Vaeinigte Staatn

Aus Wikipedia

Vaeinigte Staatn vo Amerika United States of America
(Details) (Details)
Woihspruch: e pluribus unum (aus vielen eines) In God We Trust (Auf Gott vertrauen wir, ab 1956)
Åmtssproch	keine Sprache als Amtssprache benannt, de facto Englisch
Hauptstod	Washington, D.C.
Stootsform	Präsidiale Bundesrepublik
Stootsobahaupt und Regiarungsschef	Barack Obama
Flächn	9.631.418 km²
Eiwohnazoi	300.888.812[1] (1. Januar 2007)
Beväikarungsdichtn	31 Eiwohna pro km²
BIP	$13.487,2 Mrd (1.) (4. Quartal 2006)
BIP/Eiwohna	$44.825 (8.) (4. Quartal 2006)
Währung	1 Dollar (USD, $) = 100 Cents (¢)
Gründung	1787/89 (Verfassung)
Unobhängigkeit	4. Juli 1776 (von Großbritannien)
Nazionalhymne	The Star-Spangled Banner
Nazionalfeiatog	4. Juli
Zeitzone	UTC-5 bis UTC-10
Kfz-Kennzeichn	USA
Internet-TLD	.us, .gov, .mil, .edu
Telefonvorwoi	+1

De Vaeinigtn Staatn vo Amerika (engl. United States of America, kurz USA), in amtlicha Kuazform Vaeinigte Staatn (engl. United States, kurz U.S.), umgangssprochli aa Amerika (engl. America), san a Bundesrepublik in Nordamerika, de 50 Bundesstaatn umfosst. Mit'n Bundesstaat Hawaii und kloanan Außenregionen homs aa an Otei vo Ozeanien.

S'Land umfosst etwa 40 Prozent vo Nordamerika und is flächnmäßig nach Russland und Kanada da drittgresste Staat vo da Wäid.

De Vaeinigtn Staatn san aus dreizehn britischn Kolonien entstandn, de si 1776 vom Muattaland Großbritannien unabhängig erkläat hom. Durch stete Eiwanderung aus Eiropa, territoriale Expansion nach Westn und Industrialisierung hod de USA im 19. Jh. schnäi an wäidpolitischn Einfluss griagt.

Am Ende vum 20. Jh. worn de Vaeinigtn Staatn nach an Sieg iban Faschismus in Europa und an Zafoi vo da Sowjetunion de oanzige ibrigbliebane Supamacht.

Inhoitsvazeichnis 1 Eadkunde 1.1 Bundesstaatn 2 Beväikarung 3 Wirtschafd 4 Bekannte Städte 5 Gschicht vo Amerika 5.1 Vo da Kolonialisierung zua Unabhängigkeit 5.2 11. September 2001 6 Fuassnotn 7 Drucksochn 7.1 Externe Links

[dro werkln] Eadkunde

[dro werkln] Bundesstaatn

De Vaeinigtn Staatn bestengan aus 50 Bundesstaatn. Alaska und Hawaii und de politisch ogschlossenan Außngebiete (zum Beispui Puerto Rico und Guam) liegn außahoib vom Kernland (continental U. S.) liegn.

S'Kernland umfosst 48 vo de 50 Bundesstaatn sowia an District of Columbia (Bundesdistrikt), de innahoib vo ana gemeinsamen Grenz liegn (sog. „lower 48“). Es liegt zwischn an 24. und 49. neadlichn Breitngrad und zwischn an 68. und 125. westlichn Längengrad und is in via Zeitzonen einteit. Im Norden grenzt s'Kernland af ana Läng vo rund 6.000 km an Kanada, im Südn an Mexiko und an Golf von Mexiko.

Im Joah 1959 san aa de pazifische Inslgruppn Hawaii sowia s'nordwestlich glegane Alaska, dees iaba de 100 km broade Beringstraßn an Russland grenzt, ois Bundesstaatn Tei vo de Vaeinigtn Staatn worn. Im Ostn liegt da Atlantische Ozean und im Westn da Pazifische Ozean. Die Nord-Siad-Ausdehnung is ungefäah 2500 km. Zwischn Atlantik und Pazifik liegn rund 4500 km.

[dro werkln] Beväikarung

D' USA san oane der multikulturellsten Staatn da Wäid, wos se a in da Untaschiedlikeit vo da Abstommung vo de Bewohner zoagt. Ois klassischa Einwanderungsstaat san fost olle Leit durt aus fremdn Staatn zuagroast, mit Ausnahme vo de Ureiwohner (de Indiana), und a heite no san de USA a beliebtes Zui fir Emigrantn.

