Bad Birnbach

Bad Birnbach, bis 1987 Birnbach, is a Moarkt im niedaboarischn Landkroas Rottal-Inn und da Sitz vo da Vawoitungsgmoaschoft Bad Birnbach. Da Oat im niedaboarischn Bädadreieck is duach sei Thermalbod, de Rottal Terme, bekannt.

Geografie

De Oatschoft liegt a bissl aheat iba dem sanftn Toi vo da Rott in da Region Landsad etwoa 12 km eastle vo da Kroasstod Pfarrkirchen, 20 km westle vo Bocking (Bassa), 27 km südle vo Veizhof sowia 43 km vo Båssa entfernt.

Gmoasam mit Bod Füssing und Bad Griasboch im Rottoi buidt Bad Birnbach des Niedaboarische Bäderdreieck.

Gmoagliedarung

Schau aa: Systematische Gliedarung vo de Gmoateile vo Bad Birnbach

De Moarktgmoa hot 85 Gmoateile.

Nachboagmoa

Nachboagmoa san Bayerboch, Bad Griasboch im Rottoi, Egglham, Kößlarn und Pfarrkirchen.

Gschicht

Bis zum 19. Joahrhundat

Im Joahr 812 is Perinpah erstmois urkundle erwähnt worn, ois am 24. Juni vo dem Joahr de Ritta Ruman und Gerhart eahnane Besitzunga in Tuttinga und Perinpah dem Bischof vo Bassa geschenkt ham. Pforra Maximilian Harmann hot in am Beitrog in de Ostboarischn Grenzmoakn Perinpah mit Birnbach identifiziert.

Seit dem 9. Joahrhundat war Birnbach Pfoasitz mti ana großn Pfarreakonomie. Scho im 12. Joahrhundat is in Birnbach a Adlsgschlecht erwähnt. Vo 1241 bis 1248 war Albert Behaim Pforra in Birnbach. Seit dem 14. Joahrhundat war's a herzeaglichs Amt. Währand dem Boarischn Erbfoigekriag is dea Oat 1504 eigäschat worn. Donoch hot se des neie, im Kean noch heit erhoitane Birnbach entwicklt. 1673 is es zua gschlossna Hofmark Birnbach erhom worn. De 1483 erbaute spatgotische Kiach is 1675 niedabrennt, is aba boid drauf wiede aufbaut worn. Ihran Tuam hot so east 1828 bis 1831 erhoitn.

1677 hot Birnbach duach an Kurfiastlichn Gnadnbriaf erstmois des Recht, Märkte obzumhoit erhoitn. Im 19. Joahrhundat ham de Grafn vo Arco-Valley des mittloitaliche Guad unweit vo da Kiach erwoim und a große Brauarei aaf dem Grundstück vo dem oanstign Adlssitz baut. De Gräfliche Brauarei Arco-Alley besteht in Bad Birnbach no heit.

Mit de Vawoitungsrefoaman vo Graf vo Motgelas am Anfang vom 19. Joahrhundat san de Rechte vo de Märkte und Gmoa in Baiern weitgehend eigschränkt worn. Birnbach is erst infoige vom Zwoatn Boarischn Gmoaedikt vo 1818 wieda a soabstständige Gmoa worn.

20. Joahrhundat

1939 hot de Boarische Minaroiealindustrie AG bei Birnbach noch Eadea bohrt. Statt Erdea is ma aaf Thermalwassa gstossn. Aaf Vafügung vo da Reichsregiarung hot de Bohrung wieda zuagschütt wern miassn. East 1973 is eaneit noch dem Thermalwassa bohrt worn und am 21. Septemba 1973 hot ma in 1700 Meta Tiaf a Thermalquelln entdeckt. Am 23. Septemba hot ma des Wassa begutachtet, des se aaf ana Wiesn dampfnd in a Bodwanna ergossn hot. Dea 1973 gründte Zweckvaband Thermalbod Birbach hat den Entwicklung trong. 1974 erfoigte die Grundstoalegung fia a Kuamittlhaus, des dem Typ vom boarischn Viakanthof nochbuidt worn is. Vom Kuazentrum reimle trennt is neadle vo Birnbach da reine Urlaubsbereich entstandn.

Im Juli 1976 is des Thermoibod unta dem Nama Rottal Terme aeaffnet worn. 1979 foigte de stootliche Aneakennung vom Hauptoat Birnbach ois Erholungsoat und vo da Rottal Terme ois Heilquelln-Kuabetrieb. Am 11. Dezemba 1979 hot a Aweitarungsbau vo da Therme eaeaffnat wern kenna. Birnbach hot sei Ascheinungsbuid wesantle vaendat, es is a eigana Moaktplotz entstandn, umgem vo Gschäfta mit Arkadngäng, a neis Rathaus, Vakeahsamt und Postamt, Hotels, Bankn und Betriebe. 1984 is Birnbach zua Moaktgmoa ahom worn, 1987 is des Prädikat Bod valiehn worn.

Eingmeindunga

Am 1. Aprui 1971 is Birnbach um des Gebiet vo der bis dohi seabständign Gmoa Untertattnbach vagreaßat worn. Am 1. Januar 1972 is a Teil vo Kindlboch dazua kemma. Am 1. Juli 1972 is da Zammaschluss mit Asenham und Hirschboch erfoigt.

Eiwohnaentwichklung

Zwischn 1988 und 2018 is de Moakt vo 5079 aaf 5777 um 698 Eiwohna bzw. um 13,7 % gwachsn.