Vim
| Der Artikl is im Dialekt Obaboarisch gschrim worn. |
| Vim | |
|---|---|
 |
|
| Entwickla: | Bram Moolenaar und andere |
| Neieste Version: | 7.3 Patch 3 (15. August 2010) |
| Betriebssystem: | Windows, Linux, Mac OS, Amiga u.v.m. |
| Kategorie: | Texteditor |
| Lizenz: | GPL-kompatibel (Charityware) |
| Deitsch: | teiweis |
| Netzseitn: | www.vim.org |
Vim is a Weidaentwicklung vom Texteditor vi. Des freie Open-Source-Programm is 1991 vom Bram Moolenaar vaeffentlicht woan. Seitdem wead da Editor aktiv weidaentwicklt. Wia vi zeichnet si Vim duach seine vaschiedanen Betriebs-Modi aus, so dass de Befejseingob iwa Tastnkombinationen und grafische Obaflächn ausgfiat wean ko.
Inhoitsvazeichnis |
Vi IMproved[dro werkln]
Vim funktioniat wia da vi-Editor im Textmodus af jedn Terminal. Bedient wead Vim nua iwa de Tastatur. Des is historisch bedingt, wei in 1970a de serielle Vabindung zum Host sea langsam woa. Inzwischn gibts owa Weidaentwicklungen mit grafischa Nutzaschnittstej (GVim) sowia a vaoafochte Version fia Eisteiga (eVim). Aa a Maus wead scho untastitzt.
Vim ko af vuin Betriebssystemen gnutzt wean und is af fost jedn GNU/Linux-Rechner z findn. In d Regl wead beim Afruf vi unta Linux Vim iwa a Vaknipfung oda an Alias afgruafa. Wejcha vi-Oblega gstartet woan is, losst si im Kommando-Modus iwan Befej ':version' iwapriafn.
Versiona[dro werkln]
Zwischn de kloanan Versionsspring (zum Beispui vo Version 7.1 af Version 7.2) vagenga oft meara Monat, trotzdem wead Vim kontinuialich weidaentwicklt. De Vim-Nutzagmoa steiat foatlaffend kloand Vabessarungen in Foam vo Patches bei, wo nacha meamois im Monat in an Vim-Code eibaut wean.[1]
Versionsgschicht[dro werkln]
| Datum | Version | Ändarung |
|---|---|---|
| 1988 | 1.0 | Auf da Basis vo Stevie fian Amiga, ois Vi IMitation bezeichnet, owa nia vaeffentlicht |
| 2. Novemba, 1991 | 1.14[2] | Easchte Vaeffentlichung fian Amiga[3] |
| 1992 | 1.22[2] | Portiarung af Unix. Vim steht mit vi in Konkurrenz. Aus Vim wead Vi IMproved |
| 12. August 1994 | 3.0[2] | Untastitzung fia multiple Fensta |
| 29. Mai 1996 | 4.0[2][4] | Grafische Nutzaschittstej |
| 19 Feba 1998 | 5.0[2][5] | Syntax Heavoahebung, Basis-Skripts |
| 6. Aprui 1998 | 5.1 | Fehlabeseitigung, vaschiedane Vabessarungen |
| 27. Aprui 1998 | 5.2 | Longline-Untastitzung, Datein-Browser, Dialoge, Popup-Menü, Auswoimodus, Sitzungsdatein usw. |
| 31. August 1998 | 5.3 | Fehlabehebung, etc. |
| 25. Juli 1999 | 5.4 | Dateinvaschliesselung, vaschiedane Vabessarungen |
| 19. Septemba 1999 | 5.5 | Fehlabeseitigung, vaschiedane Vabessarungen |
| 16 Jenna 2000 | 5.6 | Neie Syntax-Datein, Fehlabeseitigung usw. |
| 24. Juni 2000 | 5.7 | dito |
| 31. Mai 2001 | 5.8 | dito |
| 26. Septemba 2001 | 6.0[2][6] | Zammafoitn, Plugins, Multiple Sprochn usw. |
| 24. März 2002 | 6.1 | Fehlabehebung |
| 1. Juni 2003 | 6.2 | GTK2, Untastitzung vo Arabisch, :try-Befehj, Fehlabehebung |
| 7. Juni 2004 | 6.3 | Fehlabehebung, Iwasetzungs-Updates usw. |
| 15. Oktoba 2005 | 6.4 | Fehlabehebung, Updates fia Perl, Python und Ruby Untastitzung |
| 7. Mai 2006 | 7.0 [7] | Rechtschreibprüfung, Autovavoiständign, Tab-Seitn usw. |
| 12. Mai 2007 | 7.1 | Fehlabehebung, neie Syntax- und Runtime-Datein usw.. |
| 9. August 2008 | 7.2 [8] | Gleitkomma-Untastitzung in Skriptn, Fehlabehebung, neie Syntaxdatein usw. |
| 15. August 2010 | 7.3 | Lua- und Python3-Untastitzung, Blowfish-Vaschlisselung, permanente Undo-/Redo-Funktion |
(A poa Zeitogom san Schätzungen,[9] Entwicklaversionen san ned ogfiat, und vui kloane Versionen san emfois no ned in da Listn enthoidn.)
