Ziprofloxazin
Aus Wikipedia
| Der Artikl is im Dialekt Owaöstareichisch gschrim worn. |
| Struktafoami | |
|---|---|
 |
|
| Åigmeines | |
| Freinãm: | Ciprofloxacin |
| genaue chemische Bezeichnung: | 1-Cyclopropyl-6-fluoro-1,4- dihydro-4-oxo-7-(1-piperazinyl)- 3-chinolincarbonsäure |
| Summenfoami: | C17H18FN3O3 |
| CAS-Numma: | 85721-33-1 |
| ATC-Code: | |
| DrugBank: | APRD00424 |
| Kuazbeschreibung | schwåch göiba, puivaföamiga Feststoff[1] |
| Arzneistoffãngåm | |
| Wiakstoffklassn: | Antibiotikum |
| Wiakmechanismus: | Gyrasehemma |
| Fertigpräparate: | Ciprobay® |
| vaschreibungspflichtig: | jå |
| Eignschåften | |
| Molare Masse: | 331,34 g·mol−1 |
| Sichaheitshinweise | |
| Gfåahnstoffkennzeichnung [1] ka Gfåahnsümboi |
|
| R- und S-Sätze: | kane |
|
|
|
| LD50: | 122 mg·kg−1 (Maus i.v.) [1] |
| WGK | 2 (wåssagfäahdnd) [1] |
| Soweid's megli und gbräichli is, wean SI-Einheitn vawendt. Wãun's ned ãndas vameakt is, göitn de ãugemnen Datn bei Standardbedingungen. | |
Ziprofloxazin (aa Ciproflaxacin) is a Antibiotikum mid am großn Wirkungsspektrum, des aus da Gruppm vu de Fluorchinolone kimmd. De Substanz is 1981 vu da Firma Bayer entwückid im 83a-Joa patentiad woan. Seithea wiad's vu Bayer åis „Ciprobay®“ (Hãndlsnãm) vamåakt. Antibiotika vu dea Gruppm hemman d'Gyrasn vu Bakterien und damid aa eana Eabinfoamazions-Vavüivöitigung und eana Zöiteilung. Damid is s'Ziprofloxazin bakterizid, und zwåa voa åim geng gramnegative Keime.
S'Ziprofloxazin eignet si guat geng ålle bakterielle Errega vu am infektiösn Brechduachfåi. Außadem is's geng an Problemkeim Pseudomonas aeruginosa wiaksãm. Bei am vu Darmbakterien oda Pseudomonaden vauasåchtn Harnwegsinfekt güit's åis Reseaveantibiotikum. Weidane Ãuwendungsgebiete han Infektionen vu de Galln- und Atmwege, vu da Bauchhöhle und vu am Haufn ãndare Infekzionskrãngheitn aa, wãun si a entsprechnd empfindlicha Errega nåchweisn låsst. Ziprofloxazin is aa zua Behãndlung vum Müizbrãnd zuaglåssn. Wia aa ãndare modeane Chinolone kãu s'Ziprofloxazin nem Makrolidn und Rifampizin zua Behãndlung vu ana dauch Legionellen vauasåchtn Lungenentzündung eigsetzt wean.
De häifigstn Nemwiakungen (åwa unta 10 %) san Üwikeit, Duachfåi und Hautausschläg. Fluorchinolone hãm bei Vasuche mid junge Hund Knoapiwåchstumsstöarungen vauasåcht, weshåib ma's in da Schwãngaschåft, in da Stüizeid und bei Kinda ned eisetzn soitad. S'Ziprofloxazin is weng seina Wiaksãmkeid geng Pseudomonas åwa trotzdem zua Behãndlung vu Kinda åb 5 Joa zuaglåssn, wãun's a zystische Fibrosn mid akute Infekzionsschübe hãm, de duach Pseudomonas aeruginosa vauasåcht is. Weidare Nemwiakungen han Neuro- und Lewatoxizität und alleagische Reakzionen. Fluorchinolone kinan d'Wiaksãmkeit vu Empfängnisvahütungsmittl beeinträchting.
Seah söitn kãu's bei ålle Gyrasehemma – aa nåch kurzzeitiga Einnãhme – zum Riss vu ana großn Sehne, z. B. vu da Achillessehne kemma. Des kimmt eha bei åide Leid fia und bei Pazientn, die Kortikoide einehman. Eakläat wiad des mid ana stäakan Expression vu Matrixmetalloproteinasn, de d'Festigkeid vu de Sehnen vamindan.[2]
Ziprofloxazin wid zwoa Måi am Tåg eignumma, meistns åis Tablettn. A noamale Dosis is (je nåch Krãnkheitsbüid) 2×250 mg od 2×500 mg pro Tåg. Zum kaufn gibt's'is aa fia'd intravenöse Einnãhme oda fia'd öatliche äißere Ãnwendung (z. B. Oahntropfm).
[dro werkln] Aanzlnåchweis
- ↑ 1,0 1,1 1,2 1,3 Datnbladl fia Ciprofloxacin BioChemika, ≥98.0% (HPLC) – Sigma-Aldrich 20. Juli 2008
- ↑ Vyas H, Krishnaswamy G: Quinolone-associated rupture of the Achilles' tendon. New England Journal of Medicine 2007; 357 (20): 2067.
[dro werkln] Weblinks
- Herstellainfoamazionen
- Artikl in da „Zeitschrift für Chemotherapie“
- Abstract aus da Zeitschrift „Drugs“ auf da Internetseitn vum „National Center for Biotechnology Information“
 |
Bittschee den Hiweis zu de Gsundheitsthemen beochtn! | |
| Der Artike basiart aufara frain Iwersetzung vom söim Artike in da Wikipedia auf Daitsch. A Listn mid de durting Autorn kåst durtn åschaun. |
