Zaubawoid

Aus Wikipedia
Der Artikl is im Dialekt Obaboarisch gschriem worn.
Im Zaubawoid

Da Zaubawoid is a Landschaft im Berchtsgoana Land. Zum oan is a recht scheene Gegnd zum Wandan, zum andan is geologisch recht intressant, wei dea Woid auf am Schutthaffa steht, dea vor umadum 3500 Joar durch an Bergrutsch dastandn is. Da Zaubawoid schliaßt se an Hintasää o, dea Sää is durch den ganzn Schutt aufgstaut worn. In Zaubawoid eini kimmt ma vom Ort Hintasää, oda a vo Ramsau iabas Wirtshaus im Zaubawoid. S'Bsondane an dem Woid han de großn Felsbrockn, auf dene a oft Baam wachsn.

D'Ramsauer Achn


Koordinaten: 47° 36′ 25,2″ N, 12° 51′ 46,8″ O