Vulkan Poás

Aus Wikipedia
Wexln zua: Navigation, Suach
Der Artikl is im Dialekt Hausrukfiatlarisch gschrim worn.
Vulkan Poás
Vulkan Poás

Vulkan Poás

Häh 2.754 m
Log Costa Rica
Gebiag Cordillera Central
Geographische Log 10° 12′ 0″ N, 84° 13′ 50″ W10.2-84.2305555555562754Koordinaten: 10° 12′ 0″ N, 84° 13′ 50″ W
[[Datei:Vorlog:Positionskarte Costa Rica|300x200px|center|Vulkan Poás (Vorlog:Positionskarte Costa Rica)]]
Vulkan Poás
Typ Stratovulkan (Schichtvulkan)
Lezde Eruption 2009
Bsundaheidn aktif

Da Vulkan Poás is a aktifa Stratovulkan in Costa Rica. Ea is 2.754 Meta hoch und in saim Krata, ned waid fum Gübfi hod a zwoa Sen in denan a recht a gifdige Saire drin is und de a gauns a diakisblaue Foab haum. Mid am duachschnidlichn pH-Weat fu wengia ois 1 ghean de Sen zu de sauasdn und boazadsn vulkanischn Kratasen iwahaupt auf da Wöd. Obwoi a oiwai wida aktif wiad is da Poás a wichidgs Tourisdn-Zü in Costa Rica, wai a ned waid fu da Hauptschdod San Jose weg is und wai a guad ausbaude Schdrossn fost bis zan Gübfi aufi ged. An saine fruchtboan Flankn wiad Kafe aubaud.

Eadbem im Jenna 2009[VE | Weakln]

Koatn fum Eadbem am Poás fum 8dn Jenna 2009

Am 8dn Jenna 2009 um 13:21 Oatszaid is baim Vulkan Poás a Eadbem ausbrocha mid ana Schdeakn fu 6,1 auf da Magnitudn-Skala. Gwogid hod de gaunze Gegend rund uman Vulkan und ma hods gschbiad bis noch San Jose und sogoa bis Nicaragua. Bai dem Eadbem han mindesdns 15 Laid gschdoam, de bai ana Muan faschit woan san, de an da Flankn fum Poás baim La Paz-Wossafoi ogaunga is und waidane 42 Laid wean nu famisst. 400 Laid, fu denan 300 auslendische Tourisdn, han duach de Zaschdearungen fu dem Eadbem fu da Aussnwöd ogschnin woan und desweng mid Hubschrauwa evakuiad woan. Nem deara Haungrutschung han foa oim Schdrossn und Haisa bschedigt woan, unta aundam a Schbidoi. Insgesaumt woan 42 Deafa bedroffn, dafau bsondas de Oatschoft Cinchona. In San Jose is duach des Eadbem zaidwais da Schdrom ausgfoin.

Hisdoarisch gseng keman soichane Unglik oiwai wida fia. Said'n 1828a Joa is da Poás insgesaumt 39 Moi ausbrocha und hod mearane soiche Eadbem ausglest.

Büda[VE | Weakln]