Virserum
| Der Artikl is im Dialekt Weanarisch gschrim worn. |
| Virserum |
||||
|
||||
| Basisdatn | ||||
|---|---|---|---|---|
| Stoot: | Schwedn | |||
| Provinz (Län): | Kalmar län | |||
| Oide Provinz (Landskap): | Småland | |||
| Gmoa: | Hultsfred | |||
| Koordinatn: | 57° 19′ N, 15° 35′ OKoordinaten: 57° 19′ N, 15° 35′ O | |||
| Eiwohna: | 1.847 (31. Dezember 2005[1]) | |||
| Flächn: | 2,61 km² | |||
| Bevejkarungsdichtn: | 708 Eiw. pro km² | |||
Virserum is a Oat in da schwedischn Provinz "Kalmar län" und da Launschoft "Småland" (historische Provinz). De Oartschoft ghead zua Gmeinde Hultsfred.
Inhoitsvazeichnis |
[drå werkln] Gschicht
Da Naum Virserum kummt vo Widisrum (Woidlichtung) und is scho 1278 zum erschtn Moi urkundlich eawähnt woan.[2] De Gegend is owa scho vü friacha besiedld woan. In da Umgebung san stanzeitliche Gräba gfundn woan.
De Oatschoft woa laung da natialiche Moakt- und Haundlsplotz von dera Region. Zwischn 1880 und 1980 woa Virserum a Zentrum vo da schwedischn Möbeindustrie mit bis zu 40 Möbefabrikn. Heit erinnert nua no a bsundas Möbeindustrie-Museum an de Zeit. Des Museum is a origineugetreia und funktionsfähiga Nochbau vo ana Möbefabrik ausn Joa 1920.
Auf dena Seen außahoib vo Virserum hom si de letztn Kämpf vum Dacke-Aufstaund obspüt. Am Moaktplotz is 1956 deswegn a Nils Dacke Statue vum Arvid Källström aufgstöt woan, zum Aundenkn an an Widastaund gegan Gustav Vasa. De Legendn sogn, dass si da Nils Dacke zletzt in ana Höihn bei Virserum vasteckt hom soit.
[drå werkln] Eadkunde
Virserum liegt in Südschwedn im småländischn Hochland in ana Woid- und Seenlaundschoft am Ufa vum Virserum-See (Virserumssjön). Duachn Oat rinnt da Fluss Virserumsån, dea wos in an Virserum-See einegähd. In und um Virserum gibts zoireiche Natuareservate. Westlich vo da Oatschoft is des Natuaresawat "Länsmansängen" mit vün vaschiedanan Labbaam.
[drå werkln] Kultur
In Virserum gibts ans vo dena ungwehnlichstn Museen vo Schweden. De Kunsthoin (Virserums Konsthall) is gaunz aus Hoiz gmochd mit an transparentn Papiadoch. Do san Austöllungen vo schwedischn Künstlan, de des Voik einbeziagn soin. Söbsteakenntnis und Sobstvaständnis san de Hauptthemen vo dera Kunsthoin. Dazua gibts no a ständige Ausstöllung, de "Wesn vum Uawoid haßt" (Trolle, Kobolde etc.).
Da "Dackestop" is des Kultur- und Touristikzentrum vo dera Oatschoft. Oide Traditionen und Techniken wean do wiedabelebt. Des gaunze is a Parkaunloge in an ehemolign Industriegelände. Do gibts des Möbeindustriemuseum, a oids Sägeweak, a oide Schmiedn, de Kunsthoin, des Telemuseum und an Kunst- und Kunsthaundweaksverein "Stinsen".
