Ö3

Aus Wikipedia
(Weidagloadt vo Hitradio Ö3)
Wexln zua: Navigation, Suach
As Sendestudio vo Ö3

Da Ö3, aa Hitradio Ö3, is a östareichischa Radiosenda und as dritte Heafunkprogramm vom ORF. Ea is da meistkhuachtaste Radiosenda vo Östareich und da Programmchef is da Georg Spatt. Ö3 is am Foamat Contemporary Hit Radio zuazoadnen.

Oiigemans[VE | Weakln]

Hitradio Ö3 spüüt Hits da Ochzga, da Neinzga und de aktuöön Hits vo heit. Außadem san a maunchmoi ötare Rockklassika zum hean. Hitradio Ö3 hot mit an Moaktauntäu vo iwa 40% in greßtn Hurchauntäu in Östarreich. Da Ö3 is in Östarreich, Siidtiroul und in a boa Täu vo de Aunrainastootn zum empfaungan.

Gschichtn[VE | Weakln]

Ö3 is s easchte Moi am 1. Oktoba 1967 iwan Ätha gongan. Zudem hod Ö3 an in Austropop gfördat.

Seit 1977 sendt Ö3 rund um di Ua und seit n Johr 1984 san olle Musiktitl digital oogspeichat.

Im Johr 1996 is Ö3 in a reins Foamatradio umgwondlt wuan, de Kultua und es oitanative Programm wead seitdem Ö1 und FM4 iwalossn. Außadem is Ö3 ausn ORF-Funkhaus auszogn und hod seitdem a neichs Studio in da Argentiniastrossn.

Ö3-Programmcheefs[VE | Weakln]

  • 1967: Hermann Egger & Ernst Grissemann
  • 1979: Rudi Klausnitzer
  • 1987: Dieter Dorner
  • 1991: Edgar Böhm
  • 1994: Bogdan Roscic
  • 2002: Georg Spatt

Infoamationssendungen[VE | Weakln]

Ö3-Nochrichtn[VE | Weakln]

Jede volle Stund kumman de Ö3-Nochrichtn, außadem gibs vo 05:00 - 09:00 Uhr und vo 16:00 - 19:00 Uhr de Ö3-Schlogzäun.

Ö3-Wetter[VE | Weakln]

Jede volle Stund noch de Ö3-Nochrichtn kummz Ö3-Weda.

Ö3-Vakeahrssöavis[VE | Weakln]

Jede hoiwe Stund kummt des Ö3-Vakeahrssöavis, außadem gibz a Untabrechungean, z. B. bei Geistafoaramödungen. Vo 05:00 bis 19:00 Uhr eafoigt de Modaration vo de Vakeahrsredaktöör (am Wochnende vo 06:00 bis 19:00 Uhr).

Aktuölle Sendungan (Auswoi)[VE | Weakln]

Ö3-Wecka[VE | Weakln]

Da Ö3-Wecka is de meistghuachtaste Sendung vo Ö3 mit ca. 2 Milionen Heara. Ea läuft ollawäu vo Mondog bis Freidog vo fümfe bis neine. Es gibt im Ö3-Wecka a vüü Informaziaun und a de Ö3-Comedy wie z.B. Der Ö3-Callboy" (Gernot Kulis) und da Ö3-Mikromann (Tom Walek). De Moderatorn von da Sendung san deazeit Robert Kratky und Philipp Hansa. Ihnan stehgan Sigi Fink und Christian Huhndorf (Meteorologen) sowia Sandra König und Lisa Hotwagner (Verkehrsredakteure) ois Moderatorn zur Seitn. Bis Februar 2015 is die Sendung a vom Andi Knoll moderiert wordn, sei Nachfolger is da Philipp Hansa.

Die besten 40[VE | Weakln]

Seitn August 2013 gibz auf Ö3 oiwäu von Mondog bis Freidog von sibane bis zehne aufd Nocht fümf vaschiedane Chartshows min Titl Die besten 40. Am Montag wean die Ö3-Onlinecharts von Susi Zuschmann präsentiat. Am Diensdog spüüt Thomas Filzer in da Sendung Ö3 US-Charts de in da USA am meistn gspüütn, kauftn oda obeglodanan Songs, vatretungsweis aa modariat von Susi Zuschmann. Am Mittwoch werdn die Ö3 Euro Top40 von Sheyda Kharrazi moderiert, und am Dunnasdog spüüt da Senda in de Ö3-Hörercharts, modariat vo Verena Kicker oda Lisa Hotwagner, de von de Ö3-Höra meistgwunschanan Songs von da ganzn Wochn. Am Freidog werdn in da Sendung Ö3 Austria Top 40 mid Elke Lichtenegger (oda maunchmoi Thomas Filzer) de 40 meistvakauftn Hits vo Österreichs gschpüüt.

