Wougroa

Der Artikl is im Dialekt Pongaurisch gschrim worn.

Wougroa
Baasisdaaten
Bundeslond:	Soizburg
Pólitischer Bezirk:	Saiger Hons/Pongau (JO)
Flächen:	50,5589 km²
Kóordinaaten:	47° 20' N, 13° 18' O
Hejch:	838 m i. A.
Eihwóner:	3127 (15. Mai 2001)
Bevejkerrungsdichten:	62 Eihwóner pró km²
Póstloatzoi:	5602
Vurwoin:	0 6413
Gmoahkennziffer:	50 423
Gmoahvawoitung:	Gemeindeamt Markt 14 5602 Wagrain
Webseiten:	www.wagrain.salzburg.at
Politik
Burgermoaster:	Eugen Grader (ÖVP)
Gmoahrout: (2004)	3 SPÖ, 12 ÖVP, 4 FPÖ

Wougroa (iwerregionoi: Wogroa, Wograin, Hochdaitsch: Wagrain) is a Morktgmoand im Pongau im Bundeslond Soizburg.

Da Ort ligg im Schivabund Amadè, in oan vo d' grässtn Schigebiat in Esterraich. Im Mittloiter is d' Umgewung Bergbaugebiat gween. Durch'n Ort fliasst de Wougroaner Aachn (oder aa Kloaouler Bouch gnonnt).

Geografie

Wougroa ligg im Pongau za. 9 km ästlich vo Saiger Hons. Im Ortstoae Schwoaghof befindt se d' Wosserschain vo da Soizach und da Enns. De hächste Dahewung befindt se mid 2.037 m auf da Gouwe am siadlichn Gmoandrond.

Katastralgmoandn

De Gmoa setzt se aus d' foigaschtn Katastralgmoandn zomm:

• Wougroa (Wagrain)
• Hof (Hof)
• Hofmorkt (Hofmarkt)
• Schwoaghof (Schwaighof)
• Vurderkloaoul (Vorderkleinarl)
• Moarderfe (Moardörfl)
• Kirchbon (Kirchboden)
• Huabderfe (Hubdörfl)

Nouchbargmoandn

De Nouchbargmoandn vo Wougroa sand:

• Saiger Hons (za. 10 km)
• Flochau (za. 8 km)
• Kloaoul (za. 7 km)
• Hittau (koa Stroussnvabindung)

Nomansherkunft

Da Nom Wougroa setzt se aus d' boadn mittlhochdaitschn Wärschter "wac" (bewegts Wosser, Fluss) und "rein" (Roa, Wiasn, Hong) zomm. 1243 werscht an Soizburger Ortsnomansbuach "Wakrein" as erschtmoi urkundlich dawänt, umara 1350 "Wachrain" und 1382 "Wakchrain" gschrim. Unterm Aifluss vo da Schriftsprouch is's donn schliasslich za da haiding Schraibwais kemma.

Woppm

As Woppm vo da Gmoa is: "In Rod a goiderne Spitzn, in dera iwer natirlichm Wosser auf greanem Uafa a sijwerner Zinnturm mid an Tor und zwoo Fenstern stet."

Bemerknswerschte Bauwerk

• Gotische Pfoukirch mid Obauschtn aus da Zaid vo 1450 bzw. 1711. Hochoitou vo 1976 mid gotischer Madonna.
• Barocke Filialkirch Hailiger Franziskus (1616 baud)

Persänlichkaitn

• Mohr Joseph (1792-1848) Textdichter vom Waihnouchtslial Stille Nacht, heilige Nacht
• Korl Hainrich Woggerl (1897-1973) Esterraichischer Dichter
• Rouhmoser Lois (1939-2005) Da Grinder vom Unternehmen Atomic

Stéd und Gmoaner an Pongau

Bihófen | Dorfgouschtoah | Ém | Fijzmóos | Flochau | Forschtau | Goschtoah | Góidégg | Gróssourl | Hyttau | Hyttschloug | Hófgoschtoah | Kloahourl | Mijbouch | Oidenmorkt | Pfourwerfen | Rodstoud | Seiger Hóns | Seiger Méscht | Seiger Veit | Schwouschzach | Untertauern | Werfen | Werfenweng | Wougroah