Beechvogl

Beechvogl (dt. Pechvogel, Unglücksrabe; engl. bad news bear, jinx) hoasst ma an Menschn, dea wo oamoi grod Beech ghobt hod. Owa aa säichane Leit, de wo imma wieda Unglick im Lem hom, de wo imma wieda in de Scheisse greifa.

Woatheakumft

Im Middloida hod ma Vegl oft mid Beech gfangt (in Sideiropa wead de makabre Fangmethodn teiweis heit no vawendd). Dozua hod ma voa oim Teeabeech, Baambeech oda Loam af Steggal (Loamruadn) oda Baamastln gschmiad, wo se nacha Vegl draf ghuggt hom und bigga bliem san. So a Vogl hod nacha echt Beech ghobt und is Beechvogl gnennt worn.

Ewige Beechvegl

Dena de wo imma wieda Beech in eanan Lem hom, fait oafoch a weng vo dem Glick, wo so a Glickskindl im Iwafluss hod.

Ewige Beechvegl, de wo si trotzdem ned untagriang lossn und wia a Stähafmandl imma wieda afstenga, vadeana Respekt und wiakn desweng oft sympathisch. Des siacht ma an so kuitign Comicfiguan wia Donald Duck und Charlie Brown. No doazua steckt in jedn Scheitan a Chancen, wia a oide kinäsisches Weisheit sogt und aa heitige Psychologn moana..

In da jiddischn Kuitua is da Schlemiel bzw. Schlemihl da sympathische, ewige Beechvogl und im Judndum da Hiob (Tanach bzw. Bibel).

Beechvegl in da Fiktion

• Donald Duck, de Antn im Matrosngwandl
• Peter Schlemihl (a Figua in: Adelbert von Chamisso, Peter Schlemihls wundersame Geschichte)
• Beechmarie (as faule Deandl in Frau Holle)
• Charlie Brown, vo de Peanuts Comix

Schau aa

• Beech (Begriffsklearung)