Walburgisnochd

Aus Wikipedia
(Weidagloadt vo Walburgisnocht)
Wexln zua: Navigation, Suach
Walburgisnochd z Heidelberg
Johann Heinrich Ramberg (1829) zan Faust I vom Goethe: „A bissl Diabeslust, a wengal Rammelei. So spukt ma s scho duach olle Glieda de herrliche Walburgisnochd.“

De Walburgisnochd oda Walpurgisnacht is a oids Fest, wo in da Nochd vom 30. Aprui, am Voromd zan 1. Mai, gfeiad wead. Es is a sog. Unruahnochd im Brauchdum. Do wean Hexnfeia symbolisch ozindt und so Geista vatriebm. Do wean hoamliche Liabschofdn afdeckt und unsympathischn Leidln Glumpad voa de Haustia glegd. Und do wead danzd und gsunga.

Da Nama kimmt vo da Hl. Walburga. Ia Fesddog wor im Middloida da 1. Mai. Vabundn wor des mitm oidn Brauchdum, in "Danz in en Mai". De Walburgisnochd wead bis heit, aa in da Stod, gfeiad. Da Nama Walpurgisnacht is duachn Faust (Tei I, 1808) vom Goethe populea gmochd worn. Es san oba aa scho friaare Beleg nochweisbor.

In Schweden und Finnland gibts zua Walburgisnochd de gresstn Studentnfestl vom ganzn Joar, z Vappu in Finnland und z Valborg in Schweden. Do wead ums Maifeia umadum gsprunga und danzt, vui gsunga, glocht und gsoffa.

Brauchdum[VE | Weakln]

  • Hexnfeia oda Maifeia: Es Feia, wo in da Walburgisnochd ozindt wead und um des gfeiad wead. Uaspringli woa da Sinn in da Geistavatreibung.
  • Maisprung: Wens Maifeia ziemli obrennd is, nacha springa Valiabte zamma duachs Feia, um eana Liab z festign.
  • Danz in an Mai: Des is a Tradition, de wo aa in da Stod pflegt wead.
  • Maibowle: Za de Maifestln wead gean de Maibowle drunga. Des is a Woidmoastabowle.
  • Maibaam: In da Walbirgisnochd wead da Maibaam gschlogn und es wead vasuachd eam zum Stejn.
  • Maibaamsinga: Beim Afstehn vom Maibaam wean oft Fruahoarsliada gsunga.

Galerie[VE | Weakln]

Im Netz[VE | Weakln]

 Commons: Walpurgisnacht – Sammlung vo Buidl, Videos und Audiodateien


Normdatn: GND: 4581377-2