Trentino

Trentino, pa di taitschspråchign Nåchparn gelégntlich aa Welschtiról, isch oane va iber 100 Provinzn va Italien; Haupstådt isch Treant. Mit Sidtiról isch Trentino zu der autonómen Región (ital. regione autonoma) Trentino-Südtirol zsåmmgschlóssn. Pa a Flächn va 6219 Quadratkilometer håt’s runt a hålbe Millión Einwóhner.

Trentino isch 1815 zu Éstreich kémmen unt nåchn 1. Weltkriag zu Italien.

In Trentino håt’s taitsche Språchinslen gébm. Hait wert lei mehr in Lusern unt in Fersntål a taitscher Dialekt grédt. In Lusern rédt man zimbrisch unt in Fersntål (Bersntol) Bersntolerisch. Poade Muntårtn ghearn zu di poarischn Muntårtn. In Fassatål (ladinisch Fascia) rédt man Ladinisch, aa der Fleimsner Dialekt unt as Oanspergrische sein nåch der Ånsicht van a Toal Fåchlait ladinisch (Wås „ladinisch“ pedaitet, isch nét oandaitig definiĕrt).

Commons: Trentino – Buidl, Videos und/oda Audiodatein