Villa rustica

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.

Villa rustica (Pluaral villae rusticae) hoast ma auf Latain a Laundhaus oda s Haupthaus fu ana gressan Laundwiatschoft. Im römischn Raich woan de Villae rusticae da Mitlbunkt fu am Latifundium, oiso am laundwiatschoftlichn Grosgrundbsiz, dea aus am Haupthaus beschdaundn hod und mearane Wiatschoftsbautn wia Schdodl, Droadlkostn, Schoi und maistns sogoa a Bod, de inahoib fu am gmauatn Hof gleng san. In de römischn Brovinzn woan de Villae rusticae fia d Noarungsmitlbrodukzion zuaschdendi.

Bauwais und Inventar[VE | Weakln]

Datei:Schema Villa Rustiumajpg
Isometrische sicht fu ana Poatikusvilla mid Ekrisalitn
Frontalsicht fu ana Poatikusvilla mid Ekrisalitn
Schematische Skizn fu ana Villa urbana
Gesamtansicht vo da Villa Rustica in Nördlingen-Holheim. 1: Haupthaus; 2: ghoazdes Bod; 3–7: Wiatschoftbautn; 8: Hofmaua; 9: Verbindungsmaua.

In Italien hod s Haupthaus fu ana Villa rustica maisdns an grossn Inenhof ghobt, um den rundumadum de Wiatschoftbautn gschdaundn san. S oft zwoa-etaschige Haus fia de Laid zan wona woa maisdns auf da nöadlichn Hofsaitn. In de galischn und geamanischn Brovinzn woa s Haupthaus oft im Stil fu ana Poatikusvilla: Doat bschded d Foadasaitn aus de Ekrisaliten und am Poatikus dazwischn, oiso ana ofanen Sailnhale. D Won- und Oawadskauman fum Haushean und saina Familia grenzn diarekt an dn Poatikus draun.

D Villae rusticae haum maistns ghoazde Bodezima ghobt oda a aigens Bodhaisl, oft woan a oazöne Zima iwa a Fuasbonhaizung (Hypokaustn) zan hoazn. Fost oiwai haum s a an Køla ghobt, dea entweda ois Schbais und Foarodskauma fawent woan is, oda ois Haushailigtum mid am Altar fia de Larn und aundane Schuzgodhaidn.

Laundwiatschoft[VE | Weakln]

Da Haushea (dominus) fu ana Villa rustica woa oft a bensioniada Soidod, dea sai Milideazaid odeant ghobt hod und in da jewailing Brovinz in de lokale Infrastruktua integriad woa, zu da Fasoagung fu ana Schdod oda ana Milideagarnision, de in da Umgebung gleng is. Waun auf ana Villa rustica im Duachschnid 50 Laid und Oawadsgreft glebt haum, daun haum de so fü Lemsmitl broduzian kina, dass nu fia ungefea 20 Laid in da Schdod oda 20 Soidodn in ana Garnision gnua gwen is. Bsondas efizient woan de domolign Aunbaumetodn nemli nu ned. Aus dem kau ma zan Baischbü ausrechna, das a Grosschdod wia Carnuntum mid 40.000 Bewona und doat schdazioniade Soidodn ungefea 2.000 Villae rustica braucht hod fia de Fasoagung mid Lemsmitl. A waun dazua natiali a de Fasoagung iwa waidan Haundl und Fischarai megli woa und so a Entlostung fia de Bauan fu da Umgebung bedait hod. S Laund und de Okaflechn, wos de 100.000 Bauan zua Fasoagung braucht haum woa auf jedn Foi gschaid gros. Oloa an dea Rechnung siagt ma, dass a in da Gegend fum Donaulimes nu an Haufn römische Laundhaisa zan findn gem muas, de bis jez nu ned archeologisch ausgrom woan san.

A Villa rustica hod iare Woan ungefea bis 50 km Entfeanung in d negsde Schdod glifat und zwoa am liabstn iwan Wossaweg auf an Flus, waun des megli woa oda auf de römischn Schdrossn. D Bewiatschoftung hod entweda da Haushea søwa iwawocht oda ea hod an Fawoita aigschdöd, dea je noch Weda und Joareszaid d auschdeade Oawad auf d Laundoawata fadaild hod. Des woan entweda Sklafn ('servus / servi), frai glossane oda Fraie (liberius / liberii).

Schau domois haum se de Villa rusticae an de Eafoadanis fum iwaregionaln Moak im römischn Raich aubassn miassn und haum bai beschdimte Brodukte ned neta fian lokaln Moak broduziad. So san zan Baischbü de Bauan in Italien in Konkuarenz zu de Broduzentn in de Brovinzn gschdaundn. De Hispania Tarraconensis und Galien woan bekaunt fia eanan Expoat fu Wai und Ö. Aussadem hod s in Galien a fü Lampiwiatschoft gem und daduach a grosse Brodukzion fu Dexdilien aus Woi, Kas und Bökiflaisch. Egiptn (Aegyptus) und aundane afrikanische Brovinzn woan de grossn Droadbroduzentn fum Römischn Raich. Ma woas zan Baischbü a, das Olifnö ausn Mitlmearaum noch Noricum expoatiad woan is.

Sondafoam villa urbana[VE | Weakln]

Es hod am Laund owa ned neta Laundgüta gem, de gaunz auf meglichst efiziente laundwiatschoftliche Brodukzion ausglegt woan, sondan a luxoariöse Laundhaisa fia Senatoan und aundane wichdige politische Aumtsdrega. De haum auf soichane Laundhaisa in Soma fabrocht und desweng untaschaidn si de Haisa fu de rain wiatschoftlichn Villae rustiuma Ma hoasts desweng a Villae urbanae, wais mea wia a komfoatables Schdodhaus baud woan.

