Zejer See

Aus Wikipedia
Wexln zua: Navigation, Suach
Der Artikl is im Dialekt Pinz-/Pongaurisch gschrim worn.
Zejer See
Panoraama-Blick iwan Zejer See, August 2004
Panoraama-Blick iwan Zejer See, August 2004
Oigmoans
Geografische Loug: Soizburger Lond, Östareich
Zuafliss: Toamerschbouch
Oufliss: Toamerschbouch
Grässerne Städt am Uafer: Zej am See
Datn
Hächn iwern Meeresspiagl: 757
Flächn: 4,55 km²
Volumen: 0,1806 km³
Grässte Tiafm: 68 m
Bsunderhaitn:

Einzugsgebiet inkl. See: 54,7 km²

Da 3,8 km longe und bis za 1,5 km broade Zejer See, benonnt nouch'm Kurorscht Zej am See, liagg an Pinzgau im Bundeslond Soizburg, Östareich. Er is bis za 68 m tiaf und is am End vo da letzten Eiszeid, vur ebber 10.000 bis 16.000 Jour durch a vo de Eismassen vo da nerdlichen Glocknergruppm hervurgruaffane Ausschyrfung entstonden. Dia heidige Flechen vam See is a Iwableibsai va da ursprynglichen Wousserflechen, de wous ursprynglich an Norn bis auf Soifejn oiche greicht houd und im Sidn aa an Toae vam Soizachtoi ausgfijd houd.

Da See entwasserscht iwa an guad zwoa Kilomeeter longen Kanoi nouch Sidn in d'Soizach. Ebber zwoa Kilomeeter nerdlich vom Seeuafer trennt a nid auffejige Toiwosserschein an See vo da Soiach, de nerdlich fliassad erscht nouch ebber 80 Kilomeeter, unterhoib va Soizburg in d'Soizach myndt.

Fischoarten[VE | Weakln]

An Zejer See kemmand vij vaschiane Fischourten vir. Bekonnt is a vuroim fir seine Renken (Reinanken), Braxen, Rodaung, Zander und Barsch. An Zejer See gejtend dia Gsetz vam Soizburger Fischereivabond.

Im Netz[VE | Weakln]

 Commons: Zeller See (Salzburg) – Sammlung vo Buidl, Videos und Audiodateien