Verdon

Der Artike is im Dialekt: Pongaurisch gschrim woun, waiders beschraib a'n Fluss Verdon. Za da glaichnoming Gmoa schau auf Verdon (Dordogne).

Verdon
D' Verdonschlucht
Datn
Log	Seeoipm, Frånkraich
Läng	166
Quäin	Nähe des Col d’Allos
Häh vo da Quäin	2500
Mindung	bai Vinon-sur-Verdon in d' Durance
Häh vo da Mindung	260
Eizugsgebiet	2770

Da Verdon (im Mittloiter Virdones) is a Fluss in Frankraich. Er entspring in da Nachn vom Col d’Allos im Département Alpes-de-Haute-Provence und mindt nouch 166 km bai Vinon-sur-Verdon in d' Durance. Im untern Valaaf bijdt da Fluss in waide Toain vo saim Valaaf d' Grenz zwischn de Départements Alpes-de-Haute-Provence und Var.

Im Valaaf vom Verdon sand zwischn 1923 und 1975 insgsomt fimf Toisperrn am Lac de Castillon, Lac de Chaudanne, Lac de Sainte-Croix, Retenue de Quinson, und Lac de Esparron, nid zur zan Zweck vo da Energierzoiging darichtt woun. Da bekonnaste und da grässt Staussee befindt se hinter ner zwischn 1971 und 1974 dabaudn Staumauer sidlich vo Sainte-Croix-du-Verdon. Da durch d' Aufstauung entstondane Lac de Sainte-Croix bedeckt a Flächn vo 21,80 km² und nimmt bis za 761 Millionen m³ Wosser auf.

Da londschoftlich schänste Ouschnitt befindt se zwischn da Stoud Castellane und'm Lac de Sainte-Croix. Durtn bijdt a auf 21 km Läng d' Verdonschlucht (Gorge du Verdon, Grand Canyon du Verdon), oane vo de gwoitigstn und aidruckvoistn Schluchtn vo Airopa. Da späktakulärste Toae vo da Schlucht beglaitt, zan Toae auf hächerner Ewane durch d' Schlucht corniche sublime bzw. auf d' Hächnloung, a Strouss. Es gib auf dera Streckn oiwai wider an Etler schäne Ouschnitt mid tiafe Aiblick in und iwers Toi, ower nur a pou Mäglichkaitn ou zan staing. Im Canyon ko ma guad Wijdwosserpaddln, Fraiklettern (Freeclimbing) und Dalebniswondarungen mochn. In Frankraich soi de Kletterstij-Kuitur ois oier erschts an Fuass gfosst hom.

Im Netz

 Commons: Verdon – Oibum mit Buidl, Videos und Audiodateien