Thomas (Apostl)

Aus Wikipedia
Wexln zua: Navigation, Suach
Da unglaibige Thomas (Buidl von Gerrit van Honthorst)

Da Thomas (* Ort und Datum unbekannt; † möglichaweis in Mylapore, Chennai in Indien um 72) is oana von de zwöif Apostln von Jesus Christus gwen. Da Nama Thomas leit si vom aramäischn Wort ta'am ab, wos gepaart oda Zwilling hoaßt. Desweng wird da Thomas in da Bibl ebm aa Didymos (gr. δίδυμος, Zwilling) gnannt. In da syrischn Tradition erscheint er ois Judas Thomas, weil da Nama Thomas dort ois a Beinama verstandn wird.

Am bestn bekannt vom Apostl Thomas is woih sei Darstellung ois da unglaibiga Thomas im Johannesevangelium. Demnoch hod er z'erst an da Aaferstehung von Jesus zweiflt und söiba dessn Wundn berührn woin, bevor er zum Glaubm kumma is.