Funktion[dro werkln]
Iwablick: Ausgwejte Eignschaftn und vi-Eaweidarungen[dro werkln]
- integriate Rechtschreibpriafung
- Wortvavoiständigung mit Dropdown-Menü
- Ooadnung vo Dateien in Tabs
- multiple Puffa- und Split-Screens, meara Editia-Fensta, aa vertikal
- Text-Formatiarunga und Visual Mode, zum Beispui mit Blockoperationen
- unbegrenzts Undo (zruck) und Redo (wiedaheastejn), aa wann Vim zwischenduach beendd woan is
- umfangreiche Runtime-Dateien (Huif- und iwa 200 Syntax-Datein)
- Syntaxheavoahebung obhängig vo da Programmiasproche fia rund 500 Sprochn/Dateitypn
- eigne Skriptsproch zua Funktions-Eaweidarung (analog zu Plug-ins)
- Komplettiarung vo Kommandos, Weatan oda Dateinama
- Editian vo Archivn (tar, gz/tgz, zip) und Vazeichnissn
- Auto-Kommandos
- Dateiformat-Eakennung und -Konvertiarung
- komfortabla History-Mechanismus fia Kommandos, Suachbegriff usw.
- Afzeichnung und Ausfiarung vo Makros
- Speichan und Ladn vo Sitzungseinstellunga
- optionale Integration vo Perl, Python, Lua, Ruby und Tcl
- Vaschlisselung mit am Blowfish-Algorithmus
- Untastitzung vo [bidirektionalm Text (unta andam Arabisch)
- automatischs und manuells Zammafoitn vo Texttein zua bessan Iwasicht
- optionale grafische Oberflächn in vaschiedanen Ausprägunga (GTK, Motif, …)
- umfangreich konfiguriaboa
- Vaberng vo Text
Eisteigafreindliche Version[dro werkln]
GVim[dro werkln]
Mit GVim hod Vim a grafische Oberflächn. Vim-Skriptn kenna trotzdem eibundn wean.
eVim[dro werkln]
eVim (kuaz fia easy Vim)[10] is a oafocha Modus, wo Vim betriem wean ko. Wead Vim in am Modus gstartet, so is sofoat da Einfige-Modus aktiv; a Befej ko nua iwa an speziejn Befejsmodus eigem wean. So ko Vim fost wiara ned-modala Editor vawendd wean.
Modi[dro werkln]
Vim is a modala Editor. Des hoasst, es ko in ganz vaschiedanen Modi gorbat wean. Es gibt sechs Grundmodi und fimf weidane Modi, de wo Variantn vo de Grundmodi san.[11]
- Normalmodus
- Eifigemodus
- Kommandozeinmodus
- Visuella Modus
- Auswoimodus
- Ex-Modus
Betriebssystem[dro werkln]
A Vortei vo Vim is, dass a af vui Betriebssystemen laffähig is. Des ist fia olle Nutza wichtig, de wo af mearan Plattforma orbatn. Da Editor lafft af: AmigaOS, Atari MiNT, BeOS, DOS, GNU/Linux, Mac OS, NeXTStep, OS/2, RISC OS, IRIX, Unix (vui vaschiedane, u. a. BSD, AIX und HP-UX), VMS, Win16 und Win32 (Windows ab Version 3.x).
