Metropolitanstod Mailand

Aus Wikipedia
Wexln zua: Navigation, Suach
Metropolitanstod Mailand
Wappen Lage innerhalb Italiens
Stoot: Italien
Region: Lombardei
Haptstod: Mailand
Fläch: 1.575 km²
Eihwohna: 3.208.509 (31. Dez. 2015)[1]
Dichtn: 2.037 Einwohner/km²
Oozoi Gmoana: 134
Kfz-Kennzoachn: MI
President: Giuliano Pisapia
Metropolitanbuagamoasta
Hoamseitn: www.cittametropolitana.milano.it
Giuliano Pisapia (2012)

De Metropolitanstod Mailand (Metropolitanstadt Mailand, italienisch: Città Metropolitana di Milano) is a Metropolitanstod in da italienischn Region Lombardei. Vawoitungssitz vo da Metropolitanstod is in da Stod Mailand.

De Metropolitanstod Mailand bsteht seitm 1. Jenna 2015 ois Rechtsnochfoagarin vo da Provinz Mailand (italienisch: Provincia di Milano).

Bedeitnde Orte san nem am Vawoitungssitz Mailand: Bollate, Cinisello Balsamo, Cologno Monzese, Legnano, Paderno Dugnano, Rho, Rozzano und Sesto San Giovanni.

Geografie[VE | Weakln]

De Metropolitanstod hod a Fläch vo 1575 km². Se umfosst 134 Gmoana und 3.208.509 Eihwohna (Stond: 31. Dezemba 2015). Mid da Grindung vo da Provinz Monza und Brianza im Joar 2004 hod de domolige Provinz Mailand 55 Gmoana und uma 850.000 Eihwohna valoan, im Dezemba 2009 weitane fimf Gmoana.

Greßte Gmoana[VE | Weakln]

(Stond: 31. Dezemba 2015)

Gmoa Eihwohna
Mailand 1.345.851
Sesto San Giovanni 81.608
Cinisello Balsamo 75.078
Legnano 60.262
Rho 50.434
Cologno Monzese 47.971
Paderno Dugnano 46.633
Rozzano 42.475
San Giuliano Milanese 38.226
Pioltello 36.912
Bollate 36.392
Segrate 35.037
Corsico 35.032
Cernusco sul Naviglio 33.436
Abbiategrasso 32.585
San Donato Milanese 32.492
Parabiago 27.692
Buccinasco 27.224
Garbagnate Milanese 27.175
Bresso 26.263
Lainate 25.708
Cesano Boscone 23.792
Magenta 23.654
Peschiera Borromeo 23.397
Senago 21.795
Trezzano sul Naviglio 20.790
Cornaredo 20.459
Gorgonzola 20.233
Cormano 20.118
Novate Milanese 20.065
Settimo Milanese 19.913
Arese 19.187
Cusano Milanino 18.886
Cassano d’Adda 18.880
Melzo 18.710
Melegnano 17.716
Nerviano 17.343
Bareggio 17.293
Pieve Emanuele 16.183

Gschicht[VE | Weakln]

1923 is de Beziaksebene entfoin und 1927 san aa de Greise obgschofft und im Gengzug etliche neie Provinzn buidt worn. Im Zug vo dera Reform hod de Provinz Mailand 37 Gmoana on de neie Provinz Varese valoan. 1992 is aus da Provinz Mailand de Provinz Lodi ausgliedat worn, 2004 de Provinz Monza und Brianza. Im Joar 2010 hod de Provinz Mailand iah 150-jährigs Bstehn ois Sejbstvawoitungsoagan gfeiat. Am 1. Jenna 2015 is aus da Provinz de Metropolitanstod Mailand entstondn.

Wiatschoft[VE | Weakln]

De Metropolitanstod Mailand is des wiatschoftli bedeitndste Zentrum vo Italien. Vo de 200 greßtn Untanehmen vom Lond hom meah ois de Hejft do iahn Sitz. Do findn se de moastn Valoge, Weabeagentuan, Moaktfoaschungsinstitute und Hondlsgsejschoftn vom Land. 1910 is in Mailand da Automobuiheasteja Alfa Romeo grindt worn (heit Tei vom Fiat-Konzern). A weitas wejdbekonnts Untanehmen is da Reifn- und Kabeheasteja Pirelli.

Beleg[VE | Weakln]

  1. Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2015.

Im Netz[VE | Weakln]

 Commons: Metropolitanstadt Mailand – Sammlung vo Buidl, Videos und Audiodateien