Story Telling Game inklusiv' Erweitarungsbuach Secrets of Shadoloo.
  • A Kreislspui im Schtiel vo Beyblade namens Spin Fighters.

Street Fighter Alpha-Reihe[VE | Weakln]

  • Street Fighter Alpha - Warriors' Dreams / Street Fighter Zero (1995)
    Konsoinumsetzunga:
  • Street Fighter Alpha 2 / Street Fighter Zero 2 (1996)
    Konsoinumsetzunga:
    • Street Fighter Alpha 2 / Street Fighter Zero 2 (Super Nintendo)
    • Street Fighter Alpha 2 / Street Fighter Zero 2 (Sony Playstation)
    • Street Fighter Alpha 2 / Street Fighter Zero 2 (Sega Saturn)
    • Street Fighter Alpha 2 (DOS - nua in de U.S.A.)
    • Street Fighter Alpha 2 Gold / Street Fighter Zero 2' (Sega Saturn - im Romma da Street Fighter Collection)
    • Street Fighter Alpha 2 Gold / Street Fighter Zero 2' (Sony Playstation - im Rahmen der Street Fighter Collection)
Aneit in de Spuihoin brocht ois Street Fighter Zero 2 Alpha (nua in Japan).
  • Street Fighter Alpha 3 / Street Fighter Zero 3 (1998)
    Konsoinumsetzunga:
    • Street Fighter Alpha 3 / Street Fighter Zero 3 - Saikyou-ryuu Dojo (Sega Dreamcast)
    • Street Fighter Alpha 3 / Street Fighter Zero 3 (Sony Playstation)
    • Street Fighter Zero 3 (Sega Saturn - nua in Japan)
    • Street Fighter Alpha 3 / Street Fighter Zero 3 Upper (Game Boy Advance)
    • Street Fighter Zero 3: Double Upper (Japan) / Street Fighter Alpha 3: Double Upper (Eiropa) (Playstation Portable)
Is 2001 aneit in de Spuihoin brocht woan ois Street Fighter Zero 3 Upper (nua in Japan).

Street Fighter III-Reihe[VE | Weakln]

  • Street Fighter III: New Generation (1997)
    Konsoinumsetzunga:
    • Street Fighter III: New Generation (Sega Dreamcast - im Romma vo Street Fighter III: Double Impact)
  • Street Fighter III: Second Impact - Giant Attack (1998)
    Konsoinumsetzunga:
    • Street Fighter III: Second Impact - Giant Attack (Sega Dreamcast - im Romma vo von Street Fighter III: Double Impact)
  • Street Fighter III: Third Strike - Fight for the Future (1999)
    Konsoinumsetzunga:
    • Street Fighter III: Third Strike - Fight for the Future (Sega Dreamcast)
    • Street Fighter III: Third Strike - Fight for the Future (Sony Playstation 2 - im Romma vo da Street Fighter Anniversary Collection)
    • Street Fighter III: Third Strike - Fight for the Future (Xbox - im Romma da Street Fighter Anniversary Collection)

Im Netz[VE | Weakln]