[dro werkln] Wirtschafd

De Voikswirtschafd vo d'USA is die greßte der Wäid und a vom Pro-Kopf-Einkommn g'heren die USA zu den Spitzenreiter. De USA hom a greßtenteils freie Morktwirtschoft und vü Unternehmen aus de USA san wödweit aktiv. As BIP-Wachstum betrogt 2,9%, de Inflationsrotn 4% un de Orbeitslosnrotn etwa 5%. Es wird gschätzt dass ungefähr 12% vo der Bevölkerung unter da Armutsgrenzen lem. Da Dienstleistungssektor mocht 67,8% vom gesamten BIP aus. 32% mocht da industrielle Sektor und weniger als 1% der londwirtschoftliche. De Verkaufs-, Finanz- und Versicherungsbranchen san de greßten Wirtschoftsfelder. D'USA san Importwödmeister und exportieren am drittmeisten auf der gonzen Wöd.

[dro werkln] Bekannte Städte

Washington D.C. New York City Los Angeles Chicago Houston

Philadelphia San Francisco Miami San Antonio Dallas

Orlando New Orleans Las Vegas Sacramento Boston

Salt Lake City Seattle Kansas City Atlanta Charlotte

Honolulu Fresno Carson City Oklahoma City Buffalo

Pittsburgh Clearwater Tampa West Palm Beach Key West

[dro werkln] Gschicht vo Amerika

[dro werkln] Vo da Kolonialisierung zua Unabhängigkeit

As Gbiet vo de heitign USA is vor Jahrtausnde durch'd Vorgänga vo de spätan Indianastämm bsiedelt worn. D'Gschichtsschreibung håd erst mit da Okunft vo de eiropäischen Siedler im 16.Jahrhundat ogfanga. D'erste eiropäische Siedlung afm heiting US-Gebiet is 1565 vo de Spania in St. Augustine, Florida gründ worn. D'politische Gschicht vo de USA hat alladings erscht mit de 13 Kolonien vo de Englända und da Bsiedlung na da Gründung vo Jamestown, Virginia im Jahr 1607 ogfangt. A d'Ankunft vo da Mayflower in Plymouth Colony (späta mit da Massachusetts Bay Colony zu Massachusetts zammgfügt) im Jahr 1620 gilt als wichtigs symbolischs Datum. Schwedsche Kolonien an da Delaware-Bucht und niedaländische Siedlungen um New York (damals Nieuw Amsterdam) waren hingeng ned vo Daua oda san vo de Englända eignumma worn.

[dro werkln] 11. September 2001

• Terroranschläg am 11. September 2001

[dro werkln] Fuassnotn

1. ↑ Offizieller Schätzwert gemäß Medienmitteilung der US-Zensusbehörde vom 28. Dezember 2006. Siehe auch die laufende Bevölkerungsschätzung auf http://www.census.gov/population/www/popclockus.html.

[dro werkln] Drucksochn

• Jürgen Heideking: Geschichte der USA. A. Francke Verlag, Tübingen 2003, ISBN 3-8252-1938-0
• Peter Lösche (Hg.): Länderbericht USA – Geschichte, Politik, Wirtschaft, Gesellschaft, Kultur. Bundeszentrale fir politische Buidung, Bonn 2004, ISBN 3-893-31485-7.
• Außenpolitik der USA Aus Politik und Zeitgeschichte Heft 14/2006 v. 3.4.2006. ISSN 479-611x - Online-Version
• Martin W. Sandler: Amerika (OT: America: A Celebration!). Coventgarden (Dorling Kindersley), Minga 2001, ISBN 3-8310-9000-9.
• Klaus Schwabe: Weltmacht und Weltordnung. Amerikanische Außenpolitik von 1898 bis zur Gegenwart. Schöningh Verlag, Paderborn 2006.

[dro werkln] Externe Links

• Diplomatische Vatretungen vo de Vaeinigtn Staatn in Deitschland
• Lända- und Reiseinformationen vom Auswärtign Amt vo Deitschland
• Statistitisches Bundesamt: Ländaprofui 2006
• Bundeszentrale für politische Bildung, Heft 268: USA – Geschichte, Wirtschaft, Gesellschaft
• Intaaktive Koartn vo de Sprochn in de Vaeinigtn Staatn