Auszeichnung[dro werkln]
Vim woa Gwinna vom Readers’ Choice Awards[12] in da Kategorie Favorite Text Editor in de Joar 2001 bis 2005 und hod 2000 den Slashdot Beanie Award ois Best Open Source Text Editor sowia 1999 an Linuxworld Editors' Choice Award griagt. Im Mai 2008 hod Bram Moolenaar fia sei Vim-Orwad an NLUUG Award dahoidn, a Auszeichnung vo da holländischn Unix User Group.[13]
Lizenz[dro werkln]
Vim steht unta oana GPL-kompatiblen Charityware-Lizenz (charity, engl.: Nächstnliab). Des bedeudd, dass Vim frei vateit wean deaf, de Entwickla bittn owa um a Spendn fia Waisnkinda in Uganda duach des ICCF Holland.[14]
Entwickla und Gmoa[dro werkln]
Vim wead wead in easchta Linie vom Bram Moolenaar und oana Gmoa mit vuin Freiwuillign entwicklt. De Huifseitn vo da aktuejn Version nennt iwa 50 Mitwirkende beim Nama.[15] Es gibt a grosse Ozoi vo Hejfan, wo ned gnennt wean, owa fia Weidaentwicklung, Portiarung af andare Betriebssysteme, Fehlabehebung, Tests und Vabessarung vo da Dokumentation sorgn.
Beleg[dro werkln]
- ↑ Liste der Vim-Patches für Version 7.3
- ↑ 2,0 2,1 2,2 2,3 2,4 2,5 Moolenaar, Bram (2002-01-15). "Vim, an open-source text editor". http://www.free-soft.org/FSM/english/issue01/vim.html. Retrieved on 2005-10-24.
- ↑ Textfiles.com
- ↑ "Official Vim Manual, Version 4 summary". 2004-03-12. http://www.vim.org/htmldoc/version4.html. Retrieved on 2008-08-06.
- ↑ "Official Vim Manual, Version 5 summary". 2004-01-17. http://www.vim.org/htmldoc/version5.html. Retrieved on 2008-08-06.
- ↑ "Official Vim Manual, Version 6 summary". 2004-03-12. http://www.vim.org/htmldoc/version6.html. Retrieved on 2008-08-06.
- ↑ "Official Vim Manual, Version 7 summary". 2006-05-10. http://vimdoc.sourceforge.net/htmldoc/version7.html. Retrieved on 2008-08-06.
- ↑ Groups.google.com
- ↑ Dates were taken from the official Vim FTP site.
- ↑ Manpage zu eVim
- ↑ ':help vim-modes' in der Vim-Online-Dokumentation zu Version 7.0
- ↑ Linux Journal vom Dezemba 2004
- ↑ Bericht auf der NLUUG Website (auf Niederländisch)
- ↑ Internetpräsenz des ICCF Holland
- ↑ ':help credits' in der Onlinedokumentation zu Version 7.0
Literadua[dro werkln]
- Reinhard Wobst: vim 7 GE-PACKT: vi improved. mitp-Verlag , 3., aktualisiate Auflog. Bonn 2007. ISBN 978-3-8266-1781-2
- Steve Oualline: Vi IMproved – Vim. New Riders Publishing, Indianapolis 2001. ISBN 0-7357-1001-5, online (PDF, ca. 4 MB, englisch)
- Kim Schulz: Hacking Vim: A Cookbook to get the Most out of the Latest Vim Editor. Packt Publishing Limited, 2007. ISBN 978-1-84719-093-2
- Arnold Robbins, Linda Lamb und Elbert Hannah: Learning the vi and Vim Editors. O’Reilly Verlag, Juli 2008, ISBN 978-0-596-52983-3
Im Netz[dro werkln]
| Wikibooks: vi-Befehlsreferenz: Übersicht – eppas zum Lerna und Lehra. |
Commons: Vim – Sammlung vo Buidl, Videos und Audiodateien- Hoamseitn (englisch)
- Vim-Schnejiwasicht (PDF, ca. 100 kB)
- Vim-Kuazoleitung (PDF, 27 Seiten, ca. 740 kB)
- Sieben Angewohnheiten für das effektive Editieren von Textdateien vom Bram Moolenaar (PDF, ca. 140 kB)
- Videotutorien fir Vim
- Vimcasts
