François Beaucaire de Péguillon

Aus Wikipedia

François Beaucaire de Péguillon (lat.: Belcarius Peguillio; eihdeitscht: Franz vo Beaucaire de Peguillon; * 15. Aprü 1514 auf Schloss Creste bei Montluçon; † 14. Feba 1591 ebndo) woar a franzesischa Theolog und Historika.

Er woar zeascht Lehra vo Charles de Lorraine-Guise, am spätan Kardinal vo Lothringen, späta hoda diesn noch Rom und aufs Konzil von Trient begleit, wo er se duach kräftign Widastond geng de Forderunga vo da streng päpstlichn Partei auszeichnt hod. Er is drauf vo de Lothringa zum Bischof vo Metz eihgsetzt worn, hod jedoch dieses Omt 1568 weng calvinistischa Unruhn niedaglegt, hod se auf sei Londgut bei Creste zruckzong und is duat 1591 gstorm.

Sei Happtschrift Rerum gallicarum commentarii, wejche de Zeid vo 1261 bis 1580 behondlt, is eascht 1625 in Lyon easchiena und werd weng ihra Unparteilichkeit, Freisinnigkeit und Genauigkeit gschätzt.

Im Netz[Werkeln | Am Gwëntext werkeln]

Vorlog:Meyers