Frühstück bei mir[VE | Weakln]

Des Frühstück bei mir rennt ollawäu am Sunndog vo neine bis ööfe Vurmiddog und wiad von da Claudia Stöckl modariat, dee dabei aa bekaunnte Peasönlichkeitn intawiut.

Ö3-Dabei[VE | Weakln]

Ö3-Dabei rennt am Sunndog vo viere bis siebane aufd Nocht und wiad vo Sheyda Kharrazi, Sylvia Graf, Susi Zuschmann und Thomas Filzer modariat.

Ö3-Drivetime-Show[VE | Weakln]

De Ö3-Drivetime-Show rennt vo Mondog bis Freidog von viere bis siebane, modariat von Peter L. Eppinger und Olivia Peter. Die Sendung is so ähnlich wa Ö3-Dabei. Des Motto vo da Sendung haasst: Peter und Peter von viere bis siebane.

Ö3 Frag das ganze Land[VE | Weakln]

Frag das ganze Land is am Samsdog von viere bis siebane aufd Nocht. Des is de Ö3 Communityshow mit Gabi Hiller und Philipp Hansa. Da schüüdan Ö3-Heara eanare Probleme, und dazua gibz daunn a Voting von de andan, wos de dazua maanan.

Treffpunkt Ö3[VE | Weakln]

Da Treffpunkt Ö3 rennt von Mondog bis Dunnasdog vo zehne aufd Nochd bis Mittanocht. Do spüüns hauptsächlich aktölle Liadln. Modarian tan Sylvia Graf und Thomas Kamenar.

Forchers Friday Music Club[VE | Weakln]

Da Forchers Friday Music Club rennt am Freidog aufd Nocht vo zehne bis zwööfe und is a unmodariate Sendung. De Playlist wiad vom Eberhard Forcher erstöd und is auf da Homepage vom Sendna nochzlesn.

Ö3 Solid Gold[VE | Weakln]

Ö3 Solid Gold rennt imma am Sunndog vo sieme bis zehne aufd Nocht und wiad vom Eberhard Forcher modariat. Gspüüd wean do hauptsächlich ötare Klassika aus die 80er und 90er, manchmal a aus die 70er.

Ö3 Steanstundn[VE | Weakln]

Die Ö3 Steanstundn is am Sunndog vo zehne bis zwööfe aufd Nacht und wiad von Sylvia Graf und vo Peter L. Eppinger modariat und Gerda Rogers schaut fia Hera, de wos an sowas glaum, in de Stean. Gelegentlich moderiert a Thomas Kamenar.

Ö3-Wunschnocht[VE | Weakln]

Die Ö3-Wunschnocht rennt vo Mittanocht bis fümfe (am Wochnend sogoa bis sexe), se hod im Aprüü 2014 de Ö3-Musiknacht easetzt. Do wean nur Musikwinsch vo de Hera gspüüd und somid wia aa de fixe Playlist og'ändat.

Ö3-Playlist[VE | Weakln]

Die Ö3-Playlist wiad Mondog bis Freidog von zwaa bis viere nochmittag von Elke Lichtenegger und vo Thomas Kamenar modariat.

Ö3-Musikshow[VE | Weakln]

Die Ö3-Musikshow is Mondog bis Freidog von Middog bis uma zwaa. Es präsentian Benny Hörtnagl und gelegentlich da Thomas Kamenar eftas Intawius mit Staas und valosen Tickets fia Konzerte.

