Tlatilco Kuitua

Der Artikl is im Dialekt Owaöstareichisch gschriem worn.

De foamative Periodn uma 600 v. Kr. in Mesoamerica

Da Nochbau vo oana Hittn midd nua oana Kaumma wias es domois gem hom

Wo de easchtn Boiplatz woan

De Tlatilco Kuitua oda Tlatilco Kultur woa de easchte Kuitua im Toi vo Mexico. Se hod uma 1200 v. Kr. agfaungd (Ayotla) und bis uma 200 n. Kr. adauad. Se woa stoak vo de Olmekn beiflusst. So das ma aunimd das vo de Olmekn, oda vo oimekische Haundla grind wuan is. Se is am owan End vom Texcocosee gleng und hod a af aundre Städ am See ausgstroid, wia Tlapacoya und Coapexco.

Da Naum vo da Stod kimt aus da Nahua (Nahuatl) Schproch und bdeit: "aun da Stö wo de ausgfoina Ding vastekt san". Se hom in eanana easchtn Zeit bsundas scheene, feine Tonfiguan augfeatigt.

• 
  Des is a Trinkkriagal, am linkn Knia is a Luckal zan Dringa.
• 
  A Tonfloschn

Manatal Stü

Owa so noch eppa 200 Joa uma 1000 v. Kr. hod se da Keramikstü gändat. De scheen und probozioniadn Figuan san vaschwundn, und primitivare Figurinan hom eanan Plotz eignumma.

Eakleaboa is des damid, das vo Nuadn Chichimekn eigfoin san und de Heaschoft iwanumma haum. De woan owa ned so kunstfeatig.

• 
  A Weiwalfigurine
• 
  Zwoa Taunzade im Manatal-Stü
• 
  Zwoa Weiwal

Schau aa

• Olmekn

Literatua

• Blanton, Richard E.; Kowalewski, Stephen A.; Feinman, Gary M.; Finsten, Laura M. (1993) Antike Zentralamerika: Ein Vergleich der Veränderung in drei Regionen, Cambridge University Press, ISBN 0-521-44606-6 .
• Niederberger, Christine (1996) "Das Becken von Mexiko: a Multimillennial Entwicklung hin kulturelle Komplexität", in Olmeken Kunst aus dem Alten Mexiko, eds. EP Benson und B. de la Fuente, Washington DC, ISBN 0-89468-250-4 , S. 83-93.
• Hanns.J.Prem. Geschichte Altamerikas, R. Oldenburg Verlag, Minga 2008. ISBN 978-3-486-53032-2

Im Netz

 Commons: Tlatilco_culture – Sammlung vo Buidl, Videos und Audiodateien

• https://web.archive.org/web/20130523082807/http://archaeology.about.com/od/tterms/a/tlatilco.htm
• https://web.archive.org/web/20130801192355/http://www.indianerwww.de/indian/olmeken_tlatilco_chupicuaro.htm
• http://www.myloc.gov/Exhibitions/EarlyAmericas/AftermathoftheEncounter/DocumentingNewKnowledge/NaturalHistory/ExhibitObjects/TlatilcoVesselinFormofaRabbit.aspx?ImageId=@1@2Vorlage:Toter Link/www.myloc.gov (Seite nicht mehr abrufbar; Suche in Webarchiven) (A scheane Vasn, in da Fuam vo oan Hosn)