Tschick

Aus Wikipedia
Wexln zua: Navigation, Suach
Zwa Tschick
Da Tschick: 1. Füta 2. Mundstickl 3. Zigrettnpapia 4. Tabak

A Tschick oda Zigrettn is a Papiareal, des wos mit drickatn, feingschnittanan Tabakbladdln gfuit is und fias Rauchn gmocht is. Zu den Zweck wiads an an End auzindt und am aundan End wiad da Rauch inhaliat. De meistn Tschick hom an Füta aun dem End vo dem inhaliat wiad. Tschick sogt ma owa ned nua, waun in dem Papiareal Tabak is sundan aa ba aundan Kraidln wia Cannabis.

Tschick bedeidt ned nua Zigrettn sundan a Zigarettnstumme und aa Kautabak. Zan Rauchn sogt ma Tschicken. Za stoakn Rauchan sogt ma aa Tschick. Za Kiffan dagegn sogt ma Tschicka.[1]

Wuatgschicht[VE | Weakln]

Tschick kummt vom italienischen cicca (sog: tschicka), des wos Zigarettnstumme haßt. Zigrettn kummt ausn franzesischn cigarette, des wos de Vaklaanarungafuam vo Zigarrn is.

Gschicht[VE | Weakln]

Des Tabakrauchn is vo Amerkia noch Eiropa kumma. Mittlamerikanische Indiana hom Tabak in Gugaruzpapia eigroit graucht. De spanischn Kolonisatorn hom des gseng und ibanumma. 1586 is des Tabakrauchn in England eigfiaht wuan und hod si iwa Holland in gaunz Eiropa ausbradt. Tabak is vuahea vua oim gschnupft wuan-

Tschick san um 1850 zum easchtn Moi in Zigarrnfabrikn in Frankreich und Spanien aus Tabakrestln produziat wuan. De Restln san gsaumet und in Papia gwicklt wuan und vua oim vo de Orwatarinnen in de Fabrikn graucht wuan, weis vü preisweata woan ois de Zigarrn.

Tschick in da Kunst[VE | Weakln]

Georg Danzer - Der Tschick

Auszug aus Weanaliad (Austropop)

Zah ausse de Dreia und gib ma a Feia,
i brauch a Spü
mi kon kana rettn,
i rauch stotn betn,
vurm schlofn geh

....a so a Tschick
hot a gressares Glick
wia unsa ana
weu uns braucht kana

Georg Danzer - I Wü No Ned Hamgeh

Auszug aus Weanaliad (Austropop)

oida, geh host no an tschick, mia sans ausgaunga
jo, iwaß eh, olle aundarn san z'hausganga
du hasd leicht redn, du waßt ned wia laa
so a zimma sei kau in da frua uma zwa
sei doch a mensch, i bin doch ka hund
und fia mein zuaschdaund gibts leida ka schberrstund
i wa jezd a liaba aundaswo, kaunsd mas glaum, ned do

Beleg[VE | Weakln]

  1. Tschick ba ostarrichi.org

Im Netz[VE | Weakln]

 Commons: Zigarette – Oibum mit Buidl, Videos und Audiodateien
Erste hilfe.svg Bittschee in Hiweis zu de Gsundheitsthemen beochtn! Erste hilfe.svg