Tartaros
Tartaros (altgr.: Τάρταρος, Tártaros) is in da griachischen Mythologie a Urgod und a personifiziata Tei vo da Untawejd, de wo no hintam Hades liegt.
Tartaros is da Ort ohne Wiedakeah, da Ort vu de ewign Quoin. Berihmte Insassn worn da Sisyphos und da Tantalos.
Obstammung[Werkeln | Am Gwëntext werkeln]
In da Theogonie vum Hesiod is da God Tartaros ois oana vo de Urgedda ausm Chaos entstandn. Seine Gschwista san Gaia, Erebos, Eros und Nyx. Sei Nochkomme is da Typhon.[1]
Iwatrogena Begriff[Werkeln | Am Gwëntext werkeln]
Nochm Tartaros hom de oidn Rema de Hunnen ois Tataren bezeichnet, weis glaubt hom, dass de direkt aus da Hej kema san.