Zeus

Aus Wikipedia

Da Zeus woar fiar de Griechen dea Antike da obaste Gott, dea wo mit seine Mitgötter auf'm Olymp g'lebt und Nektar trunga hod. Ea heascht üwa de gsamte Weyd, de wo ea se vo seim oidn, dattrign Voda, am Kronos, dakämpft hod. Dea hod nämle olle seine G'schwisda noch eahna Gebuat mit Haud und Hor uwegschlunga, wei ea Schiss um sei Heaschaft g'habt hod (da Kronos hod nämle damois scho sein Voda, an Uranos, ausg'schmiat); da Zeus awa is vo seina Muadda, da Reah auf Kreta vasteckt woan, so dass ea se schbäda, ois ea a großer Lackl woar, an seim Vater hod rächa kenna.

Vaheirat is da freche Buarsch mit seina eignen Schwesta, da Hera, de wo vom Uranos zammad mit de andan wiada ausg'schbiem woan is, weil da Zeus ja de Raffarei g'wunna g'habt hod. Seine Briada hod'a aa belohnt, da Hades hod de Unterweyt und da Poseidon as Mea g'kriagt.

Sei Zeich'n is ned nua da Weihnachtsmobart, sondan aa oft da Blitz, den wo ea zwischn seine Grabbla hoit, um eahm auf d'Erdn z'schmeissn, wenn wea wos Bessas do hod oda eahm amoi wieda faad is. Außadem schleppt ea a Zepter, an Adler und an Heym mit se umanda.

Berihmt-berüchtigt is sei Haffa an Affärn, de wo er sowoi mit Monna ois aa mit Weiwa g'habt hod. Am B'kanntatsten is de G'schicht, wo ea si in an Ochs vawandelt, um a hibsch Madl, de Europa, zu entfiahn und eahnara Unschuid zu beraum. Dank eahm gibt's ned nua a Meng andana Götter, sondan aa no a ganze Reih vo Hoibgötta wia an Herkules. Da Hera gäht des freilich g'scheid auf'n Senkel.