D Geamanen auf de römischn Hef[VE | Weakln]

Am End fum Römisch Raich is de Befökarung in de Grenzbrovinz duch Geamanenainfele weniga woan und fü Villae rustica han neama benuzt woan und fafoin. Schau im 3. Joahundat han de Alemanen iwan retischn und owageamanischn Limes driwa und haum si in de Agri Decumates nida lossn. Doat is de Benuzung fu römische Laundhaisa archeologisch oft schwa zan nochwaisn. In aundane Gegendn haum de Geamanen schnö d römische Lemsoat augnuma und ma kau archeologisch ned so laicht zwischn ana römischn und ana geamanischn Benuzung fu de Villae rusticae untaschaidn. An da Donaugrenz und im Foaoipnlaund woa owa de Gegend so dicht bewoidet, das si de Geamanen maistns bai ehemolige römische Launhaisa aiquartiad haum, wai doat schau grodets Okalaund foahaundn gwen is. In Bayern und Esdaraich hod ma desweng bai fost jeda gressan Bajuwarn-Sidlung a römische Villa rustica danem gfundn, zan Baischbü in Waging am Se und in Schdraubing. Im Südwestn fu Daidschlaund hod ma neta bai da Villa Rustica fu Wrumlingen a sekundeare Nuzung fu da römischn Bausubstanz duach Geamanen nochwaisn kina.

Villae Rusticae in Bayern und Esdaraich[VE | Weakln]

Datei:Villarustiumajpg
Villa Rustica in Löfiboch in da Schdaiamoak
  • Villa Rustica in Meknlohe im Oidmüdoi [1]
  • Villa Rustica Etting IV und V, bai Ingolstadt [2]
  • Villa Rustica in Niadandoaf, Laundgrais Fraising [3]
  • Villa Rustica fu Schdraubin-Oibuag [4]
  • Villa Rustica fu Buagwainting bai Rengschbuag [5]
  • Villa Rustica Laidschdedn bai Schdarnbeag [6]
  • Villa Rustica Wernhardsberg/Rosnhaum [7]
  • Villa Rustica Marzoll, Raichahoi [8]
  • Villa Rustica Waging am Se [9]
  • Villa Rustica Erlstätt I/Traunstein [10]
  • Villa Rustica bai Doihaum in da Gmoa Wilhearing in Owaedaraich [11]
  • Villa Rustica fu Oidhaum-Wonghaum in Owaedaraich
  • Villa Rustica fu Oidhaum-Simetsbeag in Owaedaraich [12]
  • Villa Rustica bai Fraindoaf, südlich fu Tuln in Nidaesdaraich [13]
  • Villa Rustica in Löfiboch, Beziak Hartbeag in da Schdaiamoak [14]
  • Villa Rustica Elling, bai Moosdoaf, Bezaik Braunau, Owaesdaraich [15]
  • Villa Rustica Kraiwiesen Eugendorf, im soizbuaga Flochgau
  • Villa Rustica Hoiwaung, Soizbuag [16]
  • Villa Rustica Lesendorf, in Owalienz in Ostdiaroi [17]
  • Villa Rustica Nussdoaf-Debant in Ostdiaroi, s "Zwergengebäude" [18]
  • Villa Rustica Kaltern I, Caldaro/Kaltern baim Kaltarase in Siddiaroi [19]
  • Villa Rustica Rankweil-Brederis in Foararlbeag [20]
  • Villa Rustica fu Niklsdoaf im Buagnlaund [21]
  • Villa Rustica fu Halbturn im Buagnlaund [22]

Beleg[VE | Weakln]

  1. Villa Rustica in Möckenlohe im Naturpark Altmühltal
  2. Archäologie Aktuell - Entdeckungen und neue Funde aus der Region Ingolstadt [1]
  3. Römische Villa rustica in Mauan/Niadandoaf
  4. Der römische Gutshof (villa rustica) von Straubing–Alburg
  5. Villa Rustica von Burgweinting
  6. Villa Rustica Leutstetten, 82319 Starnberg
  7. Der Via-Julia-Radweg durch das ehemalige Pons Aeni
  8. Marzoll, Bad Reihenhall
  9. Waging I - Villa Rustica
  10. Erlstätt I, Traunstein, Bayern
  11. AIS-OOE - Wilhering - villa rustica -Thalham
  12. Nihil est agri cultura melius..
  13. Ein völkerwanderungszeitliches Kriegergrab aus Freundorf, Tulln [2]
  14. Villa rustica Hartberg Museen/Historisches Tiscover
  15. Bundesdenkmalamt, Denkmale in Oberösterreich
  16. Führung „römisches Hallwang“ mit Dr. Peter HÖGLINGER und Mag. Ulli HAMPEL [3]
  17. Gmoa Oberlienz, 30 m langes Gebäude mit ausgedehnter Heizungsnanlage
  18. Archäologische Forschungen in Nußdorf-Debant
  19. Kaltern I, Bozen, Südtirol
  20. Freilichtmuseum "Römervilla" 6830 Rankweil-Brederis
  21. Zwei römische Ochsenskelette aus der Villa rustica von Nickelsdorf
  22. VIAS - Vienna Institiute for Archaeological Science
  • Villae Rusticae in Daidschlaund - Linklistn
  • John T. Smith: Roman Villas. A Study in Social Structure. Routledge, London, 1997. ISBN 0-415-16719-1
  • John Percival: The Roman Villa. A Historical Introduction. Batsford, London, 1988 (Paperback).
  • Helmut Bender, Hartmut Wolff (Hrsg.): Ländliche Besiedlung und Landwirtschaft in den Rhein-Donau-Provinzen des Römischen Reiches. Passauer Universitätsschriften Band 2. Leidorf, Espelkamp, 1994.