Dischkrian:Isar

Seiteninhalte werden in anderen Sprachen nicht unterstützt.
Aus Wikipedia

Intressante Redewendung[Am Gwëntext werkeln]

I hon im Isarartikl a neie Redewendung kennaglernt. Is "ab und diam" a Steigerung von "ob und zua" oda "diam", "adiam" und adiamoi? --62.158.97.8 16:06, 6. Sep. 2007 (CEST)[Antwort]

Des is mia so aus de Finga grutscht. Koa Ahnung, wo i des ursprünglich aufgschnappt hob. Sogseng is natürli fragwürdig, wia echt Isarwinklerisch des is. --Florian Schott 09:44, 7. Sep. 2007 (CEST)[Antwort]
Griaß Di Florian, host Du no aussagfundn ob "ab und diam" echt Isawinklerisch is? Sogn Deine Ejtern eher "adiam" oda "ob und diam"? I hon amoi in Dejz "adiam" oda "diam" gheart. So kenn is aa von dahoam, oba des muaß ja nix hoaßn ;) Wanns net Isarwinklerisch, Dejzerisch ... is, kannt ma's nacha in "adiam" oda "diam" umändern? Servus --Roland 00:01, 18. Sep. 2007 (CEST)[Antwort]
Dankschee fia dei Hartnäckigkeit, i werd's woi ganz umschreim. "Adiam" dad i säiba woi ned song, und ob mei "ab und diam" se nua irgndwie in meine Finger nei gschlicha hod, bin i ma a nimma so sicha. Trotzdem bleib i dabei (wia bei unsana langa Diandl-Diskussion) das des wos irngdwer schreibt aus Prinzip richtig is, wei unsa Sprach wos recht persönlichs is. Wenn i des wirklich säiba so sog (bin i mir in dem Foi jetzad nimma so sicha) is gültig, außa es vastößt gega fundamentale Regeln (wia des mid da erstn Vagangaheit, am Dativ usw.) S'macht glabe koan Sinn, des dann no irgndwia zum Belegn, das des wirklich in der Gegend so gsagt werd. Den Artikl hob i gschrim, oiso is des mei boarisch. Sogseng intressierts a ned ob meine Eltern des so song dadn. Wei a sonst is des do herin a moderns boarisch und zumindest i dads an Schmarrn findn, z'Vasuacha a oids "echts" boarisch zum dazwinga. No dazua geds in de Artikl (außa bei Artikl iaba Sproch) um an Inhoid und ned um'd Form/Sproch, in der a gschriem is. Aba da wern ma no efftas zamrumpln, und des is a guad so. Wei wenn ma so zruckschaugt han ma scho guad weidakemma, oda? Und da kehrn so Meinungsvaschiednheitn oafach dazua. --Florian Schott 11:05, 24. Sep. 2007 (CEST)[Antwort]
Naa, i bin aa net firs dazwinga von am oidn Boarisch. Zwegn meiner brauchst "adiam" net schreibm. I woit hoit nochforschn obs a bsundre dejza Form is oda ob ma des no "scheena" schreibm kannt. So wiast as ietz geändert host gfoits ma auf jedn Foi aa.
Du host scho recht, da Inhoit von de Artil is as wichtigste, oba d'Sproch kimmt fir mi glei danoch, sinscht kannt ma ja glei in da daitschn Wiki schreibm ;) --Roland 01:12, 25. Sep. 2007 (CEST)[Antwort]
Da Roland hod mi ja an mia säiba zweifln losn. Aba i hob jetzad jemand aus meina Gegend gfundn, de a "ab und diam" schreibt (Quoin is ihra Profil bei de Lokalisten). Da des Madl recht jung is, denk i moi des is eha a "moderns" boarisch. I kenn s' nur flüchtig, oiso hods es ned vo mir. In dem Artikl ända is jetzad nimma zruck. Aba i hobs in andane Artikl a gschrim, und do los is wias is. --Florian Schott 09:53, 15. Okt. 2007 (CEST)
Dankscheen firs nachforschn. Ietz waars no interessant wo se's herhot ;) Moderns boarisch heart se guat o, kon oba olles megliche sei "ab und monschmoi schreib i was. Nö, i woaß net. Ge, des ist scho gut. I weiss es net."... De Sprochn ändern se, oba wann olle Bruchsticke und Änderungen glei moderns boarisch san, na schaugts net guat aus. I glaab Du woaß wos i moan. I fir mi daat eher bei de Ejtern oda Groußejtern nochfrogn, de redn scho modern gnua ;) --Roland 02:14, 16. Okt. 2007 (CEST)

I schaug grod, daß i wos rausfind, warum de Isar grea is. D'Farb vo Flüssn is do recht heftig umstrittn: http://www.wasser.de/aktuell/forum/index.pl?job=thema&tnr=100000000001081 Woas vialeicht jemand wos fundierters? --Florian Schott 10:24, 2. Okt. 2007 (CEST)

Externe Links gendad[Am Gwëntext werkeln]

Griass enk Autorn,

I ho 1 externe Links af Isar gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 10:12, 23. Okt. 2017 (CEST)

Externe Links gendad[Am Gwëntext werkeln]

Griass enk Autorn,

I ho 1 externe Links af Isar gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 10:24, 22. Nov. 2019 (CET)