Boarischer Senat

Aus Wikipedia

Da Boarische Senat is noch da Boarischen Vafassung vo 1946 bis 1999 a zwoate Kammer nebam Boarischen Lantog gwen.

Gschicht[Werkeln | Am Gwëntext werkeln]

Mid da Boarischen Vafassung vo 1946 is im Abschnitt 3 aa da Senat ois zwoate Kammer in Bayern eigricht worn. Er hod de Vatretung da sozioin, wirtschoftlichn, kulturejn und gmoanlichn Kerperschaftn vo Bayern dastejn soin. Im Groußn und Ganzn hod er beratende Funktion in da Gsetzgebung vom Landtoig ghobt.

In de 1990er-Jar is in Bayern vej iber Birokratie dischkriern worn und so is a da Senat kritisiert worn. De ödp hod schließle 1997 a Voiksbegehrn Schlanker Staat ohne Senat durchgfihrt, wo 10,5% (927.047 Unterschriftn) da Leit se eintrong hom. Der danoch am 8. Feba 1998 foigende Voiksentscheid hod a klars Ergebnis gem: 69,2% hom fia de Abschaffung vom Senat gstimmt, 23,6% fia den Vorschlog vom Landtog, der wo vo da CSU trong war. S Boarische Vafassungsgricht hod a no driber bfinden miassn, das da Gsetzentwurf vom Voiksentscheid bassd. Danoch hod am 1. Jenna 2000 des Gsetz in Kraft tretn kina, wos de Auflesung vom Senat bedeit hod.

Zsammsetzung[Werkeln | Am Gwëntext werkeln]

Da Senat hod se aus gwejde Vatreter foigane Gruppn zsammgsetzt:

  • 11 Vatreter vo da Land- und Forstwirtschoft
  • 5 Vatreter vo Industrie und Handel
  • 5 Vatreter vom Handwerk
  • 11 Vatreter vo de Gwerkschoftn
  • 4 Vatreter vo de frein Beruf
  • 5 Vatreter vo de Gnossnschaftn
  • 5 Vatreter vo de Religionsgmoaschaftn (sand ernannt worn und ned gwejd)
  • 5 Vatreter vo Wohltätigkeitsorganisationen
  • 3 Vatreter vo Hochschuin und Akademien
  • 6 Vatreter vo de Gmoana und Gmoavabänd

Senator hod wern kina, wer a woifähiger Staatsbirger war und sein Vierzger vollendt hod. De Senatorn warn sechs Jar im Amt und hom wiedergwejd wern kina. Sie hom ned gleichzeite Landtogsabgeordneter sei derfa.

Presidenten[Werkeln | Am Gwëntext werkeln]

Im Netz[Werkeln | Am Gwëntext werkeln]

 Commons: Senat of Bavaria – Sammlung vo Buidl, Videos und Audiodateien