Tijuana No!
| Der Artikl is im Dialekt Owaöstareichisch gschrim worn. |
|
|
|
.png) S'Bandlogo vum Album „Transgresores de la ley“ |
|
|---|---|
| Gründung: | 1988 åis Radio Chantaje 1989 åis NO |
| Auflösung: | 2002 |
| Genre: | Ska, Rock, Punk |
| D'Besetzung bevoa si si aufglöst hãm | |
| Gsãng, Kieboad: | Cecilia „Ceci“ Bastida |
| Gsãng, Percussion, Flötn: | Teca García |
| Gsãng, Percussion: | Luis Güereña († 2004) |
| E-Gitaa: | Jorge Jiménez |
| E-Båss: | Jorge „Borja“ Velásquez |
| Schlågzeig: | Alejandro „Alex“ Zúñiga |
| friahare Mitglieda | |
| Gsãng, Klavia: | Julieta Venegas |
Tijuana No! han a mexikanische Rockband aus Tijuana gwesn, ana Ståd de direkt bei an'd Grenz zu de USA hipickd woan is. Wia si in Mexiko am Ãufãng vu de 1990a-Joa a neiche Rockmusi-Bewegung si büit håd, bei dea da Punk åis Stil und revoluzionäre Gschichtln åis Ideologie wichtig gwen han, woa de Band vum Beginn weg de konsequenteste und de streitlustigste Gruppm vu dea Bewegung. Tijuana No! woan außadem a Teu vum Aufschwung vu da spanisch-språching Rockmusi und de easte Ska-Band vum Lãnd, de politische Themen aufgriffn håd. De Band, de aus 6 Musika bestãndn håd, is außahåib vu eanara Hoamad voa åim üwa'n Manu Chao und'n Fermin Muguruza bekãnnt woan – zwoa Musika, mid denen's vüi zsãmmgåawat håm und de a ähnlichs Programm ghåbt hãm wia se. In Mexiko und Lateinamerika han's åwa voa oim duach eanare sozial- und gsöischåftskritischn Texte, de si oft direkt geng's politische System vu dera Zeid gricht håm, und duach eana enge Zsãmmenåawat mid da Reböingruppm EZLN bekãnnt woan.
Inhoitsvazeichnis |
Diskographie [dro werkln]
Im unåbhänging Plåttnlabel Rock’n Roll Circus is schãu 1992 a Album mi'm Nãm NO außakemma. BMG-Culebra is dãun åwa schãu båid auf de Gruppm aufmeaksãm woan und håd desweng eanam Konkurrentn ålle Rechte ãn dera Plåttn weggakauft. Eana letzte CD vum 2001a-Joa is aus ana Reih, in dea unta'm Titl Rock en Español: Lo mejor de… („Spanischspråchige Rockmusi: S'beste vu…“) CDs mid de greßtn Eafoige vu mearare mexikanische Gruppm außakemma san, drunta em aa Tijuana No!.
Studioalbm [dro werkln]
- Tijuana No! (vaöffntlichd ãm 15. Fewrua 1994, entsprichd im Album NO)
- Transgresores de la ley (10. Jenna 1995; produziad vum Fermin Muguruza)
- Contra-Revolución Avenue (7. Aprüi 1998)
Konzeatmitschnitt [dro werkln]
- Live at Bilbao, Spain (6. Juni 2000)
Best-Of [dro werkln]
- Rock milenium (12. Jenna 1999)
- Rock en Español: Lo mejor de Tijuana No (21. August 2001)
