Geografische Koordinatn

Aus Wikipedia
Der Artikl is im Dialekt Mingarisch gschriem worn.
Geografische Koordinatn af da Kugl
Geografische Koordinatn af da Kugl

Mit d'geografischn Koordinatn (geografische Broadn und d'geografische Leng) ko ma jedn Punkt af unsam Planetn b'schreim. D'Eadn is dazua in 360 Lengagrad und 180 Broadngrad afteit. D'Lengagrad valaffa duachn Noad- und Sidpoi, d'Broadngrad prallej zum Equator.

D'geographischn Koordinatn wean oft im Sexagesimaisystem ogem, d. h. 1 Grad is untateit in sechzg Minutn, 1 Minutn wiedarum in 60 Winkesekundn.

D'Broadngrad wean vom Equator as zejht, d'Lengagrad vo an festglegtn Nuimeridian. Friacha hods vaschiadane Nuimeridiane gem, heit wead in da Regl da Nuimeridian vo Greenwich oigmoa akzeptiad.

Im Netz[Werkeln | Am Gwëntext werkeln]