Ferdinand Neumaier (Komponist)

Ferdinand Neumaier (geb. 8. Septemba 1890 in Kiachbeag, heit Kiachbeag im Woid; † 24. März 1969 in Landshuat) war a deitscha Komponist und Liadatexta. Da Sohn vo am Schmiedemoaste hot des Lehrerseminar in Straubing bsuacht. Sei berufliche Laufbahn hot er ois Huifslehra in Neischönau begonna, spadare Stationa warn Renghütte, Zwiesl, Abensbeag und ab 1913 Landshuat, wo er zletzt bis 1956 Rektor vo da Knabnschui St. Martin war. Er hot fruahzeite mit'm Sammen und Aafschreim vo Voiksliada ogfangt. Bsondars des Liadguat aus'm Boarischn Woid, aba aa aus dem sonstign Oidbaiern, hot er gsammet uns hot's in Liadabiacha zamma gstöjt. Oft hot er nua Bruchstück vo Melodien und Test, de er mit eigane Weisn und Worte ergänzt hot gfundn. Er hot etwa 90 Liada komponiert, zu dene er haife aa den Text gschriem hot. Am bekanntestn is des 1938 entstandne Mia san vom Woid dahooam. Sei Waidlamess mit dem Text vo Eugen Hubrich kam am 14. Septemba 1952 in Landshuat zua Uraafführung. Zu seim Bekanntnkreis ham Paul Friedl, Anette Thoma, Max Peinkofer, Kiem Pauli und Max Matheis geheat, vo dem unta andam des Gedicht Und iatz is halt Winter worn vatont hot.

Im Netz

Der Komponist Ferdinand Neumaier -- Kirchberg im Wald YouTube