De aktuelln Ö3-Moderatorn und eanare Sendungen[VE | Weakln]

Moderator regelmäßig moderiade Sendung/en gelegentlich moderiade Sendung/en
Tarek Adamski Ö3-Wunschnacht
Kati Bellowitsch Ö3-Vormittagsshow Radio Holiday
Peter L. Eppinger Ö3-Drivetime-Show Frühstück bei mir, Ö3-Sternstunden
Thomas Filzer Ö3-Wunschnacht, Ö3 US-Charts Ö3 Austria Top 40,

Ö3-Playlist, Ö3-Onlinecharts, Ö3-US-Charts, Ö3 Euro Top 40, Ö3-Hörercharts, Ö3-Supersamstag, Treffpunkt Ö3–Die Samstagsausgabe, Ö3-Vormittagsshow, Ö3-Wochenendplaylist

Sigi Fink Ö3-Wecker (Wetter, Co-Moderation)
Eberhard Forcher Ö3 Solid Gold, Forchers Friday Music Club (unmoderiert, Playlist)
Sylvia Graf Treffpunkt Ö3, Ö3-Sternstunden Ö3-Dabei, Ö3-Playlist, Ö3-Solid Gold, Treffpunkt Ö3–die Samstagsausgabe, Ö3-Wochenendplaylist
Philipp Hansa Ö3 Frag das ganze Land, Ö3-Wecker
Gabi Hiller Ö3 Frag das ganze Land
Michael Heininiger Ö3-Wunschnacht
Thomas Hochwarter moderiert hauptsächlich auf Radio Burgenland Ö3-Wunschnacht, Treffpunkt Ö3–die Samstagsausgabe
Benny Hörtnagl Ö3-Bennys-Musikshow Radio Holiday
Lisa Hotwagner Ö3-Wecker (Verkehrsservice, Co-Moderation), Ö3-Hörercharts Ö3-Wochenendplaylist, Ö3-Onlinecharts, Ö3 US-Charts
Christian Huhndorf Ö3-Wecker (Wetter, Co-Moderation)
Thomas Kamenar Ö3-Playlist, Treffpunkt Ö3, Ö3-Supersamstag, Ö3-Sternstunden, Ö3-Musikshow, Ö3 Solid Gold, Guten Morgen am Sonntag
Sheyda Kharrazi Ö3-Wunschnacht, Ö3 Euro Top 40, Ö3-Dabei, Ö3-Wochenendplaylist Ö3-Onlinecharts, Ö3 US-Charts, Ö3-Hörercharts, Ö3-Playlist, Treffpunkt Ö3
Verena Kicker Ö3-Wunschnacht, Ö3-Hörercharts Ö3-Onlinecharts, Ö3 US-Charts, Ö3-Euro Top 40, Treffpunkt Ö3
Andi Knoll Ö3-Vormittagsshow Radio Holiday
Sandra König Ö3-Wecker (Verkehrsservice, Co-Moderation), Ö3-Wochenendplaylist Guten Morgen am Sonntag
Robert Kratky Ö3-Wecker
Elke Lichtenegger Ö3 Austria Top 40, Ö3-Playlist Radio Holiday
Olivia Peter Ö3-Drivetime-Show
Kevin Piticev Ö3-Wunschnacht Treffpunkt Ö3, Treffpunkt Ö3–die Samstagsausgabe
Gerda Rogers Ö3-Sternstunden (Co-Moderation)
Martina Rupp Guten Morgen am Sonntag
Claudia Stöckl Ö3 Frühstück bei mir
Susi Zuschmann Treffpunkt Ö3–die Samstagsausgabe, Ö3-Wunschnacht, Ö3-Onlinecharts, Ö3-Dabei Ö3 US-Charts, Ö3 Euro Top 40, Ö3-Hörercharts

Ö3-Eignvaaunstoitungan[VE | Weakln]

Hitradio Ö3 organisiad jealich 150 Events, de vo da Eventmarketingobtäulung vom Senda durchgfiad wean. Di Palettn reicht doo von Freiluftvaaunstoitungan bis zua Privatkonzeat, Discos, Clubbings, ezetara.

Ö3-Disco[VE | Weakln]

De Ö3-Disco wiad seid 20 Joa in Vaaunstoitungshoin, Zöttn und Diskothekn duachgfiat, wo de Ö3-DJs des Musikaungebot vom Senda spüün. De Ö3-Disco wiad aanzln buucht und kummt je noch Teaminvaeinboorung zum jewäulign Vaaunstoitungsurt.

Ö3-Privatkonzeat[VE | Weakln]

Fias Ö3-Privatkonzeat wean intanationäule Topstaars wia z.B. Bryan Adams oda Juanes noch Estarreich brocht. Si spüün daunn in an intiman Rohman vo vielleicht 200 Zuhera. Fia Koatn kau ma si auf da Intanetseitn vom Senda aumödn. Weitare Koatn wean in vaschiedane Gwinnspüü valost.

Im Netz[VE